ਪੇ ਦੇ ਮਹਾਰਾਜ, ਰਾਜਾ ਰੂ, ਉਦਾਸੀ ਤੋਂ ਮੁਕਤ ਧਰਤੀ, ਚਾਰ ਹਿਸਿਆਂ ਦਾ ਪਹਿਲਾ ਭਾਗ

ਅੱਜ 15 ਅਗਸਤ, 2026 ਹੋਣਾ ਚਾਹੀਦਾ ਹੈ। ਇਹ ਫਿਰ MAPA ਹੈ। MAPA ਨੇ ਮੈਨੂੰ ਕਿਹਾ ਕਿ ਮੈਂ ਆਪਣੇ ਤੰਬੂ ਦੇ ਮੈਡੀਟੇਸ਼ਨ ਵਾਲੇ ਖੇਤਰ ਤੋਂ ਬਾਹਰ ਨਾ ਨਿਕਲਾਂ। ਮੇਰਾ ਤੰਬੂ ਵੱਖ-ਵੱਖ ਹਿੱਸਿਆਂ ਵਿੱਚ ਵੰਡਿਆ ਹੋਇਆ ਹੈ। ਮੇਰੇ ਮੇਜ਼ ਲਈ ਇੱਕ ਛੋਟਾ ਜਿਹਾ ਹਿੱਸਾ, ਮੈਡੀਟੇਸ਼ਨ ਲਈ, ਆਰਾਮ ਕਰਨ ਲਈ, ਇੱਕ ਹੋਰ ਹਿੱਸਾ, ਅਤੇ ਜੋ ਵੀ ਮੇਰਾ ਸਮਾਨ ਹੈ, ਅਤੇ ਜਿੱਥੇ ਵੀ ਉਹਨਾਂ ਨੂੰ ਵਿਚ ਤੁੰਨਿਆ ਜਾ ਸਕਦਾ ਹੈ। ਇਸ ਲਈ ਜੇਕਰ ਇਹ ਕੁਝ ਕਦਮ ਲੈਣ ਨਾਲ, ਤਾਂ ਮੈਂ ਸਾਰੀ ਕੁਦਰਤ ਨੂੰ ਦੇਖਾਂਗੀ, ਤੰਬੂ ਦੇ ਕਾਲੇਪਨ ਦੇ ਅੰਦਰ ਕੁਝ ਕਦਮ ਤੁਹਾਨੂੰ ਰਾਤ ਵਰਗਾ ਅਹਿਸਾਸ ਦਿਵਾਉਂਦਾ ਹੈ, ਲਗਭਗ ਜਿਵੇਂ ਰਾਤ ਵਾਂਗ - ਇੰਨਾ ਚਮਕਦਾਰ ਨਹੀਂ, ਇੰਨਾ ਚਮਕਦਾਰ ਨਹੀਂ ਜਿਵੇਂ ਤੁਸੀਂ ਬਾਹਰ ਹੋ, ਜਾਂ ਜੇਕਰ ਤੁਹਾਡੇ ਕੋਲ ਇੱਕ ਚਮਕਦਾਰ ਤੰਬੂ ਹੈ, ਬਾਹਰੀ ਤੰਬੂ, ਜੇਕਰ ਇਹ ਇੱਕ ਵੱਖਰੇ ਰੰਗ ਦਾ ਹੈ, ਜੇ ਇਹ ਕਾਲਾ ਨਹੀਂ ਹੈ, ਫਿਰ ਇਹ ਬਹੁਤ ਚਮਕਦਾਰ ਹੈ। ਅਤੇ ਕਈ ਵਾਰ ਮੈਨੂੰ ਬਾਹਰ ਰਹਿਣਾ ਪੈਂਦਾ ਹੈ ਜਦੋਂ ਮੇਰੇ ਤੰਬੂ ਵਿੱਚ ਬਹੁਤ ਗਰਮੀ ਹੁੰਦੀ ਹੈ, ਜਿਵੇਂ ਕੱਲ੍ਹ, ਇਹ ਲਗਭਗ 36.7 (ਡਿਗਰੀ ਸੈਲਸੀਅਸ) ਸੀ। ਇਹ ਕਾਫ਼ੀ ਗਰਮੀ ਸੀ। ਇਕ ਇੰਨੇ ਗਰਮ ਤੰਬੂ ਵਿੱਚ ਜ਼ਿਆਦਾ ਦੇਰ ਰਹਿਣਾ ਸੰਭਵ ਨਹੀਂ ਹੈ। ਇਸ ਲਈ ਮੈਂ ਬਚ ਗਈ। ਮੈਂ ਬਸ ਆਪਣੇ ਆਪ ਨੂੰ ਮਾਫ਼ ਕੀਤਾ, ਮੈਂ ਕਿਹਾ, "ਮਾਫ਼ ਕਰਨਾ। ਮਾਫ਼ ਕਰਨਾ, ਸ਼੍ਰੀਮਾਨ ਜੀ, ਮੈਨੂੰ ਬਾਹਰ ਜਾਣਾ ਪਵੇਗਾ।"

