Дэлгэрэнгүй
Татаж авах Docx
Дэлгэрэнгүй уншаарай
10-р сарын 22-ны өглөө эрт, Энхтайвны Будда Хааныг надтай ирж ярилцахыг МАПА зөвшөөрлөө. Яагаад гэвэл... Хөөх. Бороо их орж, шуугиантай байна. Би энэ бичлэгийг илгээхээр шийдвэл дуу нь тодорхой сонсогдох болтугай. Өглөөгүүр Энх Тайвны Будда Хаан Украин (Урейн), Оросын хооронд энхийн гэрээ байгуулагдсан гэж надад хэлэв. Би “Үүнийг дэлхий нийт хэзээ мэдэх вэ?” гэж асуулаа. Энх Тайвны Будда Хаан энэ нь заавал сүр дуулиантайгаар зарлан тунхаглах зүйл биш гэв. За яах вэ, ядаж л хэчнээн ч сүр дуулиантай, эсвэл даруухан зарлагдсан байсан хамаагүй энх тайвныг тогтоон гэрээг үзэглээд, дагаж мөрдөх юм бол би баяртай байх болно. Танд талархъя, ДЭЭДЭС минь, миний МАПА, бүх цаг үеийн Хамгийн Агуу цорын ганц Эцэг Эх минь. Бид үүнийг албан ёсоор сонсох эсэхийг сайн мэдэхгүй ч Энх Тайвны Будда Хаан “Албан ёсоор үзэглэсэн л бол албан ёсоор үзэглэсэн.” гэлээ. Тэгэхээр энэ нь хэдийгээр тийм илт харагдахгүй, эсвэл энэ тухай сүртэй тунхаглахгүй байж болох ч би үүнд итгэхээс өөр аргагүй. Хоёр тал хоёул хоёр орны гэм зэмгүй иргэдийг бодолцож үзнэ үү. Хэний зөв, хэний буруу байхаас үл хамааран би өөрийн зүгээс, БУРХАНЫ нэрийн өмнөөс та бүхэнд чин сэтгэлээсээ талархаж байна. Хоёр талын хийх зөв зүйл бол энхийн гэрээнд гарын үсэг зурж, түүнийгээ сахин биелүүлэх явдал юм. Өөрийнхөө хүндэтгэлийн амлалт, гарын үсэг, хүсэл зорилгодоо үнэнч байж, түүнийгээ тууштай биелүүлээрэй. Дэлхий нийтээрээ эв найрамдалтай, амар амгалан, сэтгэл хангалуун амьдрахыг эрхэмлэн анхаарч үзнэ үү. Мөн өөрсдийн үр хүүхэд, хайртай дотнын хүмүүс, ач зээ, гуч жич нарынхаа төлөө улам бүр сайжирсан, илүү сайхан, илүү гэрэл гэгээтэй ирээдүйг цогцлоон хөгжүүлсээр байгаарай. Хэдийгээр та нар одоогоор үр хүүхэдгүй байсан ч удахгүй хүүхэдтэй болж магадгүй. Эсвэл бусдын хүүхдүүдийн ирээдүйг ч бас бодож үзээрэй. Учир нь бид бүгдээрээ амар амгалан, сэтгэл хангалуун амьдрахыг хүсдэг шүү дээ. Та хоёрт хоёуланд нь баярлалаа, Орос, Урейн (буюу Украин) орнууд аа. Одоо зогсох цаг болжээ. Бид бүгд, ирээгүй энх тайвныг хүлээсээр энх тайвны сургийг сонсовч ил тод, нээлттэй, албан ёсоор олж харахгүй байсаар залхаж байна. Энх тайвны төлөө хэчнээн алхам урагшилснаас тань үл хамааран та бүхэнд баярлалаа. Юутай ч баярлалаа, баярлалаа. Огт алхахгүй байснаас ямар ч болов алхам хийсэн нь дээр. БУРХАНЫ Ивээлээр бүх хүн төрөлхтний нэрийн өмнөөс, ялангуяа сэтгэл зовниж буй украин (урейн)-чууд болон оросуудын нэрийн өмнөөс та бүхэнд маш их баярлалаа. Би хоёуланд тань