Украинд (Урейнд) болон дэлхий дахинд энх тайвныг тогтоох арга, лекцийн 13-ын 8-р хэсгийг

Одоо би тайвань (формоса)-чуудад хандан үг хэлмээр байна. Саяхан танай улсад хэд хэдэн аймшигт гамшиг болсон. Цаг үе, улирал нь биш байхад хүртэл шүү. Мөн том ах Хятад улс танай орныг амьдаар нь залгина гэж заналхийлж байна. Анхааралтай сонсоорой. Би та нарт амь аврах аргыг, гэтлэх аргыг заасан. Зөвхөн энэ төрлийг тань ч биш, дараа төрлийг тань мөн аварч, улмаар та бүхэн жинхэнэ Гэртээ, жинхэнэ Улс Орондоо харих боломжтой. Үүнийг нандигнаж, бясалган дадуул, үнэ цэнийг нь мэдэж, Бурханд таларх.

Танай улс оронд веганимзмын чиг хандлага нэмэгдэж буй нь олон улсын хэвлэл мэдээллээр ч танигдаад байгаа. Үүгээрээ бахархах учиртай. Тиймээс үүгээрээ бахархагтун. Үргэлжлүүлээд бай. Оройд нь гаргаарай. Дэлхий дахины цэвэр веган цор ганц, анхны улс болж болох юм. Ямар их нэр хүнд олохыг төсөөл дөө. Ийм байхад Хятад улс, эсвэл аль нэг илүү том улс, илүү хүчтэй улс яаж ирж та нарыг дарлах вэ? Та нар сайн, буянтай, ёс зүйтэй, нигүүлсэнгүй байвал бүх Диваажин та нарын төлөө байх болно. Тиймээс миний зааж өгсөн ариун буянтай зам мөрөөр үргэлжлүүлэн замнаарай.

Би та нарт үлгэр жишээ үзүүлж, бусад олон зүйлийг би танай улсын төлөө чимээгүйхэн хийснийг та бүхэн огт мэдээгүй, би ч хэлэхгүй. Гэхдээ надад итгээрэй, би Тайвань (Формоса)-д хайртай. Өнгөрсөн жилүүдэд надад үзүүлсэн бүхий л дэмжлэг, өгөөмөр сэтгэлд тань би талархдаг. Заримдаа харин танай улс алдаа гарган, намайг үгүйсгэж, нэр төрийг минь харлуулдгаас болж би явах ёстой болдог. Бүхий л амьтан-хүмүүсийн аллагатай нийлээд тэгдэг. Би та нарт хэлж байсан даа, алслагдмал бүсэд миний амьдарч байсан байшингийн дэргэдэх голын эхэнд нядалгаа хийгддэг болохоор өдөр бүр цусан улаанаар урсдаг байсан. Энэ бол миний харсан ганц л гол. Үнэндээ гол биш л дээ, уучлаарай, томоохон горхи, зарим нугалаандаа дүүрэн, тунгалаг ус урсдаг. Гэтэл өдөр бүр тэр гол улаанаараа эргэдэг байсан. Намайг гарч ирэх бүрд байнгын болж буй аллагаас болоод

улаан байдаг байсан. Та өөрөө тэр амьтан-хүмүүс байсан бол гээд төсөөл дөө. Жижиг торонд өршөөлгүй хоригдож, үр төлөө гаргасан ч эргэх ч боломжгүй. Тэгээд дараа нь амьсгал тэмцэн, тийчилж байхад тань хоолойг тань хэрчинэ. Өөрийгөө гээд төсөөл дөө! Тэд мэдрэмжтэйг та нар мэднэ. Тэд хайр энэрэлтэйг та нар мэдэж байгаа. Гэм буруугүйг нь мэднэ. Нэгнээ хамгаалж, яг л та бүхний адилаар үр хүүхдүүдээ хамгаалдгийг мэднэ. Хэн нэгэн өөрийг тань хороож, тийм байдлаар харьцвал сайхан байх уу? Хүсээгүй зүйлийг өөрт тань үйлдвэл таалагдах уу? Танай шашинд эртний Их Багш нар тань “Өөрийнхөө дургүй зүйлийг бусдад бүү үйлд” гэж хэлсэн байдаг. Өөрийнхөө амьдралаар амьдрах танд тун энгийн. “Өөртөө тохиолдохыг хүсээгүй зүйлийг бусдад бүү үйлд.” Бүх шашинд ингэж хэлдэг. Хятадын бүх эртний Их Багш нар ингэж хэлсэн. Бусад улс орны Их Багш нарыг ярилтгүй.

“Өөртөө хийхийг хүсэхгүй байгаа зүйлээ бусдад бүү хий.” ~ Түүвэр тэмдэглэл ном 12, 2-р бүлэг

“Өөртөө тохиолдохыг хүсэхгүй байгаа зүйлээ бусдад бүү хий.” ~ Түүвэр тэмдэглэл ном 12, 2-р бүлэг

“Хүмүүсийн зүрх сэтгэлд хүрэх зам мөр бий: Тэдэнтэй хамт хүссэн зүйлээ цуглуулж, үзэн ядсан зүйлээ тэдэнд бүү тулга.” ~ Мэнз, Ли Лоу, 4-р дэвтэр, А хэсэг

“Бусдыг таньдаг хүн ухаалаг байдаг. Өөрийгөө мэддэг хүн гэгээрдэг.” ~ Тао Тэ Чин, 33-р бүлэг

“Сайн хүмүүст сайнаар ханд, сайн биш хүмүүст ч сайнаар ханд. Ийнхүү сайн сайханд хүрдэг. Шударга хүмүүст шударга бай, шударга бус хүмүүст ч шударга бай. Ингэснээр үнэнч шударга байдалд хүрдэг.” ~ Тао Тэ Чин, 49-р бүлэг

Гэх мэт...

Хятад улс анх, уламжлалаараа бол шүтлэгтэй орон байсан. Лам, гэлэнмаа, Их Багш нарыг хүндэлдэг, Зэн уламжлалыг хүндэлдэг байсан. Гэтэл одоо яриа төдий болж! Та бүхэн сурсан зүйлээ дадуулж, сайн зүйлийг хэрэгжүүлэх ёстой. Харин мууг нь болих учиртай. Тун энгийн.

Сайныг хий, мууг боль. Хүүхдүүдээ бүү үр хөндүүлж авхуул! Дэлхийн бүх иргэд та нар хүн үү, хүн биш үү? Амьтан-хүмүүсийг хүртэл та нар “адгуус” гэдэг! Тэднийг дорд үзэж, өшигчиж, идэж, “Өө, тэд бол ердөө л амьтад” гэдэг. Гэтэл тэд үр хүүхдүүдээ алдаггүй! Хүмүүс та нар бүхнийг мэдэж байгаа. Дайн болоогүй байхад хүртэл шүү. Дайн дажин дэгдэж, аргаа барсан нөхцөлд, үр хүүхдүