ਸਾਡੇ ਗ੍ਰਹਿ ਦੀ ਮੌਜੂਦਾ ਸਥਿਤੀ ਵੱਡੀ ਅਧਿਆਤਮਿਕ ਯੋਜਨਾ ਵਿੱਚ, ਚਾਰ ਹਿਸਿਆਂ ਦਾ ਤੀਸਰਾ ਭਾਗ

ਜਿਵੇਂ ਕਿ ਮੈਂ ਤੁਹਾਡੇ ਨਾਲ ਗੱਲ ਕਰ ਰਹੀ ਹਾਂ, ਮੈਂ ਸਿਰਫ਼ ਸ਼ਾਂਤੀ ਲਈ ਹੀ ਸਹਿਮਤ ਨਹੀਂ ਹਾਂ, ਕਿਉਂਕਿ ਮੇਰੇ ਕੋਲ ਇਸੇ ਤਰ੍ਹਾਂ ਦੀਆਂ ਚੀਜ਼ਾਂ ਬਾਰੇ ਇੱਕ ਨਵੀਂ ਆਡੀਓ ਰਿਕਾਰਡਿੰਗ ਹੈ, ਜੋ ਕਿ ਕਈ ਦਿਨਾਂ ਤੋਂ ਤਿਆਰ ਕੀਤੀ ਜਾ ਰਹੀ ਹੈ, ਅਤੇ ਉਨ੍ਹਾਂ ਨੂੰ ਮੈਨੂੰ ਆਖਰੀ ਵਾਰ ਪ੍ਰਮਾਣਿਤ ਕਰਨ ਦੀ ਲੋੜ ਹੈ, ਪਰ ਮੈਂ ਰੁਝੀ ਹੋਈ ਹਾਂ। ਮੇਰਾ ਮਤਲਬ ਹੈ, ਮੈਂ ਕੁਝ ਨਾ ਕਰਨ ਵਿੱਚ ਰੁਝੀ ਹੋਈ ਹਾਂ। ਮੈਂ ਕੁਝ ਵੀ ਨਾ ਕਰਨ ਵਿੱਚ ਰੁਝੀ ਹੋਈ ਹਾਂ ਕਿਉਂਕਿ ਸ਼ਾਂਤੀ ਊਰਜਾ ਨੂੰ ਕੋਮਲ ਅਤੇ ਨਿਰਵਿਘਨ ਗਤੀ ਦੇ ਰੂਪ ਵਿੱਚ ਨਿਯੰਤ੍ਰਿਤ ਕਰਨਾ ਪੈਂਦਾ ਹੈ, ਪਰ ਹੌਲੀ ਗਤੀ ਦੇ ਰੂਪ ਵਿੱਚ, ਜਿਵੇਂ ਕਿ ਇਹਨਾਂ ਕੁਝ ਦਿਨਾਂ ਵਿੱਚ ਜਦੋਂ ਪ੍ਰਮਾਤਮਾ ਨੇ ਮੈਨੂੰ ਇਹ ਨਿਰਦੇਸ਼ ਦਿੱਤਾ ਹੈ।

ਉਹ ਜਾਣਦੇ ਹਨ ਕਿ ਮੈਂ ਇੱਕ ਬਹੁਤ ਸਰਗਰਮ ਵਿਅਕਤੀ ਹਾਂ। ਮੈਨੂੰ ਹੋਣਾ ਹੀ ਪਵੇਗਾ। ਮੈਂ ਕੁਝ ਨਾ ਕਰ ਕੇ ਚੁੱਪ ਨਹੀਂ ਬੈਠ ਸਕਦੀ। ਇਸ ਲਈ ਪ੍ਰਮਾਤਮਾ ਨੂੰ ਵੀ ਮੈਨੂੰ ਸ਼ਾਂਤ ਹੋਣ, ਆਰਾਮ ਕਰਨ ਦੀ ਯਾਦ ਦਿਵਾਉਣੀ ਪੈਂਦੀ ਹੈ, ਤਾਂ ਜੋ ਅੰਤ ਵਿੱਚ ਸਭ ਤੋਂ ਵਧੀਆ ਨਤੀਜਾ ਲਿਆਉਣ ਲਈ ਊਰਜਾ ਦੇ ਹੋਰ ਸਰੋਤਾਂ ਨਾਲ ਮਿਲ ਕੇ ਚੀਜ਼ਾਂ ਕੰਮ ਕਰ ਸਕਣ। ਅਤੇ ਜਦੋਂ ਪ੍ਰਮਾਤਮਾ ਤੁਹਾਨੂੰ ਦੱਸਦੇ ਹਨ ਕਿ ਕੀ ਕਰਨਾ ਹੈ, ਤਾਂ ਤੁਸੀਂ ਇਨਕਾਰ ਨਹੀਂ ਕਰ ਸਕਦੇ। ਤੁਹਾਨੂੰ ਸਿਰਫ਼ ਪ੍ਰਮਾਤਮਾ ਦੇ ਹੁਕਮ, ਹੁਕਮ ਦੀ ਪਾਲਣਾ ਕਰਨੀ ਪਵੇਗੀ, ਕਿਉਂਕਿ ਪ੍ਰਮਾਤਮਾ ਦਾ ਅਰਥ ਸਾਡੇ ਲਈ ਸਿਰਫ਼ ਪਿਆਰ ਹੈ। ਪ੍ਰਮਾਤਮਾ ਨੂੰ ਸਾਡੇ ਬਚਾਅ ਦੀ ਪਰਵਾਹ ਹੈ। ਪ੍ਰਮਾਤਮਾ ਨੂੰ ਪਰਵਾਹ ਹੈ ਕਿ ਅਸੀਂ ਘਰ ਕਿਵੇਂ ਜਾ ਸਕਦੇ ਹਾਂ ਤਾਂ ਜੋ ਸਾਨੂੰ ਕਦੇ ਵੀ ਦੁੱਖ ਨਾ ਝੱਲਣਾ ਪਵੇ।

