Дэлгэрэнгүй
Татаж авах Docx
Дэлгэрэнгүй уншаарай
Оросууд бас яг л тантай адилхан, танай улсын иргэдтэй адилхан хүмүүс. Тэднийг зүгээр л хүчээр тулалдуулдаг. Үгүй бол үхэх ялтай. Бас гэр бүл нь давхар шийтгүүлнэ. Тийм учраас тэд дайныг хэрхэн зогсоох тухай бодсон байх.Гэтэл танай улсын арми, улсын удирдагч та өөрөө юу ч хийгээгүй. Ялагдлаа ч бэлгэдэл болгож тулалдах юм уу хэлэлцээр энэ тэр ч юм уу “өөр зүйл” хийж болно. Гэтэл юу ч хийгээгүй. Зарим цэгт, зарим газар Украин (Урейн)-ы энгийн иргэд гар хоосон гудамд гарч, Оросын цэргүүдэд гэртээ харь гэж хэлж байсан.Мөн Европ бүхэлдээ зүү унасан ч сонсогдохуйц нам гүм болсон байсан. Гэтэл та одоо Америкийг орхиж, Европт найдах гээ юу? Тэгэх боломжтой гэж үү? Энэ бүх хугацаанд, гурван жилийн турш Америк байгаагүй бол та хэдийнээ үгүй болох байсан, ерөнхийлөгч өө. Хэдийгээр та зоригтой ч, эрэлхэг зоригтой, эх орондоо хайртай, гэр бүл, ард түмэндээ хайртай ч, хэдийн үгүй болсон байх байсан. Бүрэн бүтэн байвал аз болно.Гурван жилийн турш та агуу баатар болсон, танай ард түмэн таны тушаал болгоныг асар ихээр хайрлаж, хүндлэн дагадаг. Гэвч энэ агуу албан тушаал, эрх мэдэлд хэт дасаж, уулзаж учирсан бүхэн тань танд адилхан хандана гэж бүү бод. Ерөнхийлөгч Трамп таны туслах биш! Тэр бол дэлхийн хамгийн хүчирхэг улсын Ерөнхий Командлагч. Түүнтэй дахин уулзахдаа үүнийг санаарай. Одоогийн байдлаар танай улсад Тэр хэрэгтэй. Танд Тэр хэрэгтэй. Тиймээс бардам зангаа орхи, гурван жилийн турш дадсан дайны удирдагчийн хэв маягаа орхи. Учир зүйтэйгээр бод. Ерөнхийлөгч Трампын саналыг энхийг тогтоох жагсаалтаасаа хасахаас өмнө бүх бодит байдлыг шалга. Та Түүнтэй хамт ажиллах ёстой. Заавал шүү! З-А-А-В-А-Л. Та Ерөнхийлөгч Трамптай хамтран ажиллах ёстой. Тэр бол таны итгэж болох Хүн. Ядаж л Путинтэй харьцуулахад тийм.Энэ миний улс биш л дээ. Та миний ерөнхийлөгч биш. Танай ард түмэн миний хамаатан, найз нөхдийн аль нь ч биш. Гэвч би тэднийг зовлонг яг л өөрийн зовлон мэт мэдэрдэг. Тийм учиртай. Би яг одоо бас өөрийгөө хамгаалж байгаа юм. Зөвхөн танай улс орноос болж би танд үнэгүй зөвлөгөө өгч буй юм биш, өөрийнхөө төлөө юм. Надад өвдөлтөөс өөрийгөө хамгаалах эрх бий! Танай улстай хамааралтай, танай улсын, танайд улсад болж буй дайнтай хамааралтай өвдөлт. Оросын ард иргэд үхэж буйгаас болж би шаналдаг. Украин (Урейн)-ы ард түмэн бас өдөр бүр үхэж үрэгдэн, зовж байгаа учраас би шаналдаг. Тэд өөр улс оронд очиж, зарим улс тэдэнд үүд хаалгаа нээсэн ч, зарим нь нээгээгүй. Тэд доромжлуулж, ядарч туйлдаж, дайнаас зугтаах үедээ байсан хамаг мөнгөө шавхаад буцаад нутагтаа очицгоосон.