Төгс Гэгээрсэн Их Багш Чин Хай махны хорт үр дагаврын тухай, 1-р хэсэг – Эрүүл мэндийн тухай эмгэнэлт баримт

Өнөөдөр бид мах бол хүний эрүүл мэндэд ноцтой хохирол учруулж, үхлийн аюулт зарим өвчний шууд шалтгаан болж буй төдийгүй яг одоо бидэнд тулгараад буй шиг дэлхийн хэмжээнд тархдаг цар тахлын гол эх үүсвэр болдог тухай авч үзэх болно.

Үнэндээ КОВИД-19 амьтдаас, нойтон махны зах дээрх зэрлэг амьтдаас гаралтай. Тэгээд үүнийг нь хүмүүс хаа саагүй тараасан. Хятад даяар, дэлхий даяар тараасан. Жуулчид үргэлж явдаг учраас тэр. Эсвэл хүний нөөцийн солилцоо, хүн хүчний солилцоо, хүмүүс сургуульд сурах, эсвэл хүмүүсийн хамтын ажиллагааны солилцоо. Өнөө үед хүмүүс үргэлж дэлхий даяар явдаг болсон. Тиймээс зөөвөрлөгчид энэ өвчнийг дэлхий даяар авч явсан бөгөөд энэ бол тэндээс гаралтай. (За. Тэгэхээр миний интернэтээс харсан цуу ярианд зарим мэдээллийн хэрэгслээр лабораториос гарсан байх гэж хэлсэн байсан.) Үгүй. Ямар ч лабораториос гараагүй. Энэ нь нойтон махны зах дээрх зэрлэг амьтдаас үүдэлтэй. Яг Ухан хотоос гарсан. Би үүнийг дотооддоо Диваажинтай, мөн тахлын бурхадтай хамт шалгасан.

Хар даа, эмнэлэг мах иддэг хүмүүсээр дүүрэн биш байна гэж үү? (Тийм ээ.) Веган лам, гэлэнмаа нар бид эмнэлэгт ховорхон очдог. Өмнө зүгийн орнууд тахиа, гахай, загас ихээр өсгөдөг. (Тийм ээ.) Одоо денге халуун хумхаа дэгдэж байна. Хойд зүгийн оронд энэ байдаггүй. Энэ нь зөвхөн өмнөд зүгт байдаг. Өнөөг хүртэл энэ тахал бидэнд байгаагүй. Тайван (Формоса) маш олон тахиа, гахай өсгөдөггүй байсан хэр нь ийм төрлийн эмчилгээгүй өвчтэй болсон. Одоо Формосад маш олон эмчилгээгүй өвчин бий. (Тийм ээ.) Формоса маш цэвэрхэн байсан. Үлгэрийн арал гэж нэрлэдэг байлаа. Одоо бид мах ихээр идэж, маш их тахиа, гахайг өсгөж байгаа учраас илүү ноцтой өвчнүүд бий болоод байна. Энэ өвчин маш хурдан тархдаг гэж би сонссон. Тиймээс үйлийн үр хурдан ажиллаж байгаа нь илэрхий харагдаж байна. Та бүхэн надаас асуулт асуух шаардлагагүй. Улс даяараа веган болох нь хамгийн сайн зүйл юм. Тэгснээр хэн ч иймэрхүү төрлийн эмчилгээгүй өвчин тусахгүй. Өвчин байсан ч гэсэн эмчлэхэд хялбар байх болно.

Бид аллага үйлдсэн бол өөрсдөө жам бусаар алуулна. Бид жам бусаар амь хөнөөвөл бид бас өөрсдөө жам бусаар амиа алдана. Дэлхий дээр ямар олон өвчин байгааг хар даа, гамшгийн талаар ярих ч юм биш. Өнөө үед их хэмжээний мах, амьтны гаралтай бүтээгдэхүүнийг төлж дийлэх чадвартай хүмүүсээр хэчнээн эмнэлэг дүүрсэн байна вэ, хүмүүс ямар их өвчилдөг болоо вэ, эмнэлгүүд хэр их дүүрсэн байна. Бид иддэг учраас өөр хэн нэгэн аллага үйлдэх хэрэгтэй болдог. Тиймээс амьтныг идэхийн тулд бид шууд юм уу шууд бусаар аллага үйлдвэл ийм л урхаг үүсгэнэ. Тиймээс би энэ асуудлыг өөр юунаас ч илүү илэн далангүй ярьдаг. Яагаад гэвэл үүнийг л бид илүү хурдан хийж чадна. Шинжлэх ухааны дэвшлээс ч хурдан, төр засаг арга хэмжээ авахаас ч хурдан, ердөө энгийн, хялбар. Өөрсдийнхөө төлөө, үр хүүхдийнхээ төлөө үүнийг хийгээрэй.

