Дэлгэрэнгүй
Татаж авах Docx
Дэлгэрэнгүй уншаарай
Бүгдээрээ Упсака Лу Куан Югийн орчуулсан Баатараа Явагч Нэрт Их Хөлгөн Сударт гардаг “Бодьсадва билиг ухааны арван хэрэгжүүлэх боломжтой үе шат”, “Бодьсадвагийн үйлдлийн арван мөр”, “Чин сэтгэлийн арван үйлдэл (Паринамана)” бүтээлийн хэсгээр үргэлжлүүлцгээе. Бодьсадва билиг ухааны арван практик үе шат “1. Ананда, (Бодьсадвагийн итгэл үнэмшил)-ийн эдгээр арван үе шатыг зохистой дадлага, арга замаар хэрэгжүүлсний дараа, оюун ухааны мөн чанар илэрч, гэрэлтдэг; оюун ухааны эдгээр арван үйл ажиллагаа хоорондоо нэгдэн уялдсанаар Нэгэн Оюуныг төгөлдөржүүлнэ. Үүнийг зорилготой үе шат гэж нэрлэдэг. 2. Дотоод сэтгэл одоо тунгалаг болор бөмбөлөг доторх гялалзсан шижир алт мэт гэрэлтэнэ. Өмнөх (бясалгалын) билиг ухаан одоо энэхүү оюун ухааны мөн чанарт нэвтэрч, түүнийг бүрэн эзэмших болсон учраас энэ үеийг ‘оюуны-мөн чанарын хяналтын шат’ гэж нэрлэдэг. 3. Оюун ухааны мөн чанарыг ухаарсан танин мэдэхүй нь мэдэгч билэг ухаан ба танигдаж буй зүйл хоёрыг тусдаа бус, нэгэн нэгдмэл үнэн чанар болохыг арван зүгт саадгүйгээр бүрэн харуулна. Үүнийг (Бодьсадва) бясалгалын үе шат гэж нэрлэдэг. 4. Энэхүү Бодьсадвагийн зан үйл нь одоо түүнд нөлөөлдөг Буддагийн зан үйлтэй төстэй болсон. Завсрын төлөвт байгаа нас барсан хүн шинэ төрөл авах нөхцөл болгон эцэг эхийг эрж олдог шиг, ахин дэвшиж буй оюун Буддагийн мөн чанарын үр (Татхагатын үр)-д нэвтэрнэ. Үүнийг эрхэм дээд төрөлтийн үе шат гэж нэрлэдэг. 5. Ариун хэвлийд бойжиж буй (оюун ухаан) нь үндсэн анхдагч Бодь, Гэгээрлийг өвлөн авдаг бөгөөд ураг, гэгээрлийн үр хөврөл нь бүх шинж чанартайгаар бүрэлддэг: Үүнийг бүх зүйл (гэгээрэлд) бэлэн болсон үе шат гэж нэрлэдэг. 6. Дүрс (бие махбодын хэлбэр) ба оюун ухаан хоёулаа Буддагийнхтай адилхан. Үүнийг Жинхэнэ Оюун Ухааны үе шат гэж нэрлэдэг. 7. Бие махбод болон оюун санааны нэгдэл цаг хугацаа өнгөрөх тусам улам бэхэждэг. Үүнийг эргэлт буцалтгүй байдлын үе шат гэж нэрлэдэг. 8. Гэгээрлийн үр хөврөл одоо Буддагийн биеийн арван чанар (тал)-ыг бүрэн агуулсан хэмжээнд хүрсэн байна. Үүнийг Гэгээрлийн нялх (эсвэл төлөвшөөгүй) үе шат гэж нэрлэдэг. 9. Бүрэн төлөвшсөн үр хөврөл одоо төрж, Буддагийн хүү болно. Үүнийг Номын хааны өв залгамжлагчийн шат гэж нэрлэдэг. 10. Түүний бүрэн төлөвшилд хүрснийг тэмдэглэх нь хааны угсаа залгамжлагч ханхүү хаанчлах эрхээ авах үед хийдэг ариусгал, өргөмжлөлийн ёслол мэт. Үүнийг эрх олгогдох (өв залгамжлах) үе шат гэж нэрлэдэг”. Бодьсадвагийн үйл ажиллагааны арван мөр “1. Ананда, хэдийгээр эдгээр буянтай хүмүүс Буддагийн хүүгийн зэрэгт хүрсний дараа Татагатагийн тоо томшгүй олон ач тусыг хүртсэн ч, арван зүгийн хамаг төрөлтөнтэй эв найртай байсаар байдаг. Үүнийг баяртай сэтгэлээр туслах үйл гэж нэрлэдэг. 2. Тэд бүх амьд оршнолын сайн сайхан, тусын төлөө ажиллах чадвартай болдог. Үүнийг ашиг тустай үйл гэж нэрлэдэг. 3. Тэдний өөрсдийн гэгээрэл болон бусдын гэгээрэл нь хоорондоо ямар ч зөрчилгүй байна. Энэ үйлдлийг гомдол, өс санах сэтгэлээс ангид байдал нэрлэдэг. 4. Бусдын тусын тулд ирээдүйн төгсгөлгүй хугацаанд тоо томшгүй олон дүрээр тасралтгүй илрэх нь цаг хугацаа, орон зайн тухай үзэл баримтлалаас ангид тул шавхагдашгүй үйл гэж нэрлэгдэнэ. 