ਸਵਰਗਾਂ ਦੇ ਕਈ ਪੱਧਰ ਹਨ। ਜੇਕਰ ਤੁਸੀਂ ਅਜੇ ਵੀ ਸੱਚਮੁੱਚ ਸਾਰੀਆਂ ਦੁਨਿਆਵੀ ਚੀਜ਼ਾਂ ਨਾਲ ਜੁੜੇ ਹੋਏ ਹੋ, ਤਾਂ ਤੁਹਾਨੂੰ ਸਭ ਤੋਂ ਉੱਚੇ ਸਵਰਗ ਵਿੱਚ ਜਾਣ ਦੀ ਲੋੜ ਨਹੀਂ ਹੈ। ਵੱਖ-ਵੱਖ ਸਵਰਗਾਂ ਵਿੱਚ ਇੱਕ ਵੱਖਰਾ ਅਨੰਦ, ਵੱਖਰੀ ਸ਼ਾਂਤੀ, ਵੱਖਰੀ ਖੁਸ਼ੀ ਹੈ। ਇਥੋਂ ਤਕ ਐਸਟਰਲ, ਸੂਖਮ ਸਵਰਗਾਂ 'ਤੇ ਵੀ - ਉੱਥੇ, ਤੁਸੀਂ ਮਹਿਸੂਸ ਕਰੋਗੇ ਕਿ ਤੁਸੀਂ ਹੁਣ ਆਪਣੀ ਦੁਨੀਆ ਵਿੱਚ ਹੋ। ਉੱਥੇ ਤੋਂ ਇਲਾਵਾ, ਐਸਟਰਲ, ਸੂਖਮ ਪੱਧਰ ਦੇ ਉਸ ਸਵਰਗੀ ਸੰਸਾਰ ਵਿੱਚ ਬਹੁਤ ਕੁਝ ਵੱਖਰਾ ਨਹੀਂ ਹੈ, ਇਹ ਚਮਕਦਾਰ ਹੈ, ਇਹ ਸ਼ਾਨਦਾਰ ਹੈ, ਇਹ ਸੁੰਦਰ ਹੈ। ਅਤੇ ਤੁਸੀਂ ਜੋ ਵੀ ਰੁੱਖ ਦੇਖਦੇ ਹੋ, ਉਨ੍ਹਾਂ 'ਤੇ ਕੋਈ ਕੀੜਾ ਨਹੀਂ ਹੁੰਦਾ, ਜੋ ਪੱਤੇ ਖਾਂਦੇ ਹਨ। ਤੁਸੀਂ ਜੋ ਵੀ ਫੁੱਲ ਦੇਖਦੇ ਹੋ, ਉਹ ਹਮੇਸ਼ਾ ਇਸੇ ਤਰ੍ਹਾਂ ਰਹਿੰਦੇ ਹਨ, ਚਮਕਦਾਰ ਰੰਗ ਨਾਲ ਅਤੇ ਰੌਸ਼ਨੀ ਹਰ ਪਾਸੇ, ਹਰ ਪਾਸੇ ਚਮਕਦੀ ਹੈ। ਪਰ ਇਹ ਰੌਸ਼ਨੀ ਹੀ ਹੈ ਜੋ ਤੁਹਾਨੂੰ ਆਰਾਮਦਾਇਕ ਅਤੇ ਪਿਆਰ ਕੀਤੇ ਜਾਂਦੇ ਮਹਿਸੂਸ ਕਰਾਉਂਦੀ ਹੈ।

ਅਤੇ ਭਾਵੇਂ ਤੁਸੀਂ ਸਭ ਤੋਂ ਉੱਚੇ ਸਵਰਗ ਵਿੱਚ ਨਹੀਂ ਹੋ, ਪਰ ਐਸਟਰਲ, ਸੂਖਮ ਸਵਰਗ ਵੀ ਤੁਹਾਨੂੰ ਇੰਨਾ ਪਿਆਰਾ, ਇੰਨਾ ਧੰਨ ਮਹਿਸੂਸ ਕਰਵਾਏਗਾ ਕਿ ਤੁਸੀਂ ਕਦੇ ਵੀ ਇਸ ਭੌਤਿਕ ਖੇਤਰ ਵਿੱਚ ਵਾਪਸ ਨਹੀਂ ਆਉਣਾ ਚਾਹੋਗੇ। ਜ਼ਿਆਦਾਤਰ ਲੋਕ ਆਪਣੇ ਮੌਤ-ਦੇ-ਨੇੜੇ ਦੇ ਅਨੁਭਵ ਵਿੱਚ, ਇਹਨਾਂ ਐਸਟਰਲ, ਸੂਖਮ ਸਵਰਗਾਂ ਵਿੱਚ ਜਾਂਦੇ ਹਨ। ਐਸਟਰਲ, ਸੂਖਮ ਸਵਰਗਾਂ ਦੇ ਵੀ ਕਈ ਪੱਧਰ ਹਨ, ਅਤੇ ਤੁਸੀਂ ਮਹਿਸੂਸ ਕਰਦੇ ਹੋ ਕਿ ਤੁਸੀਂ ਅਨੰਤਤਾ ਵਿੱਚ ਹੋ। ਤੁਹਾਨੂੰ ਦੁਬਾਰਾ ਕਦੇ ਵੀ ਦੁੱਖ ਨਹੀਂ ਝੱਲਣਾ ਪਵੇਗਾ ਅਤੇ ਕਦੇ ਵੀ ਕਿਸੇ ਹੇਠਲੇ ਡੋਮੇਨ 'ਤੇ ਨਹੀਂ ਜਾਣਾ ਪਵੇਗਾ। ਤੁਹਾਨੂੰ ਲੱਗਦਾ ਹੈ ਕਿ ਤੁਸੀਂ ਹਮੇਸ਼ਾ ਲਈ ਉੱਥੇ ਰਹੋਗੇ, ਅਤੇ ਤੁਸੀਂ ਪ੍ਰਮਾਤਮਾ ਨੂੰ ਤੁਹਾਡੇ ਨਾਲ ਪਿਆਰ ਕਰਨ, ਤੁਹਾਨੂੰ ਹਿਦਾਇਤ ਦੇਣ, ਤੁਹਾਨੂੰ ਬਹੁਤ ਸਾਰੀਆਂ ਚੀਜ਼ਾਂ ਸਿਖਾਉਣ ਲਈ ਪ੍ਰਗਟ ਹੁੰਦੇ ਹੋਏ ਵੀ ਦੇਖੋਗੇ। ਇਸ ਲਈ ਤੁਸੀਂ ਕਦੇ ਵੀ ਬੋਰ ਨਹੀਂ ਹੁੰਦੇ। ਤੁਸੀਂ ਹਮੇਸ਼ਾ ਰੁੱਝੇ ਰਹਿੰਦੇ ਹੋ, ਜੋ ਤੁਸੀਂ ਚਾਹੁੰਦੇ ਹੋ ਉਹ ਕਰਦੇ ਹੋ ਅਤੇ ਹਮੇਸ਼ਾ ਪ੍ਰਮਾਤਮਾ ਦੇ ਪਿਆਰ ਅਤੇ ਪ੍ਰਮਾਤਮਾ ਦੀ ਕਿਰਪਾ ਵਿੱਚ ਰਹਿੰਦੇ ਹੋ ਕਿ ਤੁਸੀਂ ਕਦੇ ਵੀ ਹੋਰ ਕੁਝ ਨਹੀਂ ਚਾਹੁੰਦੇ, ਇਸ ਨੀਵੇਂ ਭੌਤਿਕ ਸੰਸਾਰ ਵਰਗੀਆਂ ਕਿਸੇ ਵੀ ਭੌਤਿਕ ਚੀਜ਼ਾਂ ਦੀ ਇੱਛਾ ਕਰਨ ਦੀ ਤਾਂ ਗੱਲ ਹੀ ਛੱਡ ਦਿਓ।

