Үнэт Хүний Амьдралаа Нандигна, 2 цувралын 1-р хэсэг

Хүндэт Лам Зопа Ренбүүчи нэгэн удаа хэлсэн нь: “Энэхүү хүний бие махбодын өгч чадах зүйл бол, тэрбум доллараар дүүрсэн тэнгэр, эсвэл алт, алмаас, тэр ч байтугай хүслийг биелүүлэх эрдэнэсээр дүүрэн хязгааргүй тэнгэрээс хамаагүй илүү юм. Тиймээс, бидэнд одоо байгаа энэхүү хүний бие махбод нь итгэмээргүй. Энэ нь юунаас ч илүү үнэ цэнэтэй. Энэхүү үнэт хүний бие махбодтойгоор, бид аз жаргалын дөрвөн түвшний аль ч түвшинд хүрч чадна: энэхүү амьдралын, ирээдүйн амьдралуудын, чөлөөлөлтийн аз жаргал болон гэгээрэл ба хамаг амьтдад аз жаргал авчрах аз жаргал. Амьдралаас амьдралд хүрэх замд оюун ухаанаа хөгжүүлснээр бид үүнийг хийж чадна”.

Буддын шашны дагуу, сүнс нь чөлөөлөгдөхийн тулд, энэхүү Сансрын хүрдний ертөнцөөс дээш гарах хэрэгтэй. Гэсэн хэдий ч хүний сүнс нь муу зүйлс хийж, оршихуйн доогуур ертөнцөд унах боломжтой ба өөрийгөө чөлөөлөх тийм ч их боломжтой байдаггүй. Хүндлэн бишрэгдсэн Шагжамүни Будда бидэнд хүн болж дахин төрөх болон гэгээрэлд хүрэх боломжийг олж авах нь ямар хэцүү байдгийг тайлбарлана. “Хуврагууд аа, нэг хүн далайд анжисны дотроо нэг нүхтэй хошууг шидэв. Дараа нь тэр дорнын салхиар өрнө зүгт хөвж, өрнийн салхиар дорно зүгт хөвнө. Умардын салхиар тэр өмнө зүгт хөвж, өмнийн салхиар тэр умард зүгт хөвнө. Мөн далайн гүнд нэгэн сохор яст мэлхий байдаг бөгөөд зуун жил өнгөрсний дараа тэр гадаргуу дээр гарч ирдэг. Хуврагууд аа, харах нэг нүдтэй энэхүү яст мэлхий нь хүзүүгээ анжисны хошуу руу хийж, гэрэл харахын тулд, түүнийг нүхэнд бэхлэх үү? “Хуврагууд аа, сохор яст мэлхий хүзүүгээ анжисны хошуунд хийж, гэрэл харахаар нүдээ нүхтэй холбох нь нэгэн цагт тамд унасан тэнэг хүн хүний төрлийг олж авахаас илүү магадлалтай юм”.

600 жилийн өмнө, хүндлэгдсэн гэгээрсэн Их Багш Зонхава “Буддын шашны үндсэн сургаалууд” нэртэй сонгодог бүтээлийг туурвисан. Энэхүү ухаалаг судар нь хүн байх ховорхон боломжийг нандигнаж, энд байгаа цагаа зөв ашиглахыг сануулдаг. “Өөртэйгөө эвтэй байдаг хүний бие махбод нь хамгийн ховор эрдэнэсээс ч илүү үнэ цэнтэй. Бие махбодоо эрхэмлээрэй – энэ нь зөвхөн энэ удаа л таных юм. Хүний төрлийг ядарч олдог - үүнийг алдах нь амархан юм. Ертөнцийн бүх зүйлс нь тэнгэрт цахилгаан цахих шиг агшин зуурынх юм. Энэ амьдралыг та борооны дусал өчүүхэн цацрахтай адил гэж мэдэх ёстой; Үүсэж байхдаа алга болдог гоо үзэсгэлэнгийн зүйл юм. Тиймээс зорилгоо тодорхойл - түүнд хүрэхийн тулд бүх өдөр ба шөнийг ашигла!”.