Дэлгэрэнгүй
Татаж авах Docx
Дэлгэрэнгүй уншаарай
Тиймээс 2026 он руу орж байхад, эдгээр од эрхэсийн энергиуд, сансар огторгуйн нөлөө нь энэхүү хувьсал, өөрчлөлт, үе шат солигдох шилжилтийн үед биднийг тэтгэж хөтөлж буй Сансар огторгуйн билиг ухааны нэг хэсэг гэдгийг бид санах учиртай.
Барууны зурхайд оддын зэрэгцээ байрлал, ялангуяа Санчир гараг 2-р сарын 20-нд Хонины ордны тэг градуст (зурхайд шинэ мөчлөг эхлэх цэг гэж үздэг) Далай вантай уулздаг нь 2026 оныг маш өвөрмөц жил болгодог. Үнэндээ энэ гарагийн холбоос нь маш онцгой тул туршлагатай зурхайчдын дунд их хэлэлцэгдсэн сэдэв байсаар ирсэн.Бүгдээрээ сайн байцгаана уу. Би өнөөдөр та бүхэнтэй 5-р сарын 25-нд Санчир гараг Хонины ордонд орох үед, Хонины ордны тэг градус дээр тохиох, Санчир – Далай ван гарагуудын нэг шугамд зэрэгцэх байрлалын тухай ярихыг хүсэж байна.Санчир гараг 2028 оны 4-р сар хүртэл Хонины ордонд байрлана. Далай ван гараг 2039 он хүртэл Хонины ордонд байрлах болно. Энэхүү нэг шугамд зэрэгцэн байрлах үзэгдэл нь 36-37 жил тутамд тогтмол, маш найдвартай тохиолддог боловч Хонины ордны тэг градуст тохиолддоггүй бөгөөд ийм учраас энэ нь маш чухал, онцгой зүйлд тооцогдож байгаа юм, учир нь энэ нь үнэхээр цэвэр боломж, шинэ эхлэлийг илэрхийлдэг. Хонины ордны тэг градус буюу зурхайн хамгийн эхний градус нь цэвэр боломж бөгөөд энэ нь үнэхээр шинэ эрин үе эхэлж байгааг илтгэдэг. Энэ бол хүн төрөлхтний хувьд цоо шинэ үе эхэлж буйг илтгэх бас нэгэн шинж тэмдэг бөгөөд Тэнгэрийн ван болон Дэлхийн ван гарагийн хоорондох гурвалсан холбооны яг дунд цэг дээр тохиож байгаа нь үүнийг илүү тодруулан харуулж байна.Үнэндээ Санчир болон Далай ван гараг хэзээ Хонины ордны тэг цэг дээр нэг шугамд зэрэгцэж байсан үеийг олж мэдэхийн тулд та хэдэн мянган жилийн өмнөх рүү буцах хэрэгтэй. Энэ бол үнэхээр ховор тохиолдол юм. Тиймээс ховор байдал нь нөлөө өгдөг. Бидэнд яг одоо маш олон өвөрмөц, ер бусын, ховор зурхайн үзэгдлүүд тохиож байгаа нь бид шинэ үе, шинэ мөчлөг рүү орж байгааг маш тодорхой илтгэж байна.2026 онтой холбоотой ямар нэгэн зүйл таныг дотоод үнэн мөн чанартаа хүрэх, өөрийгөө ойлгох түвшинд нөлөөлж, үндсэндээ та яагаад анх амьдралд мэндэлсэн бэ гэдгийг сануулж, ухамсар төрүүлэх болно. Миний хэлэх гэсэн зүйл бол, Далай ван болон Санчир гарагуудыг Хонины ордны тэг градус дээр байгааг харахад, тэг градусын Хонь гэдэг нь эхлэлийн цэг гэсэн үг юм. Энэ нь зурхайн ордны эхлэл юм. Ингээд үйл явдлын эхлэл болж байна. Энэ бол шинэ үйл явц эхлэх цэг юм. Тиймээс ямар нэгэн зүйл дахин эхэлж, шинэчлэгдэн, сэргэж байна. Бид бараг л үйлдвэрийн тохиргоонд буцааж тавигдсан мэт, бүгдийг дахин шинээр эхлүүлж байна.