Дэлгэрэнгүй
Татаж авах Docx
Дэлгэрэнгүй уншаарай
Тэгэхээр хэрэв хүмүүст зүрх сэтгэлдээ өргөл өгч байхад бидний сэтгэл ариун бус байвал бид юу ч хүртдэггүй. Аймшигтай нь бид эдгээр хүмүүсийн үйлийн үрийн ертөнцөд хутгалдан ордог. Жишээ нь хэрэв гуйлгачин хүнд та хайр энэрлийн сэтгэлгүй юм өгвөл мөн тэр гуйлгачин үнэхээр цэвэр ариун биш, үнэхээр ядарсан нэгэн биш бол та тэрхүү гуйлгачны ертөнцөд живэн орж, энэ төрөлдөө юм уу дараагийн өөр нэг төрөлдөө гуйлгачин болох боломжтой. Тийм байдаг.Тиймээс энэ дэлхийд бидний үйлдэл бүхэн бидний сайн сайхан, сүнслэг дэвшилд туйлын аюултай. Тэгэхээр юу ч хийсэн, цэвэр ариун сэтгэлээр үйлдээрэй. Ядаж л та цэвэр ариун байвал туслахыг хүссэн тэр хувь хүн эвсэл бүлгийнхээ үйлийн үрийн ертөнц рүү чирэгдэж орохгүй. Тэгэхээр их багш гэгдэгч нар энэ үйлийн үрийг ойлгохгүй бол үхэхээсээ ч өмнө дууссан байх болно, тэд гарцаагүй очих ёстой газар руугаа буюу тамд унана. Тэнд бүх хуурамч, худал хуурмаг, сөрөг хүч оршин, тэрхүү тамыг бий болгосон үйлийн үрээрээ нэгнийгээ устгаж байдаг.Энэ дэлхий бол холимог ертөнц бөгөөд Дэлхий дээр юм уу Диваажинд илүү сайн хүн, илүү сайн төрөлтөн болохын тулд суралцах өөр өөр сургуулиудтай. Энэ дэлхийд маш олон ертөнц холилдсон байдаг: Орон гэргүйчүүдийн ертөнц, гуйлгачдын ертөнц, гамшигт хохирогсдын ертөнц, хүний наймааны хохирогсдын ертөнц, хар тамхи хэрэглэгчдийн ертөнц, хууран мэхлэгчдийн ертөнц, дээрэмчдийн ертөнц, хулгайч нарын ертөнц, дайн дэгдээгчдийн ертөнц, амьтан-хүмүүсийн ертөнц гээд төрөл бүрийн ертөнцүүд энэ гараг дээр холилдон байж энэ дэлхийд бүтээдэг. Тэгэхээр бид өөр өөр ертөнцүүдэд алхаж, амьсгалж байдаг.Өөр өөр хүмүүс, өөр өөр иргэд өөр өөр үйлийн үр бүтээж, шийтгүүлж байдаг. Тиймээс хэрэв биднийг дэвшүүлж, халхалж, үйлийн үрийг маань цэвэрлэх үнэхээр жинхэнэ төгс, хүчирхэг, гэгээрсэн Их Багшгүй бол тэгээд л аль хэдийн дуусаа. Өөр үйлдсэн ямар ч буяны үйл тань магадгүй танд энэ дэлхийд нэр алдар, илүү олз омог хүртээх ч дараах ертөнцөд нөлөөлөхгүй. Энэ биеэ орхиход тань бүх зүйлс таныг орхихоос гадна үйлийн үрийнхээ дагуу, амьдралынхаа турш үйлдсэн сайн муу зүйлсээрээ шүүгдэх болно.Хэрэв бид бусад үйлийн үртэй хутгалдсан бол бусад хүмүүсийн үйлийн үрээс бас авдаг. Зарим хүн хүнд нөхцөлд байвал үнэхээр тусламж хэрэгтэй. Тэр нөхцөл байдлыг нь хараад сэтгэл тань хөдөлвөл та өглөг өгөхдөө Бурханд залбирч, өөрийнхөө хувь ерөөл, цэвэр ариун сэтгэлээ бусдад өгч буй тэрхүү бэлгийнхээ төлөө Бурханыг магтах ёстой. Дараа нь байнга Бурханд талархах ёстой, учир нь та юу ч өгдөггүй. Та нар дэлхийд юу ч үгүй ирсэн гэдгээ санаарай. Бидэнд байгаа, бидний хуваалцдаг юуг ч бай жинхэнэ өгч буй нь зөвхөн БУРХАН.