We All Must Treat Each Moment As Precious Chance to Serve God’s Purpose for Our Lives

Индонезийн Балийн Нурхаятигийн сэтгэлийн үгийг одоо хүргэе:

Хамгаас Эрхэм Төгс Гэгээрсэн Их Багш Чин Хай, миний биширдэг Суприм Мастер ТВ-ийн баг аа, Би ертөнцийн үйл ажиллагаа, маш бага бясалгалын улмаас би дотоодоосоо хол хөндий байж, олон асуудалтай тулгарсан, Их Багшийг сайн мэддэггүй байсан ч миний сэтгэл Их Багшийг үнэхээр санаж байв. 2019 оны сүүлээр, КОВИД- д дэгдэхээс өмнө би бусад авшигтнуудтайгаа илүү ойртсон. Тэднээс би илүү их бясалгахад маш их дэмжлэг авсан. Бүх шийдэмгий, тууштай байдлаар би сүнслэг бясалгал дадалдаа анхаарлаа хандуулж эхэлсэн. Надад сөргөөр нөлөөлсөн ач холбогдолгүй, шаардлагагүй бүх зүйлийг зоригтойгоор хаяж орхисон. Би Суприм Мастер ТВ үзэж, Их Багшийн ном уншиж, Их Багшийн лекцийн видеог тоглуулж, нийтийн бясалгалд хамрагдаж, мөн Төв дээр хэд хэдэн шавьтай хамт долоо хоногт хоёроос гурван удаа шөнийн бясалгал хийдэг байсан.

2020 оны дундуур нэг шөнө би дотоод ахуй ойлголт авсан. Тэр ахуй ойлголтоор Их Багш миний өмнө үсээ намируулан урт цагаан дээлтэй гэнэт гарч ирсэн. Их урам зориг, сониуч зангаар би боломжийг дэмий үрэхийг хүсээгүй мэт шууд л гадаад хэлээр “Их Багш аа, энэ Орчлонд Таны байр суурь хаана байгаа вэ?” гэж асуусан. Их эртний, хуучирсан хуйлаатай цагаан даавуу гаргаж ирээд Их Багш зүгээр л инээмсэглэв. Их Багш хуйлаасыг аажим задлав. Даавуун хуудсан дээр Сансарын бүх биетүүд болох: гарагууд, одод, галактикууд гэх мэт, тэр дундаа тус бүрийг захирдаг Бурхад зэрэг өргөн уудам Орчлонгийн газрын зургийг байрлуулсан байв. Хөөх, энд тэнд маш жижиг бичээстэй, ямар их төвөгтэй зохицуулалт, дэг журам бэ. Тэгээд Их Багш Орчлонгийн газрын зургийн гаднах хоосон зайны баруун дээд хэсэгт заагаад “Миний байр суурь энд байгаа!” гэж хэлсэн. Би алмайрч, өөрийгөө сэрүүн мөн нулимс дуслуулан байгааг ухаараад их гайхсан. Их Багш аа, Таныг Хэн болохыг ойлгоогүйг минь уучлаарай. Их Багш аа, Та бол Орчлонгийн Хамгийн Дээд Захирагч юм байна. Та бол үүсэлгүй Оршихуй.

Энэ ахуй ойлголтыг хүлээн авснаар, ялангуяа хэсэг хугацааны өмнө Суприм Мастер ТВ-ээр Их Багш жинхэнэ Өөрийгөө, хүн төрөлхтөн ирэхийг нь хүлээж буй Майдар Будда, Эзэн Есүс Христ мөн гэдгээ илчилснийг цацсан шуурхай мэдээ нэвтрүүлгийг үзэж байхдаа миний итгэл улам бүр хүчирхэгжсэн. Их Багш бол бүх Хаадын Хаан бөгөөд энэ нь өнгөрсөн үеийн бүх Хаадын Хаан, одоогийн Хаадын Хаан, ирээдүйн бүх Хаадын Хаан гэсэн үг юм. Та бол TИM КO TҮ бөгөөд Тим Ко Тү- гийн ертөнц бол Их Багшийн Ивээлээр хүн төрөлхтний хүрч чадах Орчлон, Ертөнц дахь хамгийн дээд түвшин юм. Бурханы шавь болж, Их Багштай уулзан, шавь нь болсондоо талархаж, талархахаа хэзээ ч бүү зогсоогоорой. Их Багш ямагт эрүүл энх байж, Бүхнийг Чадагчийн хамгаалалтад байх болтугай. Индонезийн Бали-гаас Нурхаяти

Хичээнгүй зүтгэлтэй Нурхаяти, Таны сүнслэг өөрчлөлтийг сонсоод, мөн дотоод ахуй ойлголтоо хуваалцсанд бид маш их баяртай байна. Их Багш биднийг Гэрт маань хөтөлж байгаа нь үнэхээр их адисал бөгөөд та үүнийг ойлгож, одоо боломжоо бүрэн ашиглаж байгаа нь үнэхээр гайхалтай хэрэг. Таны сүнслэг бясалгал дадалд бид их Адисыг хүсэн ерөөе. Та болон Индонезийн бодолтой ард олон Бурханы ачлалт Ивээлд амар амгаланг олох болтугай, Суприм Мастер ТВ-ийн баг

Жич. Их Багш эелдэг захиасаа танд зориулж байна: “Гайхалтай Нурхаяти, та илүү сайн бясалгагч болохын тулд амьдралаа өөрчлөх үйл хийсэнд маш их баяртай байна. Зарим хүн авшиг хүртсэн ч асар их Адисаа дараа нь дэмий үрж, бясалгалаа хийдэггүй, эсвэл Таван Сахилаа дагаж, мөрддөггүй бөгөөд тэд алдаагаа засахын тулд дахин төрөх хэрэгтэй болдог. Та ийм урхинд ороогүй нь сайн хэрэг. Бид бүгдээрээ энэ хорвоог орхин явахдаа энд хийх гэж ирсэн зүйлээ хийсэндээ сэтгэл хангалуун байхын тулд бид амьдралынхаа бүхий л хором, мөч бүрийг Бурханы зорилгод үйлчлэх ховор, нандин боломж гэж хандах ёстой. Таны сүнслэг дадал бясалгалд хурдан бөгөөд маш их гэгээрлийг мөн зам мөрд тань асар их Адислалуудыг хүсэн ерөөе! Та болон үзэмжит Индонези өдөр тутмын амьдралдаа Тэнгэрийн амар амгаланг мэдрэх болтугай. Миний Хайр үргэлж тантай хамт байгаа! Танд том тэврэлтийг илгээж байна.”