Энэ цаг үед БУРХАНЫ шавь нар Арьяабалын бясалгалын авшиг хүртэхийн тулд Их Багш Дазү Хуикэг шиг тийм эрс арга хэмжээ авах шаардлагагүйд маш их баяртай байна!

Хятадаас Жэ-Хуа-гийн мандарин хятад хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Эргэн Нэгдсэн Цаглашгүй Хүчирхэг Гурав, Их Багш болон Суприм Мастер Телевизийн хамт олонд: Суприм Мастер Телевизийн Гараг дэлхийн талаарх олон цуврал Эртний Зөгнөлүүд нэвтрүүлгүүдэд Их Багшийн Дэлхий дээрх өмнөх олон төрөл авалт, дүрүүдийг илчилсэн билээ. Их багш Дэлхийг сүнслэгээр дэвшүүлж, мэдрэхүйт төрөлтнүүдийг байнга өөрчлөгдөх дүр төрхүүдээр дамжуулан сэрээж байгааг харахад сэтгэл минь хязгааргүй баяр, гүн догдлолоор дүүрдэг! Тэдгээр өмнөх төрөлүүдийнх нь нэгэнд Их Багш Хамба Бодьдарма байжээ. Яагаад ч юм, би Хамба Бодьдармаг үргэлж онцгойлон хайрлаж, дотно санаж ирсэн.

Их Багшаас авшиг хүртэхээсээ өмнө би Хамба Бодьдарма шавь нараа хүлээн, Хятадын Шаолинь Хийдэд хана ширтэн есөн жил бясалгасныг Буддын шашны түүхээс мэдсэн юм. Арьяабалын бясалгалын уламжлалыг хүлээн авахын тулд Өөрийн гараа тасалсан Их Багш Дазү Хуикэг би туйлын их биширдэг байлаа! Их Багшийн Ивээлээр би Их Багшаас авшиг хүртэж чадсан. Их Багш шавь нараасаа ертөнцийн эгэл амьдралаар амьдрахын зэрэгцээ веган хооллож, Таван Сахилыг мөрдөн, өдөр бүр дор хаяж хоёр цаг хагас бясалгахыг л хүсдэг. Авшиг хүртсэний дараа миний хамгийн агуу мэдэрсэн зүйл бол сэтгэлийн амар амгалан! Их Багшдаа хязгааргүй их талархаж байна!

Их Багш Дэлхийд бууж ирснээсээ хойш, амьдралынхаа төрөл бүрдээ Өөрийн өвөрмөц арга замаар гарагийг сүнслэгээр дэвшүүлж, мэдрэхүйт төрөлтнийг чөлөөлсөөр ирсэн. Энэ төрөлдөө Их Багш Суприм Мастер Телевизийг удирдан чиглүүлж байна. Гайхалтай нь Суприм Мастер Телевизийн үзэгчид Орчлон ертөнц дэх бүх гараг даяар тархаж байгаа явдал юм. Жишээ нь, Дэлхий дээрх хятад шавь нарыг жишээ болгон авч үзье. Их Багшийн шавь нарын дунд хятад авшигтнууд дэлхий даяар хамгийн өндөр хувийг эзэлдэг. Их Багшийн хязгааргүй Хайрын Хүч эдгээр шавь нараар дамжин Суприм Мастер Телевизээр түгэн тархаж Хятадад Гэрлийн урсгалыг бий болгожээ. Үүнээс гадна, өнгөрсөн төрлүүддээ янз бүрийн дүр төрхөөр Их Багштай барилдлага тогтоосон ухамсарт оршихуйнууд албан бусаар авшиг хүртсэн шавь нарын хувиар энэхүү Гэрлийн урсгалд нэгдэн цугларчээ.

Сүнслэг сэрэлтийн энэхүү Гэрэлт мөрөн Хятад хэмээх аварга лууны биеэр дамжин урсаж байна. Хятад хэмээх аварга луу тэнгэрт дүүлэхэд, Их Багш Та үүлэн дээр эргэн ирэх нь гарцаагүй! Их Багшийг Шаолинь хийдэд дахин зочлоход нь хамт явахыг би чин сэтгэлээсээ хүсдэг. Их Багш аа, Таныг Шаолинь хийдээс явснаас хойш тус хийд хэдэнтээ мандан сэргэж, мөн доройтон буурсан хэд хэдэн үеийг туулсан бөгөөд одоо дахин сэргэн мандаж байна. Тус хийдэд тэд “ажиллахгүй бол хоолгүй” гэсэн зарчмыг баримтлан, газар тариалан болон зэн бясалгалыг эн тэнцүү адилхан чухалчилдаг веган амьдралын хэв маягийг хэрэгжүүлдэг. Энэхүү ариун урсгал дэлхий даяар хурдан түгэх болтугай! Эргэн Нэгдсэн Цаглашгүй Хүчирхэг Гурав Их Багшийг гоо үзэсгэлэн, аюулгүй байдал, эрүүл энхээр адислаж, бүх хүслийг нь биелүүлэх болтугай хэмээн залбирч байна! Хүндэтгэсэн, шавь Жэ-Хуа, Хятадаас

Цог золбоотой Жэ-Хуа, бидний Хайрт Их Багш маань Тэнгэрлэг төрөл авалтынхаа тоо томшгүй олон амьдралын туршид юуг даван туулж, ямар ихийг бүтээснийг нь бодохоор бид бишрэхгүй байхын аргагүй. Өнгөрсөн, одоо, ирээдүйн Гэгээнтэн Мэргэдийн хүч чадал, мэргэн ухаан хятадын ард түмэнд урам зориг хайрлах болтугай, Суприм Мастер Телевизийн баг Жич: Их Багш дараах дотно хариуг өгчээ:

Тууштай Жэ-Хуа, сайхан үгс болон хайранд тань баярлалаа. Энэ цаг үед БУРХАНЫ шавь нар Арьяабалын бясалгалын авшиг хүртэхийн тулд Их Багш Дазү Хуикэг шиг тийм эрс арга хэмжээ авах шаардлагагүйд маш их баяртай байна! Өөрийн хамт олон, ойр орчныхонтойгоо Суприм Мастер Телевизийг хуваалцаж, тэднийг Бүхнээс Агуу БУРХАН-ы Хайр, өөрсдийн Жинхэнэ Би болон чанадад тэднийг хүлээж буй дээд ертөнцүүдийг танин мэдэж, нээн илрүүлэх сүнслэг аялалд гарахад нь урам хайрлаарай. Тэнгэрийн Луунууд тэдгээр ертөнцөөс ирдэг бөгөөд зөвхөн Үнэнийг айлддаг Их Багш Бодьдарма мэт Агуу Багш нарт туслуулахаар Эерэг Хүчнээс илгээсэн Тэнгэрлэг Хамгаалагчид юм. Та болон хүчирхэг Хятад орон Төгс Дээд Оршихуйг үргэлж санаж, ТҮҮНИЙ Төгс Хүчит Ивээл дор амар амгалан, аюулгүй байх болтугай. Таныг үүрд хайрлана.”