ਅਮਰੀਕਨ ਮੌਤ-ਦੇ-ਨੇੜੇ ਦੇ ਅਨੁਭਵੀ ਰੌਬਰਟ ਮਾਰਸ਼ਲ ਦੱਸਦੇ ਹਨ ਕਿ ਕਿਵੇਂ ਉਹ ਸਾਢੇ ਤਿੰਨ ਦਿਨ ਮਰਿਆ, ਪ੍ਰਭੂ ਯਿਸੂ ਨਾਲ ਸਵਰਗ ਵਿੱਚ 44 ਘੰਟੇ ਤੁਰਿਆ, ਇੱਕ ਪੂਰਾ ਚਮਤਕਾਰੀ ਇਲਾਜ ਪ੍ਰਾਪਤ ਕੀਤਾ, ਅਤੇ ਵਿਸਤ੍ਰਿਤ ਬਾਈਬਲੀ ਗਿਆਨ ਅਤੇ ਇੱਕ ਨਵੇਂ ਸਰੀਰ ਨਾਲ ਵਾਪਸ ਆਇਆ। 76 ਸਾਲਾ ਰੌਬਰਟ ਨੇ 1984 ਵਿੱਚ ਪ੍ਰਭੂ ਯਿਸੂ ਮਸੀਹ (ਸ਼ਾਕਾਹਾਰੀ) ਨੂੰ ਆਪਣੇ ਪ੍ਰਭੂ ਅਤੇ ਮੁਕਤੀਦਾਤਾ ਵਜੋਂ ਸਵੀਕਾਰ ਕਰ ਲਿਆ ਸੀ, ਪਰ ਉਹ ਇੱਕ ਵਚਨਬੱਧ ਈਸਾਈ ਵਜੋਂ ਨਹੀਂ ਰਹਿ ਰਿਹਾ ਸੀ। 17 ਮਈ, 2024 ਨੂੰ, ਉਹ ਇੱਕ ਫੋਰਟ ਵਰਥ ਦੇ ਐਮਰਜੈਂਸੀ ਰੂਮ ਵਿੱਚ ਗਿਆ, ਗਰਦਨ ਦੇ ਵੱਡੇ ਵਾਧੇ ਕਾਰਨ ਸਾਹ ਲੈਣ ਅਤੇ ਨਿਗਲਣ ਵਿੱਚ ਮੁਸ਼ਕਲ ਆ ਰਹੀ ਸੀ, ਡਾਕਟਰਾਂ ਦਾ ਮੰਨਣਾ ਸੀ ਕਿ ਇਹ ਹਮਲਾਵਰ ਕੈਂਸਰ ਸੀ। ਟਿਊਬ ਲਗਾਉਣ ਤੋਂ ਬਾਅਦ, ਰੌਬਰਟ ਨੂੰ ਆਈਸੀਯੂ (ਇੰਟੈਂਸਿਵ ਕੇਅਰ ਯੂਨਿਟ) ਵਿੱਚ ਦਾਖਲ ਕਰਵਾਇਆ ਗਿਆ। ਦੋ ਦਿਨਾਂ ਬਾਅਦ, ਜਦੋਂ ਡਾਕਟਰਾਂ ਨੇ ਸਾਹ-ਲੈਣ ਵਾਲੀ ਟਿਊਬ ਨੂੰ ਹਟਾਇਆ, ਤਾਂ ਪੁੰਜ ਉਸਦੀ ਸਾਹ ਨਾਲੀ ਉੱਤੇ ਘੁੰਮ ਗਿਆ, ਅਤੇ ਉਸਦੀ ਦਮ ਘੁੱਟਣ ਨਾਲ ਮੌਤ ਹੋ ਗਈ। ਮੈਡੀਕਲ ਸਟਾਫ ਨੇ ਉਸਦੇ ਦਿਲ ਨੂੰ ਮੁੜ ਚਾਲੂ ਕਰਨ ਤੋਂ ਪਹਿਲਾਂ 15 ਮਿੰਟਾਂ ਲਈ CPR [ਕਾਰਡੀਓਪਲਮੋਨਰੀ ਰੀਸਸੀਟੇਸ਼ਨ] ਕੀਤਾ।

ਮੈਂ ਆਪਣਾ ਸਰੀਰ ਛੱਡ ਦਿੱਤਾ, ਅਤੇ ਮੈਨੂੰ ਯਾਦ ਹੈ ਮੈਂ ਆਪਣੇ ਸਰੀਰ ਦੇ ਉੱਪਰ ਘੁੰਮ ਰਿਹਾ ਸੀ ਅਤੇ ਹੇਠਾਂ ਵੇਖ ਰਿਹਾ ਸੀ ਅਤੇ "ਵਾਹ" ਵਾਂਗ ਕਹਿ ਰਿਹਾ ਸੀ। ਮੈਨੂੰ ਪਤਾ ਸੀ ਕਿ ਇੱਥੇ ਕੁਝ ਆਮ ਨਹੀਂ ਸੀ। ਮੈਂ ਆਪਣੇ ਸਰੀਰ ਨਾਲ ਨਹੀਂ ਹਾਂ। ਅਤੇ ਫਿਰ ਉਹ ਤੇਜ਼ੀ ਨਾਲ ਮੈਂ ਸਵਰਗ ਵਿੱਚ ਖੜ੍ਹਾ ਸੀ। ਮੈਨੂੰ ਕੋਈ ਸੁਰੰਗ ਨਹੀਂ ਦਿਖਾਈ ਦਿੱਤੀ; ਮੈਂ ਬਸ ਸਵਰਗ ਵਿੱਚ ਸੀ।

