Дэлгэрэнгүй
Татаж авах Docx
Дэлгэрэнгүй уншаарай
Өнөөдрийн мэдээгээр, Япон Тогогийн хүнсний аюулгүй байдлыг дэмжих гэрээнд гарын үсэг зурлаа. Шүрэн хадны эрчимтэй хорогдлыг сааруулахын тулд хүлэмжийн хийн ялгарлыг эрс бууруулахыг онцлох тайлан уриалав; Францад дасгалын төхөөрөмжүүд орон гэргүй иргэдийн амьдралыг сайжруулж байна; олон улсын эрдэмтэд цахилгаангүй хөргөлтийн систем бүтээв; АНУ-д зэлүүд газрыг шуурхай туулж гэмтсэн аялагчийг аварчээ; Австралийн хүнсний брэнд веган сүү үйлдвэрлэлээ өргөжүүлэх санхүүжилт босгов; АНУ-ын сайхан сэтгэлт эрэгтэй шатахуун түгээх станцад хаягдсан гөлөгнүүдэд тусалжээ. Дэлхийг илүү аз жаргалтай болгохын тулд сайхан инээмсэглээрэй. Та бүхэнд эрүүл мэндийн бяцхан зөвлөгөө хүргэе. Хэт мэдрэг шүдтэй бол угаах, зарим хоол хүнс идэх, юм уух үед гэнэт хүчтэй хатгуулан өвддөг. Шүдний паалан элэгдэх эсвэл шүдний ёзоор ил гарахад ийм байдал үүсэж болно. Шүд цоорох, цуурах, эмтрэх, ломбо элэгдэх, буйл өвчлөх зэрэг бусад эмгэг ч шүд хэт мэдрэгшихэд нөлөөлдөг. Хэт мэдрэгших эрсдэлийг бууруулах хэдэн арга бий. Зөөлөн үстэй сойзоор өдөрт шүдээ 2 удаа зөөлөн хөдөлгөөнөөр угааж, амны хөндийн ариун цэврийг сайн сахиарай. Оо сонгохдоо фтор агуулсан гэхдээ хурц биш зөөлөн үйлчилгээтэйг нь сонгоорой. Өдөрт дор хаяж 1 удаа шүдний утас хэрэглэж, шүдний эмчид тогтмол үзүүлэн, мэргэжлийн цэвэрлэгээ хийлгээрэй. Хийжүүлсэн ундаа, цитрусын жимс зэрэг хүчиллэг хүнс, ундааны хэрэглээг хязгаарлаарай. Эдгээр нь шүдний пааланг аажмаар сулруулж, элээж болзошгүй. Хүчиллэг ундаа уухдаа шүдэнд хүрэхийг нь багасгахын тулд соруул хэрэглэж, уусныхаа дараа шууд усаар амаа зайлаарай. Шүдний хэт мэдрэгшил үргэлжилж эсвэл зовоож байвал шүдний эмчийн цаг аваарай.
