Дэлгэрэнгүй
Татаж авах Docx
Дэлгэрэнгүй уншаарай
Би та нарт зөвхөн Зул сарын баярын жинхэнэ утгыг санууллаа. Хэрвээ та Есүс Христийг үнэхээр шүтдэг бол түүнийг дагаж, түүний сургаалыг дагах хэрэгтэй. Хараахан гэгээрэлд хүрээгүй байлаа ч гэсэн, биет байдлаар нэг нэгэндээ туслах, энэ бүх аллагыг зогсоох,бүх дайныг зогсоох - хүмүүс хоорондын дайн, амьтдыг алж байгаа дайныг зогсоохын төлөө чадах бүхнээ хийх ёстой. Тэгвэл Диваажин бидэнд илүү тусалж бид халдварт өвчин болон бусад гай гамшгаас үүдсэн зовлонгоос ангижирч чадна. Энэ бол хамгийн эн тэргүүнд яаралтай хийх ажил юм. Харин гэгээрлийн хувьд таныг удирдах нэгнийг хайх хэрэгтэй. Энэ дэлхий, түүнээс чанагш руу таныг үнэнхүү дэвшүүлж чадах Их Багш, Багшийг хайгаарай. Яагаад гэвэл доод шатны Диваажин бол зөвхөн эхлэл шат. Бидэнд очиж болох түүнээс илүү сайхан оршихуй бий. Учир нь бид эрт орой хэзээ нэгэн цагт энэ гараг дэлхийг орхин явна. Бидний дараагийн үе хойч, үр хүүхдүүддээ үүнийг үлдээхийн төлөө бид дэлхийгээ хамгаалах хэрэгтэй. Бид тэднийгээ шатаж буй гараг дээр амьдруулахыг хүсэхгүй. Бид тэднийгээ юу ч үгүй хоосорсон, эсвэл хангалттай хоол хүнсгүй, хангалттай аюулгүй орчин байхгүй, хангалттай усгүй - бүр дахин боловсруулсан ус уух шаардлагатай дэлхий дээр амьдруулахыг хүсэхгүй. Иргэншсэн, хөгжсөн гэгдэх олон улс орнуудад хүмүүс бүр бохирын уснаас дахин цэвэршүүлж боловсруулсан ус ууж хэрэглэх шаардлагатай байна. Энэ бол зөв биш зүйл юм. Бид үүнийг засах шаардлагатай. Шинэ жил ирж байна. Бид шинэ амьдралын хэв маягийг эхлэх хэрэгтэй: веган болж, энэрэлтэй өгөөмөр байгаарай. Эргэн тойронд байгаа бусдад сайнаар хандаарай. Сайн байна. Маш их баярлалаа. Та нарт хамгийн сайн сайхныг хүсье. Бид бүгдийг сайн болох хүртэл Бурханы адислал орших болтугай. Бид сайн болж өөрчлөгдөх хэрэгтэй байна. Зул сар болон Шинэ Жилээр өөртөө болон Бурханд хандаж та өөрийнхөө сайн хувилбар болно гэдгээ амлаарай: Илүү нинжин сэтгэлтэй, Илүү энэрэнгүй, энэ гараг дээрх бүхий л төрөлтнүүдийг харж хамгаална гэж амлаарай. Амен.
