Хайх
Монгол хэл
 

Зөвхөн Бурхан л биднийг мөнхөд хамгаалдаг, 5-ын 4-р хэсгийг

Дэлгэрэнгүй
Татаж авах Docx
Дэлгэрэнгүй уншаарай
Та нарт би хэзээ ч эд баялаг амладаггүй. Бүх юм бэлэн зэлэн амархан амьдрал хэзээ ч амлаагүй. Муу байсан ч хамаагүй хүссэн бүхэн чинь биелнэ гэж би амлаагүй. Тэгэхээр бид эго-г арилгах гэж бясалгадаг, эго л бүхнийг хүсдэг, ямар ч утгагүй, ямар ч боломжгүй зүйлийг хүсдэг. Бусад бүгдийг өөрийнхөө төлөө ажиллуулж, юу ч хийхгүй байж юмсыг хүсэж, тэр зүйлийнхээ төлөө ажиллаагүй байж авахыг хүсдэг, эхлээд өөртөө үйлчилж, тухайн нөхцөл байдалд тэр нь зөв үү, буруу гэдгийг бодолцдоггүй. Тэр бол эго юм.

Учир нь Бурхан бидэнд ямар ч өргүй. Зөвхөн өөрсдийнхөө төлөө, өөрсдийнхөө тусын тулд л бид бясалгаж, сайн хүн болох учиртай, бидсэн сайн учраас. Эхэнд нь ч, дунд нь ч, эцэст нь ч бид тийм л байх ёстой. Бид сайн хүн байх ёстой, төгс төрөлтөн байж, бүх талаараа хөгжих учиртай: Сүнслэг байдлаар, эгэл ертөнцийн хувьд, мөн хайр нигүүлслээ хөгжүүлж, бусдаас түрүүнд өөрсдийгөө золиослох сэтгэлтэй байх учиртай. Гэвч тухайн хүнд, бусад хүмүүст үнэхээр тусламж хэрэгтэй байвал тийм. Надад хэт их мөнгө байгаа болохоор хаа хамаагүй сохроор өгөөд байж болохгүй. “Та мөнгө авах уу, та авах уу?” “Тэгье, тэгье, тэгье, тэгье.” Мэдээж шаардлагагүй байсан ч хүн бүр л авахыг хүснэ. Гэхдээ үүнийг ярьсны шалтгаан энэ биш.

Хүмүүст үнэхээр хэрэгтэй үед нь, хамгийн ядарсан нэгэнд тусал, учир нь бүх хүнд өгөх хэмжээний хангалттай их бидэнд байхгүй. Дээрээс нь шаардлагагүй байхад нь тусалбал тэдэнд хор болно. Түүнийг хараат байх зуршилтай болгож, бие даасан байдлыг нь үгүй хийх болно, энэ нь түүнд сайн биш. Урт хугацаандаа түүнийг хөнөөх болно. Түүний нэр төр, өөрийгөө хүндлэх, өөрийгөө харж хандсан бие даах сэтгэлгээг нь үгүй хийнэ. Ингэж болохгүй. Энэ нь бол том харгислал. Та нар түүнийг сүйтгэнэ. Түүний амьдралыг, амьдралын зорилгыг бүхэлд нь устгана. Тэр энд хөлсөө урсган хөдөлмөрлөх гэж, тэмцэх гэж, суралцах гэж мэндэлсэн. Хэрхэн хүн байхыг ойлгож мэдэх гэж төрсөн. Учир нь энд сайн сурснаар хожим нь тэр илүү сайн гэгээнтэн болно. Сайн гэгээнтэн болно. […]

хэлэхэд би хаа явсан газраа өөрийнхөө хоолны мөнгөө төлдөг, мөн хэрэв эмчид үзүүлбэл эм, эмчийн төлбөрөө би төлдөг. Тиймээс та нар ч бас тэгээрэй. Бясалгагч нар, хэдийгээр миний шавь нар мөн байлаа ч цааш амьдрах ёстой. Хэрэв та нар бүгд, хэдэн мянгаараа ирж түүнийг авшигтан номын ах болохоор түүнд үзүүлж, ямар ч төлбөр төлөхгүй бол тэр өвс идэх болно.

Бид бодох ёстой. Бусдын сайн сайхныг ашиглаж болохгүй. Боломжтой үедээ бид төлөх ёстой. Боломжгүй боол мэдээж өөр л дөө. Би хаа байгаа газраа утас, факсны төлбөрөө төлдөг. Багийнхныг би байнга тэг гэж хэлж, хэрэв тэднийг мартчихвал сануулдаг. Гэхдээ энэ нь дадал болдог учраас тэд санаж байгаа байх. Тэд автоматаар мэдэж байдаг. […]

Photo Caption: Хавар. Дэлхий Бүхэлдээ Дуулна Эрхэм Үзэгчид Та Бүхэндээ болон Дэлхийн Бүх Төрөлтнүүдэд Сар Шинийн Мэнд Хүргэе! Үүрд Хайртай шүү!

Зураг татаж авах