Дэлгэрэнгүй
Татаж авах Docx
Дэлгэрэнгүй уншаарай
Ээжүүдийн Өдөр бол ээжтэйгээ байгаа хүмүүсийн хувьд маш баяртай үйл явдал. Японд, ээж тань байдаг бол танд ягаан лиш цэцэг, ягаан сарнай гарч ирж өгөх уламжлал байдаг. Ер нь бол энд бидэнд байгаа шиг ягаан лиш цэцэг. Ээж тань байхгүй бол танд цагааныг өгдөг. Үүнтэй адил ягаан лиш цэцэг авсан хүмүүс их аз жаргал мэдэрч энэ ертөнц дээрх хамгийн сайн найзтай хэвээр байгаа их аз завшаанаа үнэлдэг. Тийм ээ, ааваас гадна. Нялх байхаасаа мэдэх хамгийн сайн найз. Тэд энэ дэлхийд “Сайн уу” гэж хэлсэн анхны өдөр ээж бол бидний хамгийн сайн найз болдог. Цагаан лиш цэцэг авсан хүмүүс гуниг мэдэрч ээждээ залбиран дурсан санаж Диваажинд байгаа түүнийхээ сайн сайхны төлөө залбиран ээжтэйгээ хамтдаа өнгөрөөсөн бүх сайхан цаг мөч, өөрсдийг нь өсгөх, тэжээн тэтгэх, зөв бурууг ялгахад сургах, энэ дэлхий дээр тэдэнд тохиолдож болох бүх муу зүйлээс хамгаалахын төлөө гаргасан бүхий л золиосыг боддог. Хүүхдүүдийнхээ төлөө ээжийн хийж чадах, хийх байсан, хийсэн зүйлд төгсгөл үгүй. Одоо би та бүгдэд, бас бүх аав ээж нарт, түүнчлэн ирээдүйн ээж нарт хамгийн сайхан өдрийг хүсэн ерөөе. Боломжтой бол өдөр бүр ийм байх болтугай, Ээжүүдийн Баярын мэнд хүргэе. Мөн, энэ өдөр манай гараг дээр болон өөр гарагууд, орчлонгийн өөр өнцөг булан дахь өөр төрлийн ээжүүдийн тухай бодоход хүргэлээ. Бидэнд зөвхөн нэг бус олон ертөнц бий. Сүүдрийн Орчлонд ч бидэнд олон ертөнц бий. Бидний ээжүүдтэй адил буюу ээж болсон тантай адилхан олон ээж нарт нөхцөл байдлын улмаас, нийгмийн улмаас дэлхийн хэнэггүй мунхаг байдлын улмаас бидний эндэхтэй адил Ээжүүдийн баярын өдрийг тэмдэглэх хувь тохиодоггүй. Амьтад, тэдэнд ч бас ээжүүд, хүүхдүүд, гэр бүл байдаг; шавжуудад ч байдаг. Загаснууд, шувууд. Бүх амьд төрөлтнүүд эцэг эхтэй. Тэд бүгд тун удахгүй Ээжүүдийн баярыг бидний өнөөдөр тэмдэглэж байгаа шиг амар амгалан, аюулгүй, аз жаргалтай тэмдэглэх болтугай гэж залбирцгаая. Манай дэлхий удахгүй сэрж эхийн холбоо зөвхөн хүн төрөлтөнд хамаараад зогсохгүй бас бүх төрөлтөнтэй хамааралтай гэдгийг ухаарах болтугай хэмээн залбирцгаая. Ингээд бидний ээжээ хайрладаг шиг бусад бүх төрөлтөн ээжийгээ хайрладгийг бид бүгд, дэлхийн бүх хүмүүс, орчлонгийн төрөлтнүүд нэг өдөр ухаараасай гэж залбиръя. Тун удахгүй нэг өдөр бүх төрөлтнүүд эхийн энэ нандин холбоог хамгаалахыг, эхийн нандин холбоог бүх орчлон даяар хүндлэхийг хичээнэ гэж найдан залбирцгаая. Тэгвэл бид зүрхэндээ үнэхээр аз жаргалтай байж эхийн холбоог жинхэнээсээ тэмдэглэх болно, Ээжүүдийн баярын өдрийг үнэхээр тэмдэглэн хүндлэх болно. Энд эсвэл Диваажинд эсвэл орчлонгийн хаа нэгтээ байгаа бүх ээжүүдэд залбирцгаая. Тэд хаана ч байсан Бурхны ивээлээр амар амгалан, хайр, хамгаалалттай байж аюулгүй, аз жаргалтай байг.