Тиймээс ядаж л үүнийг байнга санаарай: бид юу ч биш, ердөө л багаж төдий. Бид Бурханы Өршөөл, Уучлал, Ивээлээс хараат хэвээр. Тэгснээр үйлийн үр тань цэвэрлэгдэж, бусад ертөнцийн үйлийн үртэй хутгалдах шаардлагагүй болно. Үгүй бол Өөрийнхөө үйлийн үрээс гадна бусад ертөнцүүдийн үйлийн үрийг тээж, маш их ганхсан, өгсөж уруудаж, өгсөж уруудсан амьдралыг туулах болно. Өөрийн үйлдлээрээ болон бусад хүмүүсийн хэрэгт оролцож эсвэл харилцаанд хутгалдсанаар хуримтлуулсан тэр бүх үйлийн үрээс тань хамаардаг.Эрт дээр үед хүмүүс эхнэртэй болохыг хүссэн үедээ маш сайн шалгадаг байсан, тэрхүү эмэгтэй тэднийг доош нь чангаах уу эсвэл тэдэнд, аль алинд нь илүү сайнаар нөлөөлөх эсэхийг нарийн судалдаг байв. Энэ бол мухар сүсэг биш. Ингэх нь бас тун сайн арга. Гэхдээ дээр үед тэгдэг байсан. Ихэвчлэн орчин үед хүүхдүүд өөрсдөө эхнэр нөхрөө сонгодог болсон. Эцэг эхийгээ тэд сонсдоггүй. Одон орон судлаачид болон фенг шүйгийн их багш нарыг ч сонсдоггүй. Дурлалт хоёрын үйлийн үр нь тэднийг нэгнээсээ салахын аргагүй их хүчтэй, учир шалтгаан, логик хайр дурлалд нь нөлөөлөхийн аргагүй хүчтэй. Ихэвчлэн, ялангуяа дайснуудын тохиолдолд эргэж ирээд нэг нэгэндээ өрөө төлөх ёстой байдаг. Дараа төрөлдөө нэг нэгэнтэйгээ хамт байна гэж амласан хүмүүс хэрэв хоёулаа чин сэтгэлтэй, мөн тэрхүү харилцаагаа ахиад үүсгэх хангалттай буянтай бол ахиад сайхан харилцаатай амьдардаг. Гэвч үгүй бол тэд асуудал тэмцэлтэй, маш балмад төрлийн харилцаатай байх болно. Тун харамсалтай.Гэвч энэ дэлхийд бид сүнслэгээр бясалган дадуулахгүй бол ийм төрлийн үйлийн үрээс хүн зайлсхийх амаргүй. Хэрэв та Арьяабалын Аргаар бясалгадаг бол авшиг хүртсэн цагаасаа үйлийн үр тань үнэхээр багассаныг мэдэж байгаа. Цаашид үргэлжлүүлэн амьдраг гээд жаахныг л үлдээдэг, зарим нэг өгөө авааны жаахан үйлийн үр үлдсэн байдаг. Хэрэв энэ дэлхийд та нар ямар ч үйлийн үргүй болчихвол шууд л үхчихнэ. Тийм учраас өөртэй тань барилдлагатай бусад хүмүүс төлөөсөө төлж, өгч авч амьдраг гээд багахан үйлийн үрийг тань Их Багш үлдээдэг. За, энэ бол та нарын мэддэг зүйл. Тийм учраас амьдралд тань бараг л өдөр болгон, шаардлага гарах бүрд гайхамшиг тохиолддог. Үйлийн үрийн тань нөлөөг буруулах гэж мөн бусадтай хамааралтай үйлийн үрийг тань аль болох багасгахад туслан Их Багш үргэлж дэргэд тань байдаг.