ਰੌਬਰਟ ਨੇ ਆਪਣੇ ਆਪ ਨੂੰ ਸਵਰਗ ਵਿੱਚ ਇੱਕ ਵਿਸ਼ਾਲ ਅੰਦਰੂਨੀ ਵਿਹੜੇ ਦੇ ਕਿਨਾਰੇ ਪਾਇਆ।

ਮੈਂ ਮਹਿਸੂਸ ਕਰ ਸਕਦਾ ਸੀ, ਮੈਂ ਸੁੰਘ ਸਕਦਾ ਸੀ, ਮੈਂ ਸੁਣ ਸਕਦਾ ਸੀ, ਮੈਂ ਸਭ ਕੁਝ ਕਰ ਸਕਦਾ ਸੀ। ਉੱਥੇ ਰੁੱਖ ਅਤੇ ਝਾੜੀਆਂ ਸਨ। ਅਤੇ ਮੈਂ ਰੁੱਖਾਂ ਅਤੇ ਫੁੱਲਾਂ ਨੂੰ ਦੇਖ ਰਿਹਾ ਹਾਂ, ਅਤੇ ਸਭ ਕੁਝ ਅਤੇ ਉਹ ਬਸ ਇੰਨੇ ਵਿਸ਼ਾਲ, ਇੰਨੇ ਸੁੰਦਰ ਅਤੇ ਸ਼ਾਨਦਾਰ ਹਨ। ਰੰਗ ਬਹੁਤ ਜੀਵੰਤ ਅਤੇ ਚਮਕਦਾਰ ਹਨ। ਅਤੇ ਇਹ ਤਿੰਨ-ਅਯਾਮੀ ਵਰਗਾ ਨਹੀਂ ਹੈ; ਇਹ ਗੈਜ਼ੀਲੀਅਨ-ਡਾਇਮੈਨਸ਼ਨਲ ਵਾਂਗ ਹੈ। ਵੱਖ-ਵੱਖ ਰੰਗ ਉਨ੍ਹਾਂ ਕੋਲ ਇੱਥੇ ਵੀ ਨਹੀਂ ਹਨ। ਮੈਂ ਸਭ ਤੋਂ ਸ਼ਾਂਤ, ਪਿਆਰ-ਭਰਿਆ ਅਹਿਸਾਸ ਮਹਿਸੂਸ ਕਰ ਰਿਹਾ ਹਾਂ। ਇਹ ਇੱਕ ਬਹੁਤ ਵੱਡੀ ਜੱਫੀ ਵਾਂਗ ਹੈ। ਇਹ ਇਸ ਤਰ੍ਹਾਂ ਹੈ ਜਿਵੇਂ ਤੁਸੀਂ ਹਰ ਚੀਜ਼ ਨਾਲ ਜੁੜੇ ਹੋ, ਅਤੇ ਹਰ ਚੀਜ਼ ਤੁਹਾਨੂੰ ਪਿਆਰ ਨਾਲ ਭਰ ਦਿੰਦੀ ਹੈ। ਅਸੀਂ ਹਮੇਸ਼ਾ ਕਹਿੰਦੇ ਹਾਂ ਕਿ ਯਿਸੂ ਹੀ ਚਾਨਣ ਹੈ। ਖੈਰ, ਇਹ ਸ਼ਾਬਦਿਕ ਹੈ। ਉਸਦੀ ਰੋਸ਼ਨੀ ਸਾਰੇ ਸਵਰਗ ਨੂੰ ਰੌਸ਼ਨ ਕਰਦੀ ਹੈ, ਅਤੇ ਉਸਦੀ ਰੋਸ਼ਨੀ ਵਿੱਚ ਉਸਦਾ ਪਿਆਰ ਹੈ ਜੋ ਕਰਦਾ ਹੈ ਅਤੇ ਦਿਲਾਸਾ ਹੈ ਜੋ ਹਰ ਚੀਜ਼ ਅਤੇ ਹਰੇਕ ਵਿੱਚ ਸਮਾਇਆ ਹੋਇਆ ਹੈ। ਅਤੇ ਹਰ ਕੋਈ ਉਸ ਪਿਆਰ ਨਾਲ ਜੁੜਿਆ ਹੋਇਆ ਹੈ। ਇਹ ਬਿਲਕੁਲ ਇੱਕ ਵੱਡੀ ਜੱਫੀ ਵਾਂਗ ਹੈ। ਹਰ ਰੁੱਖ, ਹਰ ਫੁੱਲ, ਹਰ ਪੌਦਾ ਇੱਕ ਛੋਟੀ ਜਿਹੀ ਸੁਰੀਲੀ ਸੁਰ ਜਾਂ ਗੁਣਗੁਣਾਉਂਦਾ ਹੈ, ਅਤੇ ਉਹ ਸਾਰੇ ਇਕੱਠੇ ਹੋ ਕੇ (ਇੱਕ ਗੀਤ ਲਈ।) ਗਾਉਂਦੇ ਹਨ ਜੋ ਸਾਰਾ ਦਿਨ ਯਿਸੂ ਦੀ ਉਸਤਤ ਕਰਦਾ ਰਹਿੰਦਾ ਹੈ। ਹਰ ਪੌਦਾ, ਹਰ ਫੁੱਲ, ਸਾਰੇ ਆਪਣੀ ਇੱਕ ਖਾਸ ਛੋਟੀ ਜਿਹੀ ਖੁਸ਼ਬੂ ਛੱਡਦੇ ਹਨ ਜੋ, ਇੱਕ ਵਾਰ ਫਿਰ, ਇਕੱਠੇ ਮਿਲ ਕੇ, ਹਵਾ ਦੀ ਸਭ ਤੋਂ ਸੁੰਦਰ ਖੁਸ਼ਬੂ ਅਤੇ ਮਹਿਕ ਬਣਾਉਂਦੀ ਹੈ। ਇਹ ਤਾਜ਼ੀ ਹਵਾ ਵਾਂਗ ਹੈ ਅਤੇ ਉਹ ਸਭ ਕੁਝ ਜਿਸਦੀ ਤੁਸੀਂ ਕਲਪਨਾ ਵੀ ਕਰ ਸਕਦੇ ਹੋ।