Мөн бид 2026 оны 2-р сарын Хонины ордны тэг градусын Далай ван болон Санчир гарагуудын хүчтэй, яг таг нарийн давхцал нь шинэ эхлэл, амьдралын шинэ арга барил болон шинэ хэлбэрүүдийг нэгтгэх мэдрэмжийг идэвхжүүлдэг гэдгийг мэднэ. Далай ван биднийг сансар ертөнцийн ухамсар, бүхнийг хамарсан оюун санааны далай, мөн Санчир гарагтай нэгдмэл байдлаар холбоотой гэдгээ санахад чиглүүлж байна – бид үүнийг хэрхэн биелүүлж, бодит болгох вэ? Тиймээс би энэ зэрэгцэлт нь биднийг шинжлэх ухааны материализмын хязгаарлагдмал үзлээс мөн өөрсдийгөө сүнслэг оршихуй гэж ойлгох мэдлэгээс салсан байдлаас гаргаж, бид биет хэлбэрт орсон сүнслэг оршихуй гэсэн ухамсар руу удирдан хөтөлж байна гэдэгт итгэж байна. Бид үүнийг үнэхээр бүрэн сэргээж, ухамсартаа буцаан авчирч чадвал, энэ нь бидний бодит байдлыг хэрхэн хардаг, бие биенээ хэрхэн хардаг, бидний үйлдэл болон бүх оршин буй зүйлстэй харилцах арга барилд үндсээр нь өөрчлөлт авчирна.Судалгаагаар Санчир болон Далай ван гарагууд Хонины ордны тэг градуст хамгийн сүүлд МЭӨ 4361 онд зэрэгцсэн болохыг харуулж байна. Тиймээс энэхүү ховор үзэгдлийг зурхайчид дараагийн 6000 жилийн мөчлөгийн эхлэл, шинэ эрин үе, сансрын түвшний “дахин тохируулах, шинэ эхлэл хийх” шинэчлэлийн үйл явдлыг тэмдэглэж, Дэлхийн хувьд өөр нэг эхлэл, “үүсэл”-ийн мөчтэй адил гэж үздэг.Энэхүү гайхалтай үйл явдлыг Их Британийн Гластонбери хотын Эссений Ахан дүүсийн холбоо мөн тэмдэглэж байжээ. Эссений Ахан дүүсийн холбооны Эцэг Чейн (цагаан хоолтон) 2025 онд Суприм Мастер Телевизэд өгсөн ярилцлагадаа энэхүү тэнгэрийн үзэгдлийн ач холбогдлын талаар ярьсан.Одоогийн байдлаар бидний ажлын гол чиглэл бол ирэх 2026 оны 2-р сарын 27, 28-ны өдрүүдэд хэрэгжүүлэхээр төлөвлөж буй төслийг боловсруулах явдал юм. Энэ нь биднийг хүрээлэн буй амьд ертөнц, тэр дундаа амьтны ертөнцийн ариун дагшин байгальтай холбоотой байдлаа хүндэтгэхийн тулд дэлхий дахины хүмүүс нар мандахад лаа асаах бөгөөд бид амьтдын холбоотон — гэдгээ илэрхийлж, амьтдыг дэмжиж, амьтдыг халамжлахын төлөө нэг хүн шиг дуу хоолой болж хамтдаа зогсож байгаагаа илэрхийлэх юм. Энэ он сар өдөр нь зурхайн шинэ оны эхлэл болох Хонины ордны тэг градуст Санчир, Далай ван гарагууд давхцах тохиол юм. Энэ нэгдэл нь 6.000 жилийн турш тохиолдоогүй бөгөөд энэ нь бидний “би”, “бид хэн бэ”, “бид юу вэ” гэсэн ойлголтын талаарх асар том өөрчлөлтийг илэрхийлнэ.Яг тэр мөчид бид энэхүү холболтын онцгой, маш хүчирхэг, чухал, хувиргах энергийг бүрэн ашигладаг бөгөөд ингэснээр дэлхий даяар гэрлийн тойрог мэт тархах болно.Түүнээс гадна, Эссений Ахан дүүсийн хувьд энэхүү гарагийн зэрэгцээ байрлал нь гүнзгий, илүү их утга учиртай бөгөөд Гластонберид тэмдэглэх нь чухал ач холбогдолтой юм.