Энэ зугаатай гэж үү? Үгүй. Мөн олон мянган хүүхэд Орос руу хулгайлагдан, алга болж байна. Нулимсаа хаттал уйлсан эцэг эхчүүд, төөрөлдөн гайхаж, зовсон хүүхдүүд, харийн оронд хайр дутуу, үл мэдэх орчинд үлдэж хоцорсон. Энэ бүхэн зугаатай гэж үү? Тиймээс хэрэв та хамгийн хүчирхэг ерөнхийлөгчтэй, дэлхийн хамгийн хүчирхэг улстай маргаад яллаа гэхэд сайн гэж үү? Үүгээрээ та бахархах уу? Тиймээс гуйя, учир зүйтэй сэтгэ, даруу бай. Энэ бүхнийг хэлснээрээ би танд таалагдахгүйг мэдэх ч хэлэхээс өөр аргагүй. Өөрийгөө л хамгаалж байгаа юм л даа. Ямар вэ? Та үүнээс том юм бодох шаардлагагүй. Би өөрийгөө л хамгаалахын төлөө юм. Учир нь би өдөр бүр шаналж байна! Дайн болж л байвал тийм.Сирид хүртэл саяхан засгийн газар, удирдагчид нь өөрчлөгдөж, одоо тэд дэлхийн бүх улс оронтой, засгийн газрынхаа бүх намтай, Барууныг дэмждэг, Путиныг дэмждэггүй, Америкийг дэмждэг бүх намтайгаа найрамдсан. Тиймээс гуравхан жил учраас та ч бас боломжтой. Арван хоёр жилийн турш үргэлжилсэн Сирийн дайн ялалтаар төгссөн. Орос таныг хамгаалах уу? Үгүй. Европ Сирийг хамгаалсан уу? Үгүй! Магадгүй тэд бэлгэдэл төдий хамгаалсан ч хангалттай хүчтэй биш. Тэгэхээр Сирийн ерөнхийлөгч, бүгд түүний буруу биш ч, тэр ямар ч буруу юм хийгээгүй ч зугтах ёстой болсон. Харин хаашаа??? Ай! Орос руу. Хэдийгээр тэр улс өмнө нь амар амгалан мэт байсан ч тэгсэн. Ядаж л хүмүүс нь амар амгалан амьдарч, хэрэгтэй бүхэн нь байсан. Засгийн газар нь ард иргэдээ бусад улс оронтой харьцуулахад аль чадлаараа сайн харж ханддаг байсан. Гэтэл оросууд энэ бүх хугацаанд тэнд байсан ч тэр улсын ерөнхийлөгчийг, тэр улсыг хамгаалж чадаагүй. Ойрхон байсан Европ ч хамгаалж чадаагүй. Тэдний холбоотон гэх ерөнхийлөгчийг хамгаалж чадаагүй.Тиймээс ерөнхийлөгч Зеленський танд хүндэтгэлтэйгээр хэлэхэд та энэ бүхнээс суралцаарай. Улс орноо учир зүйтэйгээр, билиг ухаанаар, туршлагаар, бүх улс орны сургамжаар, дайн ба энх тайван байдлын сургамжаар хамгаал. Бардам зангаараа биш. Хэдийгээр та өөрийнхөө зөв гэж бодож байлаа ч, эсвэл бардам байх нь таны зөв гэж бодож байсан ч энэ бүхнээ хаягтун. Яг одоо энх тайван хамгийн чухал байна. Ерөнхийлөгч Трамп та хоёр хоёулаа энхийг хүсэж байгаа. Тиймээс үүний төлөө ажилла. За юу? Танай гэр бүл, улс орон, засгийн газар тань үүнийг эсэргүүцэх юм хийхгүй л бол зүтгээд бай. Маш их баярлалаа, эрхэм ээ. Бурхан таныг байнга адисалж, таныг, гэр бүл, улс эх орныг тань хамгаалж байх болтугай. Амен.Одоо би тайвань (формоса)-чуудад хандан үг хэлмээр байна.Саяхан танай улсад хэд хэдэн аймшигт гамшиг болсон. Цаг үе, улирал нь биш байхад хүртэл шүү. Мөн том ах Хятад улс танай орныг амьдаар нь залгина гэж заналхийлж байна.