Гэтэл тэдгээр хуурамч их багш нар болон бардам их зантай лам нар ямар ч мэдлэггүй, Буддагийн сургаалын талаар юу ч мэдэхгүй байж зүгээр л тоть шиг давтаж, дуу хураагуур шиг давтчихаад дагагч нараасаа ихээхэн өргөл барьц авдаг. Тийм хүмүүст туслах хэцүү. Бүр аймшигтай нь тэд Буддагийн эсвэл Христийн хэлсэн зүйлсийг ойлгодоггүйгээс гадна буруу орчуулж эсвэл нааш цааш нь өөрчилж, хүмүүст өөрсдийнхөө итгүүлэхийг хүссэн зүйлээ итгүүлж хуурдаг. Хэрэв хүмүүс Бурханы хүссэн зүйлд итгэлгүй, Бурханы Зарлигийн дагуу Их Багш нарын заадаг зүйлд итгэлгүй буруу зүйлд итгэвэл тэд бас тамд унана.Хамгийн том шашны урсгалын тоо томшгүй олон лам, гэлэнмаа, номлогч нар одоо ч тамд байсаар байгаа. Ийм хүмүүст туслах маш хэцүү. Хэрэв тэд арай хөнгөн тамд байсан бол, мөн арай хөнгөн үйлийн үртэй байсан бол хэсэг хугацааны дараа тэндээсээ чөлөөлөгдөх боломжтой. Эсвэл Их Багш тэдэнтэй холбоотой бол тэдэнд тусалж, хэсэг хугацааны дараа тэднийг тамаас гаргадаг. Гэвч өөрсдийгөө Будда гэсэн хуурамч гүрү нарт болон Будда мэт авирласан ч юм уу нэгэнд хэн ч тусалж чадахгүй. Хэн ч. Тэд үүрд тамд байх болно. Тийм учраас үүнийг завсарлагагүй там гэдэг юм.Брахмагийн эрин галаваар дэлхий ертөнц дуусаж дараагийн ертөнцийг бүтээж эхэллээ ч тэднийг шинээр бүтээсэн ертөнцийн өөр нэг там руу шилжүүлнэ. Тэд гарч чадахгүй. Хэн нэгэн тийм завсарлагагүй тамд уначихвал гарч чадахгүй. Гарлаа ч өчнөөн олон тэрбум, зиллион, тоолшгүй олон жилийн турш аймшигтай зовлон туулж, тэдний оршихуйд наалдсан, сүнсийг нь бүрхсэн, сүнсний хүчийг нь мөлжиж халхалсан өчүүхэн жаахан нүглийг ч шатааж дуусаж байж гарч магадгүй. Тиймээс тэд өөрсдөдөө туслах боломжгүй, хэн ч тэдэнд туслах боломжгүй. Тэдэнд хүршгүй. Тийм төрлийн тамын хаалга нь үүрд хаалттай. Хэн ч орох боломжгүй, хэн ч гарах боломжгүй.Миний үгийг тоолгүй бүү өнгөрөөгөөрэй. Та нарт би зөвхөн үнэнийг л хэлж байна. Үүнийг сонсоод, хүмүүжилтэй байж, гэмээ наманчилж, Бурханд талархаж, өөрийг тань гэтэлгэхийн төлөө Бурханыг магтана гэж найдъя. Би тэгж л найдаж байна. Та нар тэгэхэд л болно. Би та нараас юу ч хүсэхгүй. Үүнийг та нар мэдэж байгаа, эхнээс нь дуустал юу ч хүсэхгүй. Надад их юм хэрэггүй. Би майханд хэдхэн хос дулаан хувцастай амьдарсан ч жаргалтай, өөрийгөө эрүүл саруул байлгахын төлөө боломжит бүхнийг ашиглаж, өдөр бүр энгийн, өвдөлт мэдэрдэггүй хүнсээр хооллоход болно.Photo Caption: Жинхэнэ Гоо Үзэсгэлэн Зөвхөн Харж Буй Хүний Нүдэнд Байдаггүй