ਮੈਂ ਯਿਸੂ ਦਾ ਸਿਲੂਏਟ ਦੇਖਿਆ। ਮੈਂ ਉਧਰ ਤੁਰ ਕੇ ਗਿਆ, ਅਤੇ ਜਿਵੇਂ ਹੀ ਮੈਂ ਨੇੜੇ ਆਇਆ, ਮੈਂ ਆਪਣੇ ਸੱਜੇ ਗੋਡੇ ਅਤੇ ਖੱਬੇ ਗੋਡੇ ਤੋਂ ਸ਼ੁਰੂਆਤ ਨਹੀਂ ਕੀਤੀ; ਮੈਂ ਬਿਲਕੁਲ ਪੂਰੀ ਤਰਾਂ ਲੰਮਾਂ ਪੈ ਗਿਆ, ਸਿੱਧਾ ਮੂੰਹ ਜ਼ਮੀਨ'ਤੇ, ਇਕ ਬੱਚੇ ਵਾਂਗ ਰੋ ਰਿਹਾ ਸੀ। ਦੁੱਖ ਦੇ ਹੰਝੂ ਨਹੀਂ, - ਖੁਸ਼ੀ ਅਤੇ ਨਿਮਰਤਾ ਦੇ ਹੰਝੂ। ਮੈਂ ਆਪਣੇ ਪ੍ਰਭੂ ਅਤੇ ਮੁਕਤੀਦਾਤਾ, ਪੂਰੇ ਬ੍ਰਹਿਮੰਡ ਦੇ ਸਿਰਜਣਹਾਰ, ਦੇ ਸਾਹਮਣੇ ਲੇਟਿਆ ਹੋਇਆ ਸੀ। ਅਤੇ ਮੈਂ ਯਿਸੂ ਦੇ ਨਾਲ ਹੱਥ ਮਿਲਾ ਕੇ ਚੱਲ ਰਿਹਾ ਹਾਂ। ਜਿਵੇਂ ਅਸੀਂ ਸਵਰਗ ਵਿੱਚੋਂ ਲੰਘਦੇ ਸੀ, ਅਸੀਂ ਤੁਰਦੇ ਅਤੇ ਗੱਲਾਂ ਕਰਦੇ ਸੀ। ਉਹ ਜ਼ਿਆਦਾਤਰ ਗੱਲਾਂ ਕਰਦਾ ਸੀ। ਉਹ ਪੜ੍ਹਾ ਰਿਹਾ ਸੀ। ਉਸਨੇ ਮੈਨੂੰ ਬਾਈਬਲ ਬਾਰੇ ਸਿਖਾਇਆ। ਉਸਨੇ ਮੈਨੂੰ ਸਿਖਾਇਆ ਕਿ ਸਮਾਂ ਕਦੋਂ ਸ਼ੁਰੂ ਹੋਇਆ, ਸ੍ਰਿਸ਼ਟੀ, ਉਤਪਤ ਤੋਂ ਲੈ ਕੇ ਪ੍ਰਕਾਸ਼ ਦੀ ਪੋਥੀ ਤੱਕ। ਉਸਨੇ ਮੈਨੂੰ ਸਿਖਾਇਆ ਕਿ ਬਾਈਬਲ ਵਿੱਚ ਅਜਿਹੀਆਂ ਚੀਜ਼ਾਂ ਕਿਉਂ ਹਨ ਜਿਨ੍ਹਾਂ ਦੀ ਵਿਆਖਿਆ ਵੱਖ-ਵੱਖ ਤਰੀਕਿਆਂ ਨਾਲ ਕੀਤੀ ਜਾ ਸਕਦੀ ਹੈ ਜਾਂ ਜੋ ਵਿਰੋਧਾਭਾਸੀ ਜਾਪਦੀਆਂ ਹਨ, ਪਰ ਉਹ ਨਹੀਂ ਹਨ। ਉਸਨੇ ਦ੍ਰਿਸ਼ਟਾਂਤਾਂ, ਉਦਾਹਰਣਾਂ ਕਿਉਂ ਵਰਤੀਆਂ, ਸਾਨੂੰ ਕੀ ਕਰਨ ਦੀ ਲੋੜ ਹੈ। ਮੈਨੂੰ ਸਿਖਾਇਆ ਕਿ ਵਿਸ਼ਵਾਸ ਵਿੱਚ ਅਸਲ ਵਿੱਚ ਮੁਕਤੀ ਕੀ ਹੈ, ਸਭ ਕੁਝ। ਲੋਕਾਂ ਦੇ ਸਵਾਲਾਂ ਦੇ ਕਾਰਨ, ਉਸ ਨੇ ਮੇਰੇ ਨਾਲ ਉਹ ਸਾਂਝਾ ਕੀਤਾ ਜੋ ਉਹ ਚਾਹੁੰਦਾ ਹੈ ਕਿ ਮੈਂ ਦੂਜੇ ਲੋਕਾਂ ਨਾਲ ਸਾਂਝਾ ਕਰਾਂ।

ਪ੍ਰਭੂ ਯਿਸੂ ਮਸੀਹ ਨੇ ਰੌਬਰਟ ਨੂੰ ਸਵਰਗ ਵਿੱਚ ਆਪਣਾ ਭਵਿੱਖੀ ਮਹਿਲ ਦਿਖਾਇਆ ਅਤੇ ਨਵੇਂ ਸਵਰਗ ਅਤੇ ਨਵੀਂ ਧਰਤੀ ਬਾਰੇ ਸਮਝਾਇਆ। ਅੰਤ ਵਿੱਚ, ਉਹ ਅੰਦਰਲੇ ਵਿਹੜੇ ਵਿੱਚ ਵਾਪਸ ਆ ਗਏ।

ਆਦਿ...

ਉਥੇ ਕੋਈ ਅਜਿਹੀ ਭਾਸ਼ਾ ਨਹੀਂ ਹੈ ਜਿਸਦੀ ਵਰਤੋਂ ਕਰਕੇ ਮੈਂ ਤੁਹਾਨੂੰ ਇੱਕ ਬਹੁਤ ਉੱਚੇ ਸਵਰਗ ਬਾਰੇ ਦੱਸ ਸਕਾਂ, ਨਾ ਕਿ ਸਭ ਤੋਂ ਉੱਚੇ, ਪਹੁੰਚਯੋਗ, ਪ੍ਰਾਪਤੀਯੋਗ ਸਵਰਗ ਬਾਰੇ ਗੱਲ ਕਰਨ ਲਈ ਜਿਸਨੂੰ ਮੇਰੇ ਅਖੌਤੀ ਪ੍ਰਮਾਤਮਾ ਦੇ ਪੈਰੋਕਾਰ ਜਾਣਦੇ ਹੋਣਗੇ, ਵੇਖਣਗੇ, ਯਾਤਰਾ ਕਰਨਗੇ, ਜਾਣਗੇ, ਅਤੇ ਭੌਤਿਕ ਸਰੀਰ ਛੱਡਣ ਤੋਂ ਬਾਅਦ ਉੱਥੇ ਰਹਿਣਗੇ। ਜਾਂ ਇਸ ਭੌਤਿਕ ਗ੍ਰਹਿ 'ਤੇ ਠਹਿਰਨ ਦੌਰਾਨ ਵੀ, ਉਹ ਅਜੇ ਵੀ ਐਸਟਰਲ, ਸੂਖਮ ਸੰਸਾਰ ਨਾਲੋਂ ਕਈ ਸੰਭਾਵਿਤ ਉੱਚੇ ਸਵਰਗਾਂ ਦੀ ਯਾਤਰਾ ਕਰ ਸਕਦੇ ਹਨ। ਅਤੇ ਫਿਰ ਉਹ ਵਾਪਸ ਆਉਂਦੇ ਹਨ, ਉਹ ਕੁਝ ਕਹਿ ਸਕਦੇ ਹਨ, ਪਰ ਉਹ ਕਦੇ ਵੀ ਇੰਨੇ ਉੱਚੇ ਜਾਂ ਸਭ ਤੋਂ ਉੱਚੇ ਸਵਰਗ ਦੀ ਸੱਚੀ ਮਹਿਮਾ ਦਾ ਵਰਣਨ ਨਹੀਂ ਕਰ ਸਕਦੇ।