Media Report from Al Jazeera English – Mar. 7, 2025: Жилийн өмнө Тайванийн өмнөд хэсгийн Хуалиень мужид 7.4 магниудын хүчтэй газар хөдлөлт болоход...
Media Report from BBC News – Oct. 31, 2024: Тайваньд сүүлийн 30 жилд тохиолдсон хамгийн том шуурга... Анхааралтай сонсоорой. Би та нарт амь аврах аргыг, гэтлэх аргыг заасан. Зөвхөн энэ төрлийг тань ч биш, дараа төрлийг тань мөн аварч, улмаар та бүхэн жинхэнэ Гэртээ, жинхэнэ Улс Орондоо харих боломжтой. Үүнийг нандигнаж, бясалган дадуул, үнэ цэнийг нь мэдэж, Бурханд таларх. Улс орныг тань хамгаалахыг үргэлж надаас гуйх хэрэггүй. Би хэдийнээ чадах бүхнээ хийж байгаа, надад итгээрэй. Үгүй бол танай улс далайд живэх байсан. Хятадтай дайтах талаар ярилтгүй. Би ярих дуртайдаа үүнийг та нарт хэлж байгаа юм биш шүү. Харин би энх тайвныг эрхэмлэдэг. Ахан дүүс ард иргэдийн тань цус танай үржил шимт газар шороонд, Хятадын үржил шимт газарт асгарахыг би хүсэхгүй байна. Газар бол хүн амьдарч, эрүүл саруул, аз жаргалтай, урт наслахын тулд хүнс, хэрэгцээт зүйл, эм тангаа тарьж ургуулах зориулалттай болохоос цус асгах учиргүй. Бурхан хэзээ ч уучлахгүй. Хэт их цус асгарвал Будда нар, Бодисадва нар, Гэгээнтэн Мэргэд, Их Багш нар улс орныг тань хэзээ ч адислах боломжгүй. Амьтан-хүмүүсийн цус хүртэл улс орны тань ихээхэн буяныг устгаж үгүй хийдэг.Танай улс оронд веганимзмын чиг хандлага нэмэгдэж буй нь олон улсын хэвлэл мэдээллээр ч танигдаад байгаа. Үүгээрээ бахархах учиртай. Тэд танай орныг веганд ээлтэй гэж ангилдаг. Дэлхийд хамгийн веганд ээлтэй цөөн хэдэн улсын нэг гэдэг. Тэд Тайпей хотыг веган зоогийн газрууд, амтат веган хоол хүнс гэх мэтээр веганизмд ээлтэй хэмээн ангилдаг. Тэдний бичсэн зүйл, олон нийтийн сүлжээгээр бичсэн зүйл Тайвань (Формоса)-д үнэхээр ээлтэй. Тиймээс үүгээрээ бахархагтун. Үргэлжлүүлээд бай. Оройд нь гаргаарай. Дэлхий дахины цэвэр веган цор ганц, анхны улс болж болох юм. Ямар их нэр хүнд олохыг төсөөл дөө.Photo Caption: Бурхан Өчүүхэн Жижиг Ургамал Цэцэгст ч Хайртай учраас Тэднийг Үзэсгэлэнтэй Болгодог.