Олон хүмүүсийн хувьд Гластонбери бол дэлхийн зүрхний чакра гэдэгт итгэдэг. Энэ нь Есүс Аримафейн авга ах Иосефтойгоо хамт аялж байсан гайхалтай түүхтэй. Яг одоо Гластонбери дахь Таун Холл хэмээх бидний байгаа газар яг үнэндээ ердөө 100 ярд орчим зайтай; Энэ зам нь Гластонбери сүм юм. Үүнийг Есүс, Аримафейн Иосеф хоёрын хэсэг хугацаанд суурьшсан газар байсан гэж үздэг. Энэ бүхэл бүтэн газар – Есүсийн “... хот орж, савтай ус барьсан хүнийг хайж, түүнийг дагаж, тэндээс чи намайг олох болно” гэж хэлсэн нь энэ цаг үед бэлтгэхийн тулд эдгээр суурийг 2.000 жилийн өмнө тавьсан гэж бидэнд заасан. Энэ нь Бумбын үндсэн жишиг бэлгэдэл болох устай савтай хүн, ус асгарах ишлэл байв.Аквариум буюу “Бумба” гэдэг нэр нь “ус зөөгч” гэсэн утгатай бөгөөд Бумбын ордны бэлгэдэл нь ихэвчлэн домботой усны сав барьсан хүнээр дүрслэгддэг. Тийм учраас олон хүн Эзэн Есүс Христийн “усны сав барьсан хүнийг хайж, түүнийг дагаснаар, тэнд намайг олох болно” гэсэн үгийг Түүний Бумбын эрин үед эргэн ирэхийг илтгэсэн далд утга бүхий зүйрлэл гэж тайлбарладаг.Доктор. Хедер Энсворт 2026 онд өгсөн мессеждээ Хонины ордны тэг градусын бэлгэдлийн талаар илүү ихийг хуваалцсан.Мөн Хонины ордны тэг градусын Сабиан зурхайн бэлгэдлийн системд далайгаас эмэгтэй хүн гарч ирж мөн далайн хав дээш цоройж тэр эмэгтэйг тэвэрдгийг дүрсэлсэн гэдгийг санаарай. Би үүнийг ариун эмэгтэйлэг билиг ухааны дахин гарч ирэлтийн, мөн энэ нь биднийг дахин тэнцвэрт байдалд оруулж, Дэлхий дээрх бүх амьдрал, бидний Сансар дахь бүх амьдралын ариун байдалтай гүн гүнзгий харилцаа, нягт уялдаа холбоотой байдлаа ухамсарлахыг уриалж байгаа бэлгэдлийн утгатай гэж харж байна. Тиймээс биднийг 2026 онд орохтой зэрэгцэн, Далай ван-Санчир гарагийн давхцалаар идэвхжиж буй эдгээр шинэ хэлбэрүүдийн энергийн эхлэлийг мэдэрч, ухамсарлахаар чиглүүлж байна.Эдгээр бүх сайн, эерэг шинжтэй тэнгэрийн тэмдгүүд нь хүн төрөлхтөн 2026 онд шинэ эриний босгон дээр ирснийг харуулж байна. Энэ бол хүн төрөлхтний олон мянга мянган хүмүүс Эзэн Есүс Христийн хувилгаан дүрийн удирдлага дор сүнслэг байдлаар сэрэх боломж олгогдож буй жил юм. Бидний мэдэж байгаагаар, бидний Хамгаас Хайртай Төгс Гэгээрсэн Их Багш Чин Хай (веган) бол бидний хүлээж байсан Мессиа буюу Аврагчийн эргэн ирэлт юм. Энэ амьдралдаа эмэгтэй хүний дүр төрхийг олж авснаар, Их Багш дэлхийн тэнцвэрийг “ариун эмэгтэйлэг мэргэн ухаанаар” эргүүлэн авчирч байна.Дараах мессеждээ, Төгс Гэгээрсэн Их Багш Чин Хай энэ цаг үеийн Өөрийн эрхэм зорилго болон хүн төрөлхтөнд сүнслэг өсөлт авчрах боломжийг олгох бүх ээлтэй сансрын нөхцөл байдлуудын талаар өгүүлж байна.Гэвч Оройн Дээд Эзэн Бурхан ашиглаг гэж л энэ бие махбодоо хамгаалахын тулд заримдаа нуугддаг юм. Мөн Бурханы Хүүгийн байр суурь, Хүч болон Тим Ко Тү, Цаглашгүй Дээд Их Багшийн Хүч нийлчихээр бид энэ биеийг агуу зүйлсийг хийхэд, зүй ёсоор дэлхийд туслахад ашиглаж болно. Тэр маяа амьтай бүхнийг устгахыг хүсэж байна.