ਆਮ ਤੌਰ 'ਤੇ, ਮੈਂ ਆਪਣੇ ਅੰਦਰੂਨੀ ਦ੍ਰਿਸ਼ਟੀਕੋਣਾਂ ਨੂੰ ਸਾਂਝਾ ਨਾ ਕਰਨ ਲਈ ਸਤਿਗੁਰੂ ਜੀ ਦੀ ਸਿਫ਼ਾਰਸ਼ ਦੀ ਪਾਲਣਾ ਕਰਦੀ ਹਾਂ, ਪਰ ਮੇਰੀ ਅੰਦਰੂਨੀ ਆਵਾਜ਼ ਨੇ ਮੈਨੂੰ ਇਹ ਸਾਂਝਾ ਕਰਨ ਲਈ ਉਤਸ਼ਾਹਿਤ ਕੀਤਾ। ਮੈਨੂੰ ਹਾਲ ਹੀ ਵਿੱਚ ਇੱਕ ਅੰਦਰੂਨੀ ਦ੍ਰਿਸ਼ਟੀ ਮਿਲੀ ਜਿੱਥੇ ਮੈਂ ਤੁਸ਼ਿਤਾ ਨੂੰ ਜਾ ਰਹੀ ਸੀ ਅਤੇ ਮੇਤ੍ਰਿਆ ਬੁੱਧ ਨੂੰ ਮਿਲ ਰਹੀ ਸੀ। ਇਸ ਅਨੁਭਵ ਨੇ ਮੈਨੂੰ ਦੱਸਿਆ ਕਿ ਸਤਿਗੁਰੂ ਜੀ, ਦਰਅਸਲ ਵਿਚ, ਉਹ ਹਨ ਜਿਨਾਂ ਦੀ ਤਾਂਘ ਕੀਤੀ ਜਾਂਦੀ ਅਤੇ ਜਿਨਾਂ ਦਾ ਸਤਿਕਾਰ ਕੀਤਾ ਜਾਂਦਾ ਹੈ, ਮੇਤ੍ਰਿਆ ਬੁੱਧ ਹਨ। ਮੈਂ ਸੱਚਮੁੱਚ ਬਹੁਤੇ ਬੋਧੀ ਸੂਤਰ ਨਹੀਂ ਪੜ੍ਹੇ ਹਨ, ਸ਼ਾਇਦ ਮੁੱਠੀ ਭਰ ਤੋਂ ਵੀ ਘੱਟ, ਅਤੇ ਮੈਂ ਯਕੀਨਨ ਕਹਿ ਸਕਦੀ ਹਾਂ ਕਿ ਬੁੱਧ ਧਰਮ ਬਾਰੇ ਮੇਰੀ ਸਮਝ ਬਹੁਤ ਘੱਟ ਅਤੇ ਸੀਮਤ ਹੈ। ਇਸ ਤਰ੍ਹਾਂ, ਮੇਰਾ ਵਰਣਨ ਅਤੇ ਸ਼ਬਦਾਂ ਦੀ ਵਰਤੋਂ ਰਵਾਇਤੀ ਤੌਰ 'ਤੇ ਸਹੀ ਨਹੀਂ ਹੋ ਸਕਦੀ, ਪਰ ਮੈਂ ਆਪਣੇ ਵਰਣਨ ਵਿੱਚ ਆਪਣਾ ਪੂਰਾ ਸਤਿਕਾਰ ਅਤੇ ਇਮਾਨਦਾਰੀ ਦੇ ਰਹੀ ਹਾਂ।

ਮੇਰੇ ਦਰਸ਼ਨ ਵਿੱਚ, ਮੈਨੂੰ ਤੁਸ਼ਿਤਾ ਸਵਰਗ ਜਾਣ ਦੀ ਇਜਾਜ਼ਤ ਦਿੱਤੀ ਗਈ ਤਾਂ ਜੋ ਮੈਂ ਆਪਣੇ ਆਪ ਦੇਖ ਸਕਾਂ ਕਿ ਸਤਿਗੁਰੂ ਜੀ ਮੇਤ੍ਰਿਆ ਬੁੱਧ ਹਨ। ਰੌਸ਼ਨੀ ਦੇ ਕੇਂਦਰ ਵਿੱਚ, ਊਰਜਾ ਨਾਲ ਭਰੀ, ਨਰਮ ਚਿੱਟੀ ਤੁਸ਼ੀਤਾ, ਇੱਕ ਗੋਲਾਕਾਰ ਪਲੇਟਫਾਰਮ ਹੈ ਜਿਸ ਵਿੱਚ ਊਰਜਾ ਨਾਲ ਬਣਿਆ ਟਾਵਰ ਵਰਗਾ ਪੀਲਾ-ਸੋਨਾ ਪ੍ਰਕਾਸ਼ ਢਾਂਚਾ ਉੱਚਾ ਉੱਠ ਰਿਹਾ ਹੈ। ਫਿਰ, ਮੈ ਮੇਤ੍ਰਿਆ ਬੁੱਧ ਨੂੰ, ਇੱਕ ਕਮਲ ਦੀ ਸਥਿਤੀ ਵਿੱਚ ਬੈਠੇ, ਵੱਖ-ਵੱਖ ਸੰਗੀਤਕ ਯੰਤਰਾਂ ਨਾਲ ਸਵਰਗੀ ਧੁਨਾਂ ਵਜਾਉਂਦੇ ਹੋਏ ਸਿਖਰ 'ਤੇ ਉੱਡਦੇ ਦੇਖਿਆ। ਉਹ ਜਿਸ ਨੂੰ ਮੈਂ ਖਾਸ ਤੌਰ 'ਤੇ ਦੇਖਿਆ ਹੈ, ਉਹ ਏਰ-ਹੂ ਸਾਰੰਗੀ ਵਰਗਾ ਸੀ, ਫਿਰ ਵੀ ਇਹ ਇੱਕ ਬੰਸਰੀ ਵਾਂਗ ਵਜਾਇਆ ਜਾ ਰਿਹਾ ਸੀ। ਹਰ ਪਾਸੇ ਸ਼ਾਂਤੀ, ਸ਼ਾਂਤ ਅਤੇ ਬਹੁਤ ਹੀ ਜੋਸ਼ੀਲਾ ਸੀ! ਮੈਨੂੰ ਹੈਰਾਨੀ ਹੋਈ ਕਿ ਮੇਤ੍ਰਿਆ ਬੁੱਧ ਦਾ ਪ੍ਰਗਟ ਰੂਪ ਇੱਕ ਨਾਬਾਲਗ, ਖੁਸ਼, ਨੌਜਵਾਨ ਭਿਕਸ਼ੂ ਹੈ ਜੋ ਇੱਕ ਪੀਲੇ-ਲਾਲ ਮਠਾਰੂ ਕਸ਼ਯ (ਪੁਸ਼ਾਕ) ਵਿੱਚ ਹੈ, ਇੱਕ ਗੋਲ ਅਤੇ ਪ੍ਰਸੰਨ ਚਿੱਤਰ ਵਾਲਾ ਹੈ, ਅਤੇ ਇੱਕ ਅਨੰਦਮਈ ਅਤੇ ਖੁਸ਼ੀ ਦਾ ਪ੍ਰਗਟਾਵਾ ਕਰ ਰਿਹਾ ਸੀ। ਮੇਤ੍ਰਿਆ ਦੇ ਵੀ ਬੁੱਧ ਦੇ ਪ੍ਰਤੀਕਾਤਮਕ ਘੁੰਗਰਾਲੇ, ਕੁੰਡਲਦਾਰ ਵਾਲ ਹਨ। ਮੇਤ੍ਰਿਆ ਜਿਸ ਤਰ੍ਹਾਂ ਹਿੱਲਦੇ ਹਨ ਅਤੇ ਸਾਜ਼ ਵਜਾਉਂਦੇ ਹਨ, ਚਿਹਰੇ ਦੇ ਹਾਵ-ਭਾਵ ਅਤੇ ਸਮੁੱਚੇ ਕਰਿਸ਼ਮੇ ਨੇ ਮੈਨੂੰ ਬਿਨਾਂ ਸ਼ੱਕ ਇਹ ਪਛਾਣਨ ਲਈ ਮਜਬੂਰ ਕਰ ਦਿੱਤਾ ਕਿ ਇਹ ਸਤਿਗੁਰੂ ਜੀ ਹਨ। ਤੁਰੰਤ, ਬਿਨਾਂ ਕਿਸੇ ਹੋਰ ਸੋਚ ਦੇ, ਮੈਂ ਕਿਹਾ, "ਇਹ ਸਤਿਗੁਰੂ ਜੀ ਹਨ।"

ਇਸਦੇ ਨਾਲ ਹੀ, ਮੈਂ ਫਿਰ ਉੱਪਰ ਵੱਲ ਗਈ ਅਤੇ ਇੱਕ ਸੁਨਹਿਰੀ ਰੌਸ਼ਨੀ ਵਾਲੀ ਸੁਰੰਗ ਦੇ ਅੰਦਰ ਯਾਤਰਾ ਕਰ ਰਹੀ ਸੀ। ਮੈਂ ਆਪਣੇ ਆਪ ਨੂੰ ਕਿਹਾ, "ਕੀ ਮੈਂ ਸਤਿਗੁਰੂ ਜੀ ਦੀ ਨਵੀਂ ਅਧਿਆਤਮਿਕ ਧਰਤੀ ਤੇ ਜਾ ਰਹੀ ਹਾਂ?" ਲਗਭਗ ਤੁਰੰਤ ਹੀ, ਮੈਂ ਇੱਕ ਸੁਨਹਿਰੀ, ਊਰਜਾ ਨਾਲ ਭਰੀ ਗੋਲਾਕਾਰ ਦੁਨੀਆਂ ਦੇਖੀ। ਜਦੋਂ ਮੈਂ ਇਕ ਚਿਹਰੇ ਦਾ ਰੂਪ ਦੇਖ ਸਕੀ, ਤਾਂ ਉਹ ਸਾਡੇ ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਸਨ, ਅਤੇ ਉਹ ਸੁਨਹਿਰੀ ਰੌਸ਼ਨੀ ਵਿੱਚ ਚਮਕ ਰਹੇ ਸਨ। ਦਰਅਸਲ, ਸਭ ਕੁਝ ਸੋਨੇ ਵਿੱਚ ਸੀ। ਹੀਰਿਆਂ ਵਾਂਗ ਹਲਕਾ ਅਤੇ ਚਮਕਦਾਰ। ਸਤਿਗੁਰੂ ਜੀ ਨੇ ਇੱਕ ਘੁੰਗਰਾਲੇ, ਕੁੰਡਲਦਾਰ, ਭਿਕਸ਼ੂ ਵਰਗੇ ਵਾਲਾਂ ਦਾ ਸਟਾਈਲ ਪਾਇਆ ਹੋਇਆ ਸੀ। ਜਿਵੇਂ-ਜਿਵੇਂ ਮੈਂ ਹਰੇਕ ਘੁੰਗਰਾਲੇ ਕੁੰਡਲੀ 'ਤੇ ਧਿਆਨ ਕੇਂਦਰਿਤ ਕੀਤਾ, ਮੇਰੀ ਨਜ਼ਰ ਫੈਲਦੀ ਗਈ ਅਤੇ ਕਈ ਬੁੱਧਾਂ ਤੋਂ ਬਣੀ ਇੱਕ ਉਪ-ਸੰਸਾਰ ਦਾ ਖੁਲਾਸਾ ਹੋਇਆ। ਜਿਵੇਂ ਹੀ ਮੈਂ ਆਲੇ ਦੁਆਲੇ ਦੇ ਖੇਤਰਾਂ ਵਿੱਚ ਬਾਹਰ ਵੱਲ ਧਿਆਨ ਕੇਂਦਰਿਤ ਕੀਤਾ, ਉੱਥੇ ਸਤਿਗੁਰੂ ਜੀ ਦੇ ਪਿੱਛੇ ਅਤੇ ਆਲੇ ਦੁਆਲੇ ਅਨੰਤ ਬੁੱਧ ਸਨ। ਬਹੁਤ ਸਾਰੇ ਬੁੱਧਾਂ ਵਿਚਕਾਰ ਬਹੁਤੀ ਦੂਰੀ ਨਹੀਂ ਸੀ। ਅਸਲੀਅਤ ਵਿੱਚ, ਇਹ ਜਾਪਦਾ ਸੀ ਕਿ ਸਾਰੇ ਇੱਕ ਦੂਜੇ ਦੇ ਬਿਲਕੁਲ ਨਾਲ ਸਨ, ਫਿਰ ਵੀ ਇਹ ਸੰਸਾਰ ਅਨੰਤ ਅਤੇ ਬੇਅੰਤ ਹੈ! ਸਤਿਗੁਰੂ ਜੀ ਇਸ ਅਧਿਆਤਮਿਕ ਧਰਤੀ ਦਾ ਕੇਂਦਰ ਅਤੇ ਸਭ ਤੋਂ ਪ੍ਰਮੁੱਖ ਹਿੱਸਾ ਹੈ। ਸਾਰੇ ਬੁੱਧ "ਸਤਿਗੁਰੂ ਤੋਂ ਬਾਹਰ", ਜਾਂ ਉਨ੍ਹਾਂ ਦਾ ਹਿੱਸਾ ਨਹੀਂ, ਜਿਵੇਂ ਕਤਾਰਾਂ ਵਿੱਚ ਸਨ ਜੋ ਸਾਰੀਆਂ ਦਿਸ਼ਾਵਾਂ ਵਿੱਚ ਸਤਿਗੁਰੂ ਜੀ ਵੱਲ ਆਉਂਦੀਆਂ ਸਨ। ਇਹ ਇਸ ਤਰ੍ਹਾਂ ਸੀ ਜਿਵੇਂ ਉਹ ਕਿਸੇ ਚੀਜ਼ ਲਈ "ਕਤਾਰ ਵਿੱਚ" ਲੱਗ ਰਹੇ ਸਨ। "ਉਹ ਸਾਰੇ ਜੀਵ ਹਨ ਜਿਨ੍ਹਾਂ ਨੂੰ ਸਤਿਗੁਰੂ ਜੀ ਦੁਆਰਾ ਮੁਕਤ ਕੀਤਾ ਗਿਆ ਹੈ ਅਤੇ ਜਿਨ੍ਹਾਂ ਨੇ ਬੁੱਧ ਧਰਮ ਪ੍ਰਾਪਤ ਕੀਤਾ ਹੈ," ਸੰਦੇਸ਼ ਕਹਿੰਦਾ ਹੈ।