5. Тэд ямар нэг үзэл, ойлголтод баригдалгүйгээр ном сургаалыг айлддаг бөгөөд бүх Номын үүдний хоёрдмол бус чанарын сургаалтай нийцдэг тул алдаа мадаггүй үйл гэж нэрлэгдэнэ. 6. (Эцсийн) мөн чанарын нэгдэл нь дотооддоо ялгаралгүй боловч үзэгдлийн ертөнцөд илрэх тоо томшгүй олон янз байдлыг харуулдаг. 7. Энэхүү ухааралын төлөвт бүх ертөнцийн орон зай өчүүхэн төдий тоосны ширхэгт хүртэл бүрэн туссан мэт үзэгдэнэ, жижиг ба том, нэг ба олон зүйлс хоорондоо саадгүйгээр нэгдэн оршино. Үүнийг хүлээсгүй үйл ажиллагаа гэж нэрлэдэг. 8. Бүх үзэгдэл, бүх илрэл нь зөвхөн хамгийн дээд төгс төгөлдөр байдал (парамита нь Гэгээрлийн нөгөө эрэг рүү хөтөлдөг). Энэ нь өргөмжлөгч үйл ажиллагаа. 9. Мөн чанар (noumenon) ба үзэгдэл (phenomenon) хоёрын төгс нэгдэл нь арван зүгийн бүх ертөнцөд Буддагийн үйл ажиллагааг бүрэн илэрхийлж, үүнийг Номыг чадварлаг хэрэгжүүлэхүй хэмээн нэрлэдэг. 10. Тэдний хийдэг бүх үйл нь үнэн хэрэгтээ Татхатагийн Нэгэн Бодит Үнэний илрэл бөгөөд ямар ч хувийн хүсэл, хүчээр хийсэн үйл бус, цэвэр, аяндаа өрнөх үйлгүй үйл (ву вей) юм. Үүнийг Үнэний мөн чанарт нийцэн оршин, үйлдэх үйл ажиллагаа гэж нэрлэдэг”. Чин сэтгэлийн арван үйлдэл (Паринамана) “1. Ананда, эдгээр буянтай хүмүүс Буддагийн үйл хэргийг хэрэгжүүлэхдээ ертөнцөөс давсан хүч чадлыг олсны дараа бүх саад тотгороос ангижруулах цэвэр Үнэн Бодит Байдалд хүрдэг. Тэд бүх төрөлтөнд туслан чөлөөлөх боловч ‘аврагч’, ‘аврагдаж буй хүн’, ‘аврал’ гэсэн ойлголтод баригдахгүй байх ёстой. Ийнхүү барьцгүй оюун (ву вэй) нь Нирвааны замд аяндаа нийцэн орно. Энэ нь бүх амьд оршнолыг авран чөлөөлөхөд өөрийгөө зориулах боловч, ‘би тэднийг (аварч) байна’ гэсэн үзэл баримтлалаас ангид байхыг хэлнэ. 2. Устаж болох бүхнийг арилгахдаа ‘би үүнийг устгаж байна’ гэсэн бодол, ойлголтод үл баригдахыг үл эвдрэх (мөнхийн) үнэнд зориулсан зориулалт гэж нэрлэдэг. 3. “Анхдагч Бодийн мөн чанар нь гүн бөгөөд бүх Буддагийн Гэгээрлээс ялгаагүй гэдгийг бүрэн ухаарахыг бүх Буддатай эн тэнцүү болохуйд зориулсан зориулалт хэмээн нэрлэдэг. 4. Буддагийн төлөвтэй ялгаагүй цэвэр сэтгэлийн суурь илрэхийг бүх оронд түгээмэл оршихуйд зориулсан зориулалт хэмээн нэрлэдэг. 5. Харьцангуй ертөнц ба Татхагатын (үнэмлэхүй төлөв байдал) мөн чанар хоёр саадгүйгээр нэгдэн илрэхийг шавхагдашгүй гавьяа, буяны санг эрхэмлэх зориулалт хэмээн нэрлэдэг. 6. Нирвааныг эрэлхийлэхийн тулд Буддагийн төлөвтэй адил тэрхүү мөн чанараас зөвхөн цэвэр шалтгаанууд үүсэхийг ‘ялгаварлалгүй байдлын эрхэм үндэст зориулахуй’ гэж нэрлэдэг. 7. Арван зүгийн хамаг төрөлтний нэгэн үндсэн мөн чанартай адилхан, түүний төгс төгөлдөржилт, эдгээрээс ямар ч төрөлтөн үгүйсгэгдэхгүй гэдгийг харуулдаг хэв маягаар үл алагчлах байдлын ухаарлыг хамаг төрөлтний адил тэгш байдлын төлөөх чин сэтгэл гэдэг. 8. Ижил төстэй байдал эсвэл ялгаатай байдлын аль алинтай нь зууралдахгүй, бүх ялгаварлалаас ангид, бүх үзэгдлийн ижил байдлын ухаарлыг Үнэмлэхүйн төлөөх зориулалт гэж нэрлэдэг. 9. Арван зүгт бүх саад бэрхшээлээс ангид байх энэхүү үнэмлэхүй (төлөв байдал)-д хүрэхийг саадгүй чөлөөлөлтийн төлөөх зориулалт гэж нэрлэдэг. 10. Дээдийн номын ертөнцийн талаарх бүх ялгаварлах үзлийг арилгадаг Өөрийн мөн чанарын энэхүү бүрэн ухаарлыг хязгааргүй Дээдийн номын ертөнцийн төлөөх зориулалт гэж нэрлэдэг”.