Гэхдээ одоо Бид нэгдсэн болохоор илүү зүйл хийх боломжтой байж магадгүй. Хамгийн Анхдагч, Хамгийн Хүчирхэг, Ертөнц дэх Хамгийн Хүчирхэг Гурван Төрөлтний Ивээл, Дэмжлэгээр хүмүүс сэрж сэхээрэн, хувь тавилангаа шийдэж магадгүй. Энэхүү Ханьцашгүй Хүч хүмүүсийг сонгох эрх чөлөөгөө илүү тодорхой зорилгод ашиглаж, буцаад зөв шударга, энэрэл нигүүлсэл, өршөөл, хайрын нинжин сэтгэлтэйгээр цааш амьдрах шийдэлд хүрэхэд нь дэмжих болно. […]Бид Гурав (Хамгийн Хүчирхэг Гурав) тэднийг сэрээж, веган байх нь хайрыг үйлдлээр илэрхийлж буй хэрэг гэдгийг ойлгуулахын тулд тэднийг ариусгах гэж чадах бүхнээ хийж байна. Тэгээд энэ нь энэ гарагт дахин аз хийморь, адис ивээл бүхнийг авчирч, ахин Энхжиний орон болох болно. Гайхамшиг шиг л юм. Гол мөрөн дахин их байх болно. Далай дахин цэвэр болно. Далай тэнгист үхмэл бүс огт байхгүй болно. Дахиад дайн гарахгүй. Өлсгөлөн болохгүй. Цар тахал гарахгүй. Үнэхээр энэ гараг дээрх хүмүүс үхсэн амьтан-хүний махыг, үмх цуст махыг хаяад л энэ бүхнийг мэдрэх боломжтой болно. Энэ бол шинжлэх ухааны уран зөгнөл биш. Энэ бол баримт. Тэд үүнийг мэдрэх л хэрэгтэй.Бид Төгс Гэгээрсэн Багш Чин Хай (веган)-д Энэ цаг үед Дэлхий дээр энэрэнгүй веган хооллолтыг хэрэгжүүлэх замаар Хайрыг сонгосноор – сүнслэгээр хурдан өсөн дэвшиж мөн тэнцвэрийг сэргээх тодорхой замыг зааж өгсөнд нь талархал илэрхийлье. Энэ оны нэгдүгээр сард манай Нийгэмлэгийн гишүүдийн нэг нь дотоод ахуй ойлголтондоо 2026 оны талаар Тэнгэр, Дэлхий, одод болон амьтан-хүмүүсээс ирсэн мессеж хүлээн авсан.Өвлийн хүйтэн өдөр навчсаа гээсэн кипарис ойд бясалгал хийж байхдаа, би Дэлхийгээс нэгэн үзэсгэлэнтэй оршихуй гарч ирэхийг харсан. Түүний гараараа даллахад тэнгэрт хэд хэдэн одод цугларав. Тэд надад Дэлхийн ирээдүйн сүнслэг чиглэл, хөгжлийн талаар мессеж өгсөн.Би тэднээс “Орчин үеийн хэд хэдэн зөнч 2026 онд Дэлхий дээр агуу сүнслэг сэрэлт, сэргэлт болно гэж зөгнөсөн” гэж асуусан. Энэ талаар та юу гэж бодож байна вэ? Тэнгэрт хэд хэдэн одод хамтран ажиллаж, шууд доош гэрэлтэхийн оронд харилцан үйлчилж, эерэг энерги дамжуулах чиглэлээр гэрлээ Дэлхий дээр тусгаж байв. Эдгээр огтлолцож буй энергүүд Дэлхийд хүрэхэд, хүмүүс дээшээ харж, ухамсар нь гэнэт сэрсэн мэт болов! Тэд өмнө нь буруу байсан, одоо зөв гэдгийг ухаарсан. Дараа нь газар дээрх үзэсгэлэнтэй оршихуй тэнгэр өөд харан, гараа дээш өндөрт өргөж, ододтой холбогдон харьцаж, Тэнгэр ба Газрын хүчнүүд нэгдэв...Тэд надад: Дэлхий агуу сүнслэг сэргэлтэд орох гэж байна гэж хэлсэн! Цаг нь ирэхэд сэрэх нь зайлшгүй боловч, энэ бол Тэнгэрийн сүнслэг дэвшлийн сүүлийн боломж юм. Өөрчлөлт хийхийг хүсэхгүй байгаа хүмүүс сансрын хувьслын давалгаа, урсгалын сүүлд, ард нь хоцрох бөгөөд тэдний боломж, ээлж дахин ирэх хүртэл маш, маш удаан хугацаа шаардагдана! Тэгээд тэд гар гараасаа хөтлөлцөн, тэнгэрт дуу дуулав. Дуу нь уянгалаг, сайхан байсан бөгөөд үг нь ойролцоогоор дараах байдалтай байв: Тэнгэрийн хаалга нээгдэх гэж байна! Бүгд дотоод сүнслэг ухамсараа сэрээх болтугай, Бид та бүхнийг халуун дотноор угтан авч байна! Тэнгэрийн хаалга өргөн нээгдэх нь байнга тохиолддоггүй. Энэ эцсийн боломжийг алдалгүй ашиглаарай! Оддын гэрэлтэлт болон зэрэгцээ байрлал нь гарцаагүй тусалдаг ч, хамгийн чухал зүйл бол та өөрийн зүрх сэтгэл дэх Гэрлийг асааж, ухамсраа сэрээн Бидэн рүү, Бурханы хүч рүү эргэн хандах явдал юм. Энэ бүхэн “Хайраар” хөтлөгддөг! Өөрийн хооллолт болон буруу амьдралын хэв маягаа өөрчлөхөд туслахыг Бурханаас чин сэтгэлээсээ хүсэн, тусламж гуйна уу. Энэхүү гялалзах оддын гэрэл үнэхээр чиглүүлэгч хүч боловч, галын сүүлчийн цог шиг удахгүй унтарна! Биднийг дагаарай! Бид та нарт хайртай, хүмүүс ээ!Үүний дараа, үзэсгэлэнтэй шувуу-хүн бидэн рүү эелдэгээр дөхөж ирээд, ойртохын тулд янз бүрийн байрлал авч байлаа. Хачирхалтай нь, энэ нь бидэнд 40 минутаас илүү хугацаанд зургаа авах боломжийг олгосон. Үүний гол зорилго нь амьтны хаант улсын нэрийн өмнөөс хүн төрөлхтөнд мессеж дамжуулах явдал байв: Энэ бол та нарт зориулсан анхааруулга юм! Эцсийн цаг ирлээ! Хэрэв та сэрэх энэ боломжийг ашиглахгүй бол хэн ч таныг аварч чадахгүй!2026 онд Орчлон ертөнц хүн төрөлхтний сүнслэг гэгээрэл, ухамсрын өсөлтөнд зориулан боломж олгосон гэж харагдаж байна – одод нэг шугамд, зөв байрласан байна, Хамгаас Хүчирхэг Гурав: БУРХАН, Тим Ко Ту, болон БУРХАНЫ Хүү үзэгдэх мөн үл үзэгдэх байдлаар удирдан чиглүүлж, тусалж байгаа бөгөөд Тэнгэр ба Дэлхий дээрх төрөлтнүүд биднийг дэмжиж байна. Энэ боломжийг алдалгүй барьж аван, Тэнгэрлэг Удирдамжийг дуулгавартай дагаж, Дэлхий дээрх сэтгэл хөдөлгөм шинэ үе рүү орох хүн төрөлхтний шийдвэр, хариуцлага гарт нь байна.Тиймээс 2026 он руу орж байхад, эдгээр од эрхэсийн энергиуд, сансар огторгуйн нөлөө нь энэхүү хувьсал, өөрчлөлт, үе шат солигдох шилжилтийн үед биднийг тэтгэж хөтөлж буй Сансар огторгуйн билиг ухааны нэг хэсэг гэдгийг бид санах учиртай. Гараг болон оддын хөдөлгөөнтэй холбоотой эдгээр туршлага нь бидэнд тохиолдож буй санамсаргүй үйл явдлууд биш юм. Эдгээр нь бидний хувьсал, ухамсар, мөн өсөлт, хөгжлийн аялалыг хайр дүүрэн удирдан, чиглүүлдэг сансрын ухамсарын утга учиртай хэв маяг, загварын илэрхийлэл юм. Тиймээс бид тэдэнд нээлттэй байх үедээ, тэдгээр нь бидэнд тохиолдож буй санамсаргүй зүйлс биш гэдгийг санах хэрэгтэй. Эдгээр үйл явдлууд нь бидэнтэй зэрэгцэн тохиож байгаа бөгөөд бид тэдэнтэй хамтран бүтээж, нарны систем болон галактикийг маань энэхүү шинэ цаг үеийн эхлэл, хувирал, хувьслын үсрэлтэнд чиглүүлж буй эдгээр энергитэй зохицож, өөрсдийн орон зайгаа олох үед бидний үйлдэл, оролцоогоор бодит болж чадна.