ਅੱਜ ਮੈਂ ਆਪਣੇ ਮੈਡੀਟੇਸ਼ਨ ਵਿੱਚ ਬਹੁਤ ਆਰਾਮਦਾਇਕ ਸੀ, ਪਰ ਮੈਂ ਸੋਚਿਆ ਕਿ ਮੈਨੂੰ ਕੰਮ ਤੇ ਬਾਹਰ ਜਾਣਾ ਪਵੇਗਾ। ਮੈਨੂੰ ਆਰਾਮ ਕੀਤੇ ਨੂੰ ਸਿਰਫ਼ ਤਿੰਨ ਘੰਟੇ ਹੀ ਹੋਏ ਹਨ। ਅਤੇ ਹੁਣ ਇਹ ਪਹਿਲਾਂ ਹੀ ਚਮਕਦਾਰ ਹੈ। ਇਹ ਗਰਮੀਆਂ ਦਾ ਮੌਸਮ ਹੈ, ਇਹ ਚਮਕਦਾਰ ਹੈ ਅਤੇ ਬਹੁਤ ਤੜਕੇ ਹੈ। ਫਿਰ ਪ੍ਰਮਾਤਮਾ ਨੇ ਮੈਨੂੰ ਦੁਬਾਰਾ ਰਹਿਣ ਲਈ ਕਿਹਾ ਕਿਉਂਕਿ ਮੈਨੂੰ ਸ਼ਾਂਤੀ ਰਾਜੇ ਨਾਲ ਗੱਲ ਕਰਨੀ ਪਈ। ਮੈਂ ਉਸਨੂੰ ਪੁੱਛਿਆ, "ਕੀ ਇਹ ਇਸ ਤਰ੍ਹਾਂ ਹੈ ਜਿਵੇਂ ਤੁਸੀਂ ਕਿਸੇ ਹੋਰ ਦੂਰ ਰਾਜੇ ਨਾਲ ਮਿਲਣ ਦਾ ਪ੍ਰਬੰਧ ਕੀਤਾ ਹੈ?" ਉਸਨੇ ਕਿਹਾ, "ਹਾਂਜੀ, ਹਾਂਜੀ, ਅਤੇ ਇਹ ਹੁਣ ਹੈ।" ਵਾਹ। ਮੇਰੀ ਆਵਾਜ਼ ਘੱਟੋ-ਘੱਟ ਆਮ ਵਰਗੀ ਹੈ। ਮੈਂ ਕਿਹਾ, "ਠੀਕ ਹੈ, ਕਿਰਪਾ ਕਰਕੇ, ਕਿਰਪਾ ਕਰਕੇ ਧਿਆਨ ਰੱਖੋ ਕਿ ਦੂਰ ਦੇ ਰਾਜਾ..." ਜਿਸ ਬਾਰੇ ਉਸਨੇ ਮੈਨੂੰ ਦੱਸਿਆ ਮਹਾਰਾਜ ਦਾ ਨਾਮ R-O-O ਹੈ, ਪੇ, P-E ਨਾਮਕ ਗ੍ਰਹਿ ਤੋਂ ਰਾਜਾ ਰੂ। ਹਾਂਜੀ, ਉਹ ਆ ਰਿਹਾ ਹੈ।

ਨਮਸਕਾਰ, ਮਹਾਰਾਜ, ਪੇ ਦੇ ਰਾਜਾ ਰੂ। ਹਾਂਜੀ, ਅੰਗਰੇਜ਼ੀ ਵਿੱਚ ਅਸੀਂ ਇਸਨੂੰ R-O-O ਲਿਖਦੇ ਹਾਂ। ਮਹਾਰਾਜ, ਸਾਨੂੰ ਅੱਜ ਇੱਥੇ ਤੁਹਾਡਾ ਸਵਾਗਤ ਕਰਕੇ ਬਹੁਤ ਮਾਣ ਅਤੇ ਸਨਮਾਨ ਮਹਿਸੂਸ ਹੋ ਰਿਹਾ ਹੈ। ਕੀ ਇਕ ਇੰਨੀ ਦੂਰ ਦੀ ਧਰਤੀ ਤੋਂ ਤੁਹਾਡੀ ਯਾਤਰਾ ਸਭ ਠੀਕ ਸੀ? ਅਤੇ ਕੀ ਤੁਸੀਂ ਤੰਦਰੁਸਤ ਹੋ, ਸ਼੍ਰੀਮਾਨ ਜੀ? ਰਾਜਾ ਬੋਲਿਆ, "ਓਹ ਹਾਂਜੀ, ਹਾਂਜੀ। ਓਹ ਹਾਂਜੀ, ਸਭ ਤੋਂ ਪਿਆਰੇ ਰਾਜਿਆਂ ਦੇ ਰਾਜਿਆਂ ਦੇ ਰਾਜਿਆਂ ਦੇ ਰਾਜੇ, ਭਾਵੇਂ ਸਾਡੇ ਲਈ ਇੱਥੇ ਆਉਣਾ ਮੁਸ਼ਕਲ ਹੋਵੇ, ਅਸੀਂ ਤੁਹਾਨੂੰ ਮਿਲਣ ਦੀ ਪੂਰੀ ਕੋਸ਼ਿਸ਼ ਕਰਾਂਗੇ।" ਓਹ, ਸ਼੍ਰੀਮਾਨ ਜੀ, ਤੁਹਾਡਾ ਬਹੁਤ ਧੰਨਵਾਦ। ਇਹ ਬਹੁਤ ਹੀ ਦਿਲ ਨੂੰ ਛੂਹ-ਲੈਣ ਵਾਲਾ ਹੈ।

ਕਿਰਪਾ ਕਰਕੇ ਸਾਨੂੰ ਆਪਣੇ ਨਾਮ ਅਤੇ ਆਪਣੇ ਰਾਜ ਦੇ ਨਾਮ ਦਾ ਅਰਥ ਦੱਸੋ। ਜਿਵੇਂ ਕਿ ਅਸੀਂ ਹੁਣ ਤੱਕ ਜਾਣਦੇ ਹਾਂ, ਪਿਛਲੇ ਰਾਜਿਆਂ ਦੁਆਰਾ ਜੋ ਸਾਡੇ ਕੋਲ ਆਏ ਹਨ, ਬੁੱਧ ਰਾਜਾ ਦਾ ਨਾਮ, ਜਿਵੇਂ ਕਿ ਤੁਹਾਡਾ ਅਤੇ ਤੁਹਾਡਾ ਗ੍ਰਹਿ, ਤੁਹਾਡੇ ਰਾਜ ਦੇ ਨਾਮ ਦਾ ਕੁਝ ਅਰਥ ਹੋਵੇਗਾ ਅਤੇ ਇਸਦੇ ਨਾਲ ਕੁਝ ਅਸੀਸ ਹੋਵੇਗੀ। ਕਿਰਪਾ ਕਰਕੇ ਸਾਨੂੰ ਦੱਸੋ। "ਓਹ ਹਾਂਜੀ, ਮੈਂ ਤੁਹਾਡੇ ਗ੍ਰਹਿ ਦੇ ਲੋਕਾਂ ਨੂੰ ਇਹ ਸਮਝਾਉਣ ਲਈ ਮਜਬੂਰ ਹੋਵਾਂਗਾ, ਭਾਵੇਂ ਤੁਸੀਂ ਇਹ ਖੁਦ ਕਰ ਸਕਦੇ ਹੋ, ਕਿਉਂਕਿ ਤੁਸੀਂ ਸਭ ਕੁਝ ਜਾਣਦੇ ਹੋ।" ਓਹ ਕਿਰਪਾ ਕਰਕੇ, ਸ਼੍ਰੀਮਾਨ ਜੀ, ਮੈਨੂੰ ਸਿਰਫ਼ ਉਹੀ ਪਤਾ ਹੈ ਜੋ ਮੈਨੂੰ ਜਾਣਨਾ ਜ਼ਰੂਰੀ ਹੈ, ਜੋ ਸਰਬਸ਼ਕਤੀਮਾਨ ਪ੍ਰਮਾਤਮਾ, ਸਾਡਾ MAPA, ਸਾਨੂੰ ਦੱਸਦਾ ਹੈ।

"ਠੀਕ ਹੈ, ਮੈਂ ਤੁਹਾਡੀ ਨਿਮਰਤਾ ਵਿੱਚ ਵਿਘਨ ਨਹੀਂ ਪਾਵਾਂਗਾ। ਪੂਰੇ ਬ੍ਰਹਿਮੰਡ ਵਿੱਚ ਜਾਣਿਆ ਜਾਣ ਵਾਲਾ ਨਾਮ ਰੂ ਹੈ। ਮੇਰੇ ਨਾਮ ਰੂ ਦਾ ਅਰਥ ਹੈ 'ਸੁਹਾਵਣਾ'। ਕਿਉਂਕਿ ਮੈਂ ਪ੍ਰਣ ਕੀਤਾ ਸੀ ਕਿ ਜੇ ਮੈਂ ਇਕ ਬੁੱਧ ਬਣ ਗਿਆ, ਤਾਂ ਹਰ ਕੋਈ ਜਿਸਦੀ ਮੇਰੇ ਨਾਲ ਇਕ ਨੇੜਤਾ, ਪਿਆਰ ਹੈ, ਜੋ ਮੈਨੂੰ ਦੇਖ ਸਕਦਾ ਹੈ, ਆਪਣੇ ਦਿਲ ਵਿੱਚ ਬਹੁਤ ਸੁਹਾਵਣਾ ਮਹਿਸੂਸ ਕਰੇਗਾ। ਅਤੇ ਇਹ ਉਦੋਂ ਤੋਂ ਹੀ ਹੈ ਜਦੋਂ ਤੋਂ ਮੈਂ ਇਕ ਬੁੱਧ ਬਣਿਆ ਹਾਂ, ਜੋ ਕਿ ਇਕ ਬਹੁਤ ਲੰਮੇ, ਲੰਮੇ, ਲੰਮੇ ਪੁਰਾਣੇ ਸਮੇਂ ਤੋਂ ਲੈ ਕੇ ਹੁਣ ਤੱਕ ਹੈ।" ਖੈਰ, ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ, ਸਾਨੂੰ ਬੁੱਧ ਦੇ ਇਕ ਇੰਨੇ ਮਹੱਤਵਪੂਰਨ ਕਾਰਕ ਬਾਰੇ ਦੱਸਣ ਲਈ ਤੁਹਾਡਾ ਧੰਨਵਾਦ। ਸਾਨੂੰ ਤੁਹਾਡੀ ਮੌਜੂਦਗੀ ਵਿੱਚ ਬਹੁਤ ਚੰਗਾ ਮਹਿਸੂਸ ਹੁੰਦਾ ਹੈ। ਇਹ ਸੱਚ ਹੈ। ਅਤੇ ਸਾਨੂੰ ਤੁਹਾਡੇ ਸਾਥੀਆਂ ਤੋਂ ਸੁਹਾਵਣਾ ਅਹਿਸਾਸ ਵੀ ਮਿਲਦਾ ਹੈ ਜਿਨ੍ਹਾਂ ਨੂੰ ਮਿਲ ਕੇ ਅਸੀਂ ਅੱਜ ਬਹੁਤ ਖੁਸ਼ ਹਾਂ। ਤੁਸੀਂ ਸਾਰੇ ਹਰ ਚੀਜ਼ ਵਿੱਚ, ਹਰ ਤਰੀਕੇ ਨਾਲ ਤੰਦਰੁਸਤ ਰਹੋ, ਪ੍ਰਮਾਤਮਾ ਦੇ ਨਾਮ ਅਤੇ ਕਿਰਪਾ ਵਿਚ, ਜੋ ਕਿ ਸਭ ਤੋਂ ਮਹਾਨ, ਅਤਿਅੰਤ ਸ਼ਕਤੀਸ਼ਾਲੀ ਹੈ।

"ਮੇਰੀ ਧਰਤੀ ਦਾ ਨਾਮ ਪੇ ਹੈ, ਜਿਸਦਾ ਅਰਥ ਹੈ 'ਉਦਾਸੀ ਤੋਂ ਮੁਕਤ।' ਅਤੇ ਸਾਡੇ ਰਾਜ ਵਿੱਚ ਇਸ ਤਰਾਂ ਹੀ ਹੈ। ਸਾਡੀ ਭਾਸ਼ਾ ਵਿੱਚ 'ਉਦਾਸੀ' ਲਈ ਕੋਈ ਨਾਮ ਵੀ ਨਹੀਂ ਹੈ। ਇਹ ਸਿਰਫ਼ ਇਸ ਦੁਨੀਆਂ ਦੇ ਲੋਕਾਂ ਦੀ ਖ਼ਾਤਰ ਹੈ, ਕਿਉਂਕਿ ਤੁਸੀਂ ਪੁੱਛਿਆ ਸੀ, ਇਸ ਲਈ ਮੈਂ ਤੁਹਾਨੂੰ ਝਿਜਕਦੇ ਹੋਏ ਦੱਸਦਾ ਹਾਂ ਕਿ ਇਸ ਨਾਮ ਦਾ ਅਰਥ ਹੈ 'ਉਦਾਸੀ ਤੋਂ ਮੁਕਤ।' ਪਰ ਸਾਡੀ ਧਰਤੀ 'ਤੇ, ਸਾਨੂੰ ਕਦੇ ਵੀ ਕੋਈ ਉਦਾਸੀ ਨਹੀਂ ਹੁੰਦੀ। ਸਾਡੇ ਰਾਜ ਵਿੱਚ ਕਿਤੇ ਵੀ ਇੱਕ ਨੈਨੋ ਸਕਿੰਟ ਵੀ ਅਜਿਹਾ ਨਹੀਂ ਹੈ ਜਿੱਥੇ ਲੋਕ ਕੁਝ ਵੀ ਅਜਿਹਾ ਮਹਿਸੂਸ ਕਰਨ ਜੋ ਉਨ੍ਹਾਂ ਨੂੰ ਉਦਾਸ ਕਰੇ। ਜੇ ਅਸੀਂ ਇੱਥੇ ਤੁਹਾਡੀ ਦੁਨੀਆਂ ਵਿੱਚ ਝਾਤੀ ਮਾਰੀਏ, ਤਾਂ ਸਾਨੂੰ ਅਜਿਹੀਆਂ ਅਤੇ ਅਜਿਹੀਆਂ ਚੀਜ਼ਾਂ ਦਿਖਾਈ ਦੇਣਗੀਆਂ ਜਿਨ੍ਹਾਂ ਨੂੰ ਉਦਾਸੀ ਵਜੋਂ ਪਰਿਭਾਸ਼ਿਤ ਕੀਤਾ ਜਾਵੇਗਾ। ਪਰ ਫਿਰ ਵੀ, ਸਾਨੂੰ ਧਰਤੀ 'ਤੇ ਤੁਹਾਡੇ ਵਾਂਗ ਉਦਾਸੀ ਦੀ ਭਾਵਨਾ ਨਹੀਂ ਹੈ। ਅਸੀਂ ਹਮੇਸ਼ਾ ਅਨੰਦ, ਖੁਸ਼, ਧੰਨ ਮਹਿਸੂਸ ਕਰਦੇ ਹਾਂ, ਬਿਲਕੁਲ ਉਸੇ ਤਰ੍ਹਾਂ ਜਦੋਂ ਤੁਸੀਂ ਆਪਣੀ ਸਭ ਤੋਂ ਉੱਚੀ ਸਮਾਧੀ ਵਿੱਚ ਹੁੰਦੇ ਹੋ, ਤਾਂ ਤੁਸੀਂ ਇਸ ਤਰ੍ਹਾਂ ਮਹਿਸੂਸ ਕਰੋਗੇ। ਤੁਸੀਂ ਮਹਿਸੂਸ ਕਰੋਗੇ ਕਿ ਤੁਸੀਂ ਕਿਸੇ ਸਰੀਰ ਵਿੱਚ ਨਹੀਂ ਹੋ, ਪਰ ਤੁਸੀਂ ਮੌਜੂਦ ਹੋ ਅਤੇ ਤੁਸੀਂ ਆਪਣੇ ਵਿਅਕਤੀਗਤ ਸਵੈ ਨੂੰ ਜਾਣਦੇ ਹੋ - ਪਰ ਸਭ ਤੋਂ ਉੱਚੀ ਪਰਿਭਾਸ਼ਾ ਵਿੱਚ।

ਤੁਹਾਡਾ ਸਭ ਤੋਂ ਉੱਚਾ ਸਵੈ ਸਿਰਫ਼ ਤੁਹਾਡੀ ਸਭ ਤੋਂ ਉੱਚੀ ਸਮਾਧੀ ਵਿੱਚ ਹੀ ਤੁਹਾਡੇ ਸਾਹਮਣੇ ਪ੍ਰਗਟ ਹੋਵੇਗਾ। ਅਤੇ ਤੁਹਾਡੇ ਆਪਣੇ ਸਭ ਤੋਂ ਉੱਚੇ ਆਤਮ ਸਵੈ ਤੱਕ ਪਹੁੰਚਣ ਤੋਂ ਪਹਿਲਾਂ ਹੀ, ਤੁਸੀਂ ਪਹਿਲਾਂ ਹੀ ਅਨੰਦ, ਕਿਰਪਾ, ਖੁਸ਼ੀ ਅਤੇ ਸ਼ਾਂਤੀ ਦਾ ਅਨੁਭਵ ਕਰ ਚੁੱਕੇ ਹੋਵੋਗੇ ਕਿਉਂਕਿ ਬ੍ਰਹਿਮੰਡੀ ਖੇਤਰ, ਬ੍ਰਹਿਮੰਡੀ ਊਰਜਾ, ਹਲਕੀ, ਉੱਨਤੀ ਵਾਲੀ ਕਿਸਮ ਦੀ ਊਰਜਾ ਉੱਚੀ ਹੁੰਦੀ ਹੈ। ਜਿੰਨਾ ਤੁਸੀਂ ਉੱਪਰ ਜਾਓਗੇ, ਓਨਾ ਹੀ ਤੁਸੀਂ ਉਤਸ਼ਾਹਿਤ ਮਹਿਸੂਸ ਕਰੋਗੇ। ਪਰ ਅਸੀਂ ਆਪਣੀ ਦੁਨੀਆਂ ਅਤੇ ਤੁਹਾਡੀ ਦੁਨੀਆਂ ਵਿੱਚ ਫ਼ਰਕ ਜਾਣਦੇ ਹਾਂ। ਜੇ ਅਸੀਂ ਇਸ ਵੱਲ ਝਾਤੀ ਮਾਰਨਾ ਚਾਹੁੰਦੇ ਹਾਂ, ਤਾਂ ਅਸੀਂ ਹਫੜਾ-ਦਫੜੀ, ਵਿਰਲਾਪ, ਪ੍ਰਮਾਤਮਾ ਅੱਗੇ ਉਨ੍ਹਾਂ ਨੂੰ ਸੰਘਰਸ਼ ਅਤੇ ਦੁੱਖਾਂ ਤੋਂ ਮੁਕਤ ਕਰਨ ਲਈ ਪ੍ਰਾਰਥਨਾਵਾਂ ਦੇਖ ਸਕਦੇ ਹਾਂ। ਪਰ ਸਾਡੇ ਅੰਦਰ ਉਹ ਮਾਹੌਲ ਨਹੀਂ ਹੈ ਕਿ ਅਸੀਂ ਇਸਦੇ ਨਤੀਜੇ ਭੁਗਤ ਸਕੀਏ। ਅਤੇ ਅਸੀਂ ਉਹ ਦੁੱਖ ਮਹਿਸੂਸ ਨਹੀਂ ਕਰਦੇ ਜੋ ਤੁਸੀਂ ਮਹਿਸੂਸ ਕਰਦੇ ਹੋ। ਸਾਨੂੰ ਉਹ ਹਫੜਾ-ਦਫੜੀ ਵਾਲੀ ਸਥਿਤੀ ਮਹਿਸੂਸ ਨਹੀਂ ਹੁੰਦੀ ਜੋ ਤੁਸੀਂ ਮਹਿਸੂਸ ਕਰਦੇ ਹੋ। ਸਾਡੀ ਧਰਤੀ ਵਿੱਚ, ਇਹ ਹਮੇਸ਼ਾ ਸ਼ਾਂਤੀਪੂਰਨ ਹੁੰਦਾ ਹੈ; ਇਹ ਹਮੇਸ਼ਾ ਅੱਜ ਹੀ ਹੈ; ਇਹ ਹਮੇਸ਼ਾ ਇੱਕ ਚੰਗਾ ਦਿਨ ਹੁੰਦਾ ਹੈ; ਇੱਕ ਸੁਹਾਵਣਾ ਦਿਨ, ਇੱਕ ਖੁਸ਼ਹਾਲ ਦਿਨ।"

ਵਾਹ! ਤਾਂ, ਮੈਂ ਕਿਹਾ, "ਵਾਹ, ਮਹਾਰਾਜ ਰਾਜਾ ਰੂ, ਅਸੀਂ ਸੱਚਮੁੱਚ ਚਾਹੁੰਦੇ ਹਾਂ ਕਿ ਸਾਨੂੰ ਵੀ ਤੁਹਾਡੇ ਗ੍ਰਹਿ ਵਾਂਗ ਹੀ ਅਸੀਸ ਮਿਲੇ। ਪਰ ਸਾਨੂੰ ਸਬਰ ਰੱਖਣਾ ਪਵੇਗਾ ਕਿਉਂਕਿ ਇਸ ਸੰਸਾਰ ਦੇ ਜੀਵ ਅਜੇ ਵੀ ਬੁੱਧੀ ਦੀ ਉੱਚਤਮ ਡਿਗਰੀ ਤੱਕ ਨਹੀਂ ਪਹੁੰਚੇ ਹਨ। ਇਸ ਲਈ ਅਸੀਂ ਆਪਣੀ ਦੁਨੀਆਂ ਵਿੱਚ ਕਹਿੰਦੇ ਹਾਂ, 'ਇਹ ਤਰਸਯੋਗ ਹੈ; ਇਹ ਉਦਾਸ ਹੈ, ਪਰ ਇਹ ਇਸ ਤਰ੍ਹਾਂ ਹੀ ਹੈ।' ਉਮੀਦ ਹੈ, ਪ੍ਰਾਰਥਨਾ ਸਹਿਤ, ਇੱਕ ਦਿਨ ਸਾਡੀ ਦੁਨੀਆਂ ਤੁਹਾਡੇ ਰਾਜ ਵਰਗੀ ਬਣ ਜਾਵੇਗੀ, ਅਤੇ ਸਾਰੇ ਲੋਕ ਖੁਸ਼,ਅਨੰਦਮਈ ਹੋਣਗੇ, ਅਤੇ ਪੂਰੀ ਆਜ਼ਾਦੀ, ਸੁਤੰਤਰ ਇੱਛਾ, ਖੁਸ਼ੀ ਅਤੇ ਅਨੰਦ ਵਿੱਚ ਉਹੀ ਕਰਨਗੇ ਜੋ ਉਹ ਚਾਹੁੰਦੇ ਹਨ।" "ਓਹ, ਅਸੀਂ ਤੁਹਾਡੇ ਨਾਲ ਤੁਹਾਡੇ ਗ੍ਰਹਿ ਲਈ, ਇੱਥੇ ਤੁਹਾਡੇ ਸਾਰੇ ਜੀਵਾਂ ਲਈ ਵੀ ਪ੍ਰਾਰਥਨਾ ਕਰਦੇ ਹਾਂ। ਪਰ ਤੁਸੀਂ ਇੱਥੇ ਮੌਜ਼ੂਦ ਹੋ, ਰਾਜਿਆਂ ਦੇ ਰਾਜਿਆਂ ਦੇ ਰਾਜਿਆਂ ਦੇ ਰਾਜਾ। ਤੁਸੀਂ ਉਨ੍ਹਾਂ ਦੀ ਮਦਦ ਕਰੋਗੇ। ਤੁਸੀਂ ਉਨ੍ਹਾਂ ਨੂੰ ਉੱਚਾ ਚੁੱਕੋਂਗੇ।"