хайртай. Би танай хоёр улс оронд болон ард иргэдэд хайртай. Би та бүхэнд үнэхээр их хайртай. Та нар энэ хайрыг минь, ялангуяа БУРХНЫ ХАЙРЫГ мэдрээсэй гэж чин сэтгэлээсээ хүсэж байна. Амен. Төгс Хүчит ЭЗЭН Танд баярлалаа. Өөрсдийгөө хамгаалах ямар ч аргагүй, зовж буй хүмүүст бага ч болов амар амгалан хайрласанд ЭЗЭН Танд баярлалаа. Ямар ч байсан үйлийн үрээ өөр газар эдлэх боломжийг тэдэнд олгоно уу. Зовлон болоод эвдрэл сүйрэл энэ гараг дээр хойшид бүү үргэлжлэг. БУРХАН минь, бид хэчнээн их мөнгө зарцуулж, хэчнээн амь золиослон, хэчнээн цаг хугацаа, боломжоо алдав. Гэвч юунд ч хүрсэнгүй. Танд баярлалаа, одоогоос эхлэн зөвхөн энх тайвныг тогтооно уу. Учир нь би хүлээсээр, хүлээсээр, тэвчээрийн минь хязгаар хэтэрхий их чангарлаа. ЭЗЭН Танд баярлалаа. Орос, Урейн буюу Украинд аль алинд нь баярлалаа. Тэднийг би урейнчууд байгаасай гэж хүсдэг. Тэгвэл тэд өөрсдийгөө захирна. Өглөө Орос, Урейн (Украин) хоёр энхийн гэрээ байгуулсан гэж сонссон ч онцгой, сүртэй том мэдэгдэл хийгээгүй байв. Гэвч 10-р сарын 22-ныхоо орой би манай Өдөр тутмын мэдээний урсгалыг уншлаа. Орос, Украин (Урейн) хоёр үнэхээр энхийн бодит тохиролцоонд хүрчээ. Бүрэн хэмжээнийх биш ч украин (урейн)-чууд Оросын эзэлсэн нутгаас аюулгүй гарч, Украин (Урейн)-ы ард түмэн, арми хяналтдаа байлгадаг өөр нутаг руу очих боломжтой болсон байна. Эдгээр нь сайн зүйл. Асар олон тооны эмэгтэйчүүд, хүүхдүүд чөлөөлөгдөж, хөршүүд, эх орон нэгтнүүдтэйгээ илүү амар тайван, айдас багатай хот, орчинд амьдрахаар буцаж байгаадаа баяртай байна. Энхийн сайн солилцоо хийсэн хоёр талд чин сэтгэлээсээ баярлалаа. Дахин бүү буудалцаарай гэж гуйя. Дахиад нэг хүн, эсвэл зуун хүн хөнөөсөн ч ямар хэрэгтэй юм бэ? Ер нь үүнээс ямар ашиг гарах юм бэ? БУРХАНЫГ санаж, БУРХАНЫ тухай бодож, зөв шийдвэр гарган, энх тайвныг сахихын төлөө БУРХАНД залбирна уу. Амен. Аль аль нь адислагдан зөв бодож, зөв шийдвэрт хүрэх болтугай. Баярлалаа. Сүүлийн хэд хоногт хуучны нэг найз минь тамаас авруулахыг гуйж байна гэсэн дуудлага, мэдээ хэд хэд ирсэн. Тэгээд би тэр хуучны найз минь хэн байж болохыг бодсоор байлаа. Миний найз гэж өөрийгөө зарласан ч үнэндээ найз байгаагүй хүн ч байж мэднэ. Би санахыг хичээж байна. Гэхдээ би бүр дэндүү завгүй, бодох ч завгүй байлаа. Хэд хоногийн дараа дахин гуйлт ирсэн. Би үнэхээр завгүй болохоор мартаад, гүн бясалгалд орж шалгаж чадаагүй. Тэгээд 10-р сарын 22-ны өглөө маш эрт үнэг-хүн эргэж ирээд, миний хуучны нэг найз тамаас авруулахыг гуйж байна гэж бас хэлсэн. Би түүнд “За, шалгаад үзье.” гэсэн