ਮੇਰੇ ਦਰਸ਼ਨ ਨੇ ਦਿਖਾਇਆ ਕਿ ਸਤਿਗੁਰੂ ਜੀ ਆਪਣੇ ਸੋਨੇ ਦੇ ਪਹਿਰਾਵੇ ਵਿੱਚ ਸਨ, ਉਹ ਸੁੰਦਰ ਸੁਨਹਿਰੀ ਪਹਿਰਾਵਾ ਜੋ ਉਨਾਂ ਨੇ 1994 ਵਿੱਚ "ਪ੍ਰੇਮ ਦਾ ਸਮੁੰਦਰ" ਗੀਤ ਪੇਸ਼ ਕਰਦੇ ਸਮੇਂ ਪਹਿਨਿਆ ਸੀ। ਦਰਸ਼ਨ ਵਿੱਚ, ਸਤਿਗੁਰੂ ਜੀ ਦੀ ਵਿਲੱਖਣ ਅਤੇ ਸਟਾਈਲਿਸ਼ ਸੋਨੇ ਦੀ ਟੋਪੀ, ਅਸਲ ਵਿੱਚ ਸਤਿਗੁਰੂ ਜੀ ਦੇ ਘੁੰਗਰਾਲੇ ਵਾਲਾਂ ਵਾਲੀ ਹੈ। ਸਤਿਗੁਰੂ ਜੀ ਦਾ ਹਰ ਇੰਚ ਆਪਣੇ ਆਪ ਵਿੱਚ ਇੱਕ ਪੂਰਾ ਸੰਸਾਰ ਹੈ, ਜਿਸ ਵਿੱਚ ਅਨੰਤ ਬੁੱਧ ਸ਼ਾਮਲ ਹਨ। ਭਾਵੇਂ ਮੈਂ ਅੰਦਰ ਅਤੇ ਬਾਹਰ ਧਿਆਨ ਕੇਂਦਰਿਤ ਕਰ ਸਕਦੀ ਸੀ, ਪਰ ਸਤਿਗੁਰੂ ਜੀ ਦੇ ਸੋਨੇ ਦੇ ਪਹਿਰਾਵੇ ਦੀ ਟ੍ਰੇਨ, ਸਤਿਗੁਰੂ ਜੀ ਦਾ ਪੂਰਾ ਸ਼ਾਨਦਾਰ ਪਹਿਰਾਵਾ, ਅਤੇ ਉਨਾਂ ਦੀ ਪੂਰੀ ਸ਼ਾਨਦਾਰ ਹਸਤੀ ਅਨੰਤ ਹਨ ਅਤੇ ਸਥਾਨ ਜਾਂ ਸਮੇਂ ਦੁਆਰਾ ਬੰਨ੍ਹੇ ਹੋਏ ਨਹੀਂ ਹਨ। ਇਹ ਸਤਿਗੁਰੂ ਜੀ ਦਾ ਨਵਾਂ ਅਧਿਆਤਮਿਕ ਖੇਤਰ ਹੈ ਅਤੇ ਅਸੀਂ ਸਦਾ ਲਈ ਸਤਿਗੁਰੂ ਜੀ ਦੁਆਰਾ ਪਿਆਰੇ ਰਹਾਂਗੇ, ਸੱਚਮੁੱਚ ਅਤੇ ਬਿਲਕੁਲ ਜਿਵੇਂ ਸਤਿਗੁਰੂ ਜੀ ਇਸਨੂੰ ਆਪਣੇ "ਪ੍ਰੇਮ ਦਾ ਸਮੁੰਦਰ" ਅਤੇ "ਮੈਂ ਸਦਾ ਲਈ ਤੁਹਾਨੂੰ ਪਿਆਰ ਕਰਾਂਗੀ" ਗੀਤਾਂ ਵਿੱਚ ਬਿਆਨ ਕਰਦੇ ਹਾਂ। ਅਸੀਂ ਤੁਹਾਨੂੰ ਹਮੇਸ਼ਾ ਪਿਆਰ ਕਰਾਂਗੇ, ਸਤਿਗੁਰੂ ਜੀ!! ਤੁਹਾਡਾ ਧੰਨਵਾਦ, ਸਤਿਗੁਰੂ ਜੀ ਤੁਹਾਡਾ ਧੰਨਵਾਦ, ਸੰਤਾਂ ਦਾ, ਪ੍ਰਮਾਤਮਾ ਦੇ ਪਿਆਰ ਨਾਲ, ਕੈਨੇਡਾ ਤੋਂ ਬ੍ਰੀਏਲ।

ਆਦਿ...

ਮੈਂ ਚਾਹੁੰਦੀ ਹਾਂ ਕਿ ਤੁਸੀਂ ਸਾਰੇ ਇਸਦਾ ਕੁਝ ਅਨੁਭਵ ਕਰੋ, ਘੱਟੋ ਘੱਟ ਕਦੇ-ਕਦੇ, ਤਾਂ ਜੋ ਤੁਹਾਨੂੰ ਪਤਾ ਲੱਗੇ ਕਿ ਸਵਰਗ ਸੱਚਮੁੱਚ ਮੌਜੂਦ ਹੈ। ਖੈਰ, ਮੈਂ ਨਹੀਂ ਚਾਹੁੰਦੀ ਕਿ ਤੁਸੀਂ ਨਰਕ ਵਿੱਚ ਜਾਓ ਤਾਂ ਜੋ ਤੁਸੀਂ ਇਹ ਜਾਣ ਸਕੋ ਕਿ ਨਰਕ ਸੱਚਮੁੱਚ ਮੌਜੂਦ ਹੈ।

Photo Caption: “ਸ਼ਾਂਤਮਈ ਦੁਨੀਆਂ ਲਈ ਧੰਨਵਾਦੀ”

ਫੋਟੋ ਡਾਊਨਲੋਡ ਕਰੋ