ਓਹ, ਸ਼੍ਰੀਮਾਨ ਜੀ, ਮੈਂ ਚਾਹੁੰਦੀ ਹਾਂ ਕਿ ਇਹ ਇਸ ਤਰ੍ਹਾਂ ਹੁੰਦਾ। ਅਸੀਂ ਚਾਹੁੰਦੇ ਹਾਂ ਕਿ ਇਹ ਪ੍ਰਮਾਤਮਾ ਦੇ ਨਾਮ ਤੇ, ਪ੍ਰਮਾਤਮਾ ਦੀ ਕਿਰਪਾ ਨਾਲ ਅਜਿਹਾ ਹੀ ਹੋਵੇ। ਇਹ ਮੇਰੀ, ਜਿਸਨੂੰ ਤੁਸੀਂ ਕਹਿ ਸਕਦੇ ਹੋ, ਸ਼ਖ਼ਸੀਅਤ ਲਈ, ਬਹੁਤ ਹੌਲੀ ਹੈ। ਮੇਰੀ ਪਸੰਦ ਤੋਂ ਬਹੁਤ ਹੌਲੀ ਹੈ, ਅਤੇ ਮੈਨੂੰ ਲੋਕਾਂ ਨੂੰ ਦੁੱਖ ਝੱਲਦੇ ਦੇਖ ਕੇ ਬਹੁਤ ਦੁੱਖ ਹੁੰਦਾ ਹੈ। ਮੈਂ ਦੂਜਿਆਂ ਦੀਆਂ ਭਾਵਨਾਵਾਂ, ਯੁੱਧ, ਗਰੀਬੀ, ਬੇਇਨਸਾਫ਼ੀ, ਅਤੇ ਜਾਨਵਰ-ਲੋਕਾਂ ਦੇ ਦਰਦ ਅਤੇ ਦੁੱਖ ਦੇ ਪੀੜਤਾਂ ਦੀਆਂ ਭਾਵਨਾਵਾਂ ਨੂੰ ਮਹਿਸੂਸ ਕਰਨਾ ਬੰਦ ਨਹੀਂ ਕਰ ਸਕਦੀ । ਅਤੇ ਇਸੇ ਕਰਕੇ ਮੈਂ ਅਜੇ ਵੀ ਇੱਥੇ ਹਾਂ, ਸ਼੍ਰੀਮਾਨ ਜੀ। ਨਹੀਂ ਤਾਂ, ਮੈਂ ਸੱਚਮੁੱਚ ਇਸ ਖੇਤਰ ਵਿੱਚ ਨਹੀਂ ਰਹਿਣਾ ਚਾਹਾਂਗੀ, ਇੱਕ ਨੈਨੋ, ਨੈਨੋ, ਨੈਨੋ ਇੱਕ ਸਕਿੰਟ ਦਾ ਵੀ ਹੋਰ ਨਹੀਂ। "ਓਹ ਹਾਂਜੀ, ਅਸੀਂ ਸਮਝਦੇ ਹਾਂ। ਅਸੀਂ ਤੁਹਾਡੀ ਸਥਿਤੀ, ਤੁਹਾਡੀ ਹੈਸੀਅਤ, ਤੁਹਾਡੀ ਭਾਵਨਾ ਨੂੰ ਸਮਝਦੇ ਹਾਂ, ਕਿਉਂਕਿ ਤੁਸੀਂ ਇਸ ਗ੍ਰਹਿ ਦੇ ਦੁਖੀ ਜੀਵਾਂ ਨਾਲ ਇੱਥੇ ਰਹਿਣ ਲਈ ਸਾਰੀ ਖੁਸ਼ੀ, ਦੁੱਖ ਅਤੇ ਦਰਦ ਦੀ ਸਾਰੀ ਆਜ਼ਾਦੀ ਕੁਰਬਾਨ ਕਰ ਦਿੱਤੀ ਹੈ। ਇਸ ਤਰ੍ਹਾਂ, ਅਸੀਂ ਸਾਰੇ ਤੁਹਾਡੇ ਮਹਾਨ ਬਲੀਦਾਨ ਤੋਂ ਬਹੁਤ ਪ੍ਰਭਾਵਿਤ ਹਾਂ, ਬਹੁਤ ਪ੍ਰਭਾਵਿਤ ਹਾਂ ਅਤੇ ਬਹੁਤ ਸਤਿਕਾਰਯੋਗ ਹਾਂ। ਕੋਈ ਹੋਰ ਬੁੱਧ ਉਹ ਨਹੀਂ ਕਰ ਸਕਦਾ ਜੋ ਤੁਸੀਂ ਹੁਣ ਕਰ ਰਹੇ ਹੋ, ਸ਼੍ਰੀਮਾਨ ਜੀ।"