Хэрвээ хүн бүр мах идэх зуршлаа хаяхгүй бол манай гарагийн хувь заяа ч бас тийнхүү хог дээр хаягдах болно. Яг одоо энэ хэдийн аймшигтай болсон. Харин ирээдүйд юу болохыг би мэдэхгүй. Бүр эрдэмтэд энэ тухай хэлэхдээ энэ хувирал илүү үхлийн аюултай вирус болох юм бол илүү аймшигтай болж магадгүй гэсэн. Тэр бүх вакцин байгаад ч бидэнд тус болохгүй. Би та нарт хэлсэн дээ, муу үйлийн үрийн эсрэг бидэнд тус болох юм үгүй. Бид хийсэн зүйлээ төлөх болно. Вакцин ч гэсэн одоо, хүмүүс вакцинаас айж байгаа. Вакциныг боловсруулсан хүмүүс хүртэл тэр вакциныг хэрэглэж зүрхлэхгүй байна. Учир нь айдас төрүүлэм хам нөлөөнөөс нь болж үүрд саажилттай болж ч магадгүй гэж. Тэд вакцинаас болж үхэж ч мэднэ. Тиймээс тэд үүнээс татгалзсан. Энэ бол аймшигтай зүйл. Энэ бол бүр бидний хянаж чадах зүйл биш. Махны үйлдвэрлэл энэ бүгдэд буруутай! Тиймээс бид энэ бүх зовлонгийн үндсэн шалтгааныг вакцинаар биш, харин буянт үйлсээр, бүгдийн маань дотоодод угаасаа оршдог бурханлаг чанараараа таслан зогсоох ёстой. Бид үүнийг зүгээр л гаргаж ирээд, ашиглах хэрэгтэй.

Бүр мах идэх нь хүртэл бас дэлхий дээрх бүхий л төрлийн өвчний шалгаан болдог, мөн дайн үүсгэхэд хүргэдэг. Энэ бүх өвчин бол бидэнд өөрсдийн эрхэм чанар руугаа буцах хэрэгтэйг сануулдаг анхааруулга юм. Бид үүнийг мартсан хэвээр байх л юм бол, бид өөр өөр цаг үеүдэд өөр өөр өвчнөөс болж зовсон хэвээр л байх болно. Бид энэ өвчнийг эдгээж чадлаа ч гэсэн Бурхан өөр нэгийг үүсгэх болно. Бурхан гэж хэлэх гээгүй юм шүү. Энэ нь үйлийн үрийн эзэн, үйлийн үрийн бурхан юм. Энэ нь байгалийн хууль, шалтгаан, үр дагаврын хууль.

(Гахайн) ханиадны шалтгааны 90% нь тухайн аймагт байх гахайн аж ахуйтай шууд бус хамааралтай байдаг. Тэд тооцоолж, судалгааг нь хийсэн. Жишээлбэл, танай улсад, танай нутагт гахайн аж ахуй маш их байдаг бол тухайн мужид ханиад томууны тахал 90%-ийн хамааралтай. Тэндээс гадагш тархан, мэдээж, амьтдыг өсгөдөг уугуул сууцаас удаан байна. За, та нар гахайг чанаад, “Одоо зүгээр, чанасан мах халдваргүй.” гэдэг ч тэр нь тийм биш. Вирус агаарт тархаж, хүмүүсийг өвчлүүлдэг. Тэр аж ахуй дээр ажилладаг хүмүүс шууд өртдөг. Тэгээд тэр нь бусад хүмүүстэй холилдон, амьтан, шувууны бусад томуутай хавсарч бүр хүндэрдэг. Дараа нь хурдан юм уу удаанаар дэлгэрч байдаг.

Мах идсэнээс эрүүл мэндэд учруулах эрсдэл өдгөө улам бүр тодорхой харагдах боллоо. Малд даавар болон антибиотикийг хэт их тун хэмжээгээр байнга хийдэг. Дараа нь тэдгээр малын махыг хэрэглэхэд энэ бодисууд эргээд хүний биед орон, эрүүл мэндэд ноцтой аюул учруулдаг. Түүнчлэн мал нядалгааны газар шүвтэр, хүхэрт устөрөгч зэрэг хортой дайвар бүтээгдэхүүнүүд үүсдэг байна. Эдгээр нэгдлүүд туйлын хортой учраас тэндхийн ажилчид хордож нас барах тохиолдол олонтоо гардаг.

Бидний хоол гэж нэрлээд байгаа мах бол зүгээр л нэг хүний ходоод шингээж чадахгүй хамгийн эрүүл бус, хортой, эрүүл ахуйн шаардлага хангаагүй бүтээгдэхүүн юм. Бид эрүүл мэндээ, амь насаа эрхэмлэн хайрладаг бол махыг огт идэх ёсгүй. Махгүйгээр бид илүү урт насалж, эрүүл энх, ухаалаг сэргэлэн амьдрах болно. Мах бол бүх төрлийн хавдар, зүрхний өвчин, цусны даралт ихсэх, цус харвалт, таргалалтын шалтгаан болдгийг шинжлэх ухааны үндэслэлтэй нотолсон. Энэ жагсаалтыг тоочиж баршгүй. Эдгээр бүх өвчин жилд хэдэн сая хүнийг хөнөөж байна. Махтай холбоотой өвчнөөр хэдэн сая хүн нас барж, өөр хэдэн сая хүнийг хүнд өвчтэй, тахир дутуу болгож байна. Мах идсэнээс үүссэн эмгэнэл гашуудалд эцэс төгсгөл гэж алга. Мах идэх нь яавч байж болохгүй. Шинжлэх ухаан, анагаах ухааны энэ бүх баримт нотолгооноос одоо бид үүнийг мэдэж байх ёстой шүү дээ. Гуйя, мах идэхээ зогсоогооч дээ. Ядаж эрүүл мэндээ бодоод. Үр хүүхэд, ач зээ нарынхаа төлөө урт удаан, эрүүл энх амьдрахыг хүсэж байгаа биз дээ.