ч дахин дахин мартаад байв. Шалгах гэж оролдох бүрд өөр зүйл тохиолдож, эсвэл хурал болж, ямар нэг биет саад тотгор гарч байлаа. Би өөрийн биеийг хэлээгүй байна л даа. Харин миний анхаарлыг татсан бодит ертөнцийн үймээн, тоо томшгүй яаралтай асуудлыг хэлж байна. Тэр хуучны найз хэн болохыг би одоо ч мэдэхгүй. Би хичээсэн ч түүнийг олж чадсангүй. Надад бага зэрэг хугацаа хэрэгтэй. Надад хугацаа хэрэгтэй. Ердөө ганц хүнийг хайхад ийм их хугацаа орно. Тэгээд ч дэндүү завгүй байгаа надад хайх боломж гарвал шүү дээ. Та бүхэн намайг дагадаггүй, намайг Их Багшаа гэж боддоггүй байсан ч Веган байж, Энхийг тогтоон, Сайн үйл бүтээгээрэй. Надад тэр бүхэн хэрэггүй. Харин өөрсдийгөө хамгаалаарай. Учир нь заримдаа тамд очиж та нарыг аврах хангалттай цаг надад байдаггүй. Би илүү их хичээвэл болох л байх л даа. Гэхдээ... Ажил хэтэрхий их, надад ирэх дарамт асар их, тусламж гуйж буй хүн ч олон. Хуучны ганц найз ч биш. Тиймээс өөрсдийгөө хамгаалаарай. Тусламж авагч бус, туслагч байгаарай. Нэгэнт тамд орсон бол бүр ч хэцүү болно. Зарим тамын хаалга үл үзэгдэх ертөнцөд хаагдсаны дараа хэн ч орж чаддаггүй. Би түүнийг олж чадах боловч зөвхөн тэнд орох ёстой нэгэнд зориулсан, хэн ч олж чаддаггүй мөнхийн тамууд бий. Зарим там тийм байдаг. Эрж шинжлэхийн аргагүй, бүр Акашийн бүртгэлээс ч далд байдаг. Хэрэв та тийм тамд орвол надад олоход маш их, маш хэцүү болно. Өөр өөр там өөр өөр шинжтэй бөгөөд шийтгэл, дүрэм, шинж чанар нь ч өөр. Бүх там адилхан биш. Тэдгээрт ойртохгүй байхыг хичээгээрэй. Зүгээр л веган байж, БУРХАНД залбир. Намайг дагадаггүй, БУРХАНД итгэдэггүй байсан ч залбирахыг хичээгээрэй. БУРХАНД итгэж, ТҮҮНД хамаг бүхнээ бүрэн даатгахад тань туслаач хэмээн БУРХАНД залбирахыг хичээгээрэй. Тэгвэл та аажмаар сэрж, БУРХАНД итгэн, чин сэтгэлээсээ залбирдаг болж, аврагдаж магадгүй юм. Гуйя, гуйя. Там бол аймшигтай. Там байдаггүй гэж хэзээ ч бүү бодоорой. Там үнэхээр байдаг. Тэр бол төсөөлөхийн аргагүй аймшигтай бөгөөд өөрийн хүчээр гарч чадахааргүй газар. Ээ дээ, гуйя, надад итгээрэй. Та намайг дагах албагүй. Там ч, Диваажин ч байдаг шүү, надад итгээрэй. Диваажин бол баяр баясал, аз жаргал, эрх чөлөөний орон. Там бол үүний эсрэг газар. Энэ үнэхээр аймшигтай, үнэхээр аймаар. Харгислалаас ч давсан. Ай, бүр зовлон, шаналлын хязгаараас ч давсан. Сайн хүн байхыг хичээгээрэй. Чадвал Веган байж, Энхийг тогтоон, Сайн үйл бүтээгээрэй. Тамаас хамгаалахыг БУРХАНААС гуйж залбираарай. Сонссонд баярлалаа. Photo Caption: “Бүгдийг Төлөөлөх Хувь Ерөөлт Удирдагч Бай”