ਓਹ, ਮੈਂ ਹਮੇਸ਼ਾ ਪ੍ਰਮਾਤਮਾ ਦੀ ਕਿਰਪਾ 'ਤੇ ਭਰੋਸਾ ਕਰਾਂਗੀ। ਨਹੀਂ ਤਾਂ, ਮੇਰਾ ਵਜੂਦ ਬਹੁਤ ਪਹਿਲਾਂ ਹੀ ਖਤਮ ਹੋ ਗਿਆ ਹੁੰਦਾ, ਜੇ ਇਹ ਮੇਰੀ ਆਪਣੀ ਕਰਨੀ ਹੁੰਦੀ, ਕਿਉਂਕਿ ਇਸ ਦੁਨੀਆਂ ਦੀ ਜ਼ੁਲਮ, ਦਮਨ ਇੱਕ ਵੱਡੇ ਪਹਾੜ ਵਾਂਗ ਹੈ, ਹਿਮਾਲਿਅਨ ਪਹਾੜ ਤੁਹਾਡੇ ਉੱਤੇ ਹਨ, ਅਤੇ ਤੁਸੀਂ ਬਚ ਨਹੀਂ ਸਕਦੇ। ਇਸ ਦੁਨੀਆਂ ਦਾ ਕਰਮ ਸੱਚਮੁੱਚ, ਸੱਚਮੁੱਚ ਬਹੁਤ, ਬਹੁਤ ਹੀ ਦਮਨਕਾਰੀ ਹੈ। ਅਤੇ ਮਨੁੱਖ, ਖਾਸ ਕਰਕੇ ਇਸ ਗ੍ਰਹਿ 'ਤੇ - ਓਹ, ਮੈਨੂੰ ਲੱਗਦਾ ਹੈ ਕਿ ਉਨ੍ਹਾਂ ਕੋਲ ਇਹ ਸਭ ਸਹਿਣ ਲਈ ਇਕ ਅਜਿਹੀ ਤਾਕਤ ਹੈ। ਇਹ ਵੀ ਪ੍ਰਮਾਤਮਾ ਦਾ ਆਸ਼ੀਰਵਾਦ, ਪ੍ਰਮਾਤਮਾ ਦੀ ਸੁਰੱਖਿਆ ਅਤੇ ਪ੍ਰਮਾਤਮਾ ਦੀ ਰਹਿਮਤ ਹੈ, ਨਹੀਂ ਤਾਂ ਉਹ ਧੂੜ ਵਿੱਚ ਕੁਚਲੇ ਜਾਣਗੇ - ਇਸਨੂੰ ਤਬਾਹ ਹੋਣ ਵਿੱਚ ਇੱਕ ਸਕਿੰਟ ਵੀ ਨਹੀਂ ਲੱਗੇਗਾ। ਅਸੀਂ ਪ੍ਰਮਾਤਮਾ, ਸਾਡੇ MAPA, ਸਾਡੇ ਅਤਿਅੰਤ ਦਿਆਲੂ ਅਤੇ ਰੱਖਿਆ ਕਰਨ ਵਾਲੇ ਪ੍ਰਮਾਤਮਾ ਦਾ ਧੰਨਵਾਦ ਕਰਦੇ ਹਾਂ। ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ। ਤੁਸੀਂ ਤੰਦਰੁਸਤ ਰਹੋ, ਆਪਣੇ ਬੱਚਿਆਂ ਨੂੰ ਇਸ ਤਰ੍ਹਾਂ ਦੁੱਖ ਝੱਲਦੇ ਦੇਖ ਕੇ ਵੀ। ਤੁਸੀਂ ਠੀਕ ਰਹੋ। ਹਰ ਰੋਜ਼, ਜਦੋਂ ਵੀ ਮੈਂ ਕਰ ਸਕਦੀ ਹਾਂ, ਮੈਂ ਤੁਹਾਡਾ ਦਰਦ ਘਟਾਉਣ ਲਈ ਉਸ ਤਰੀਕੇ ਦੀ ਵਰਤੋਂ ਕਰਦੀ ਹਾਂ, ਸ਼੍ਰੀਮਾਨ ਜੀ। ਕਾਸ਼ ਮੇਰੇ ਕੋਲ ਤੁਹਾਡੇ ਦਰਦ ਨੂੰ ਘੱਟ ਕਰਨ ਲਈ 24 ਘੰਟੇ ਤੋਂ ਵੱਧ ਸਮਾਂ ਹੁੰਦਾ।

Photo Caption: "ਧੰਨਵਾਦ ਨਾਲ ਨਚਣਾ, ਕਿਉਂਕਿ ਜਿੰਦਗੀ ਸਵਰਗ ਦੁਆਰਾ ਤੋਹਫੇ ਵਜੋਂ ਦਿਤੀ ਗਈ ਹੈ!"

ਫੋਟੋ ਡਾਊਨਲੋਡ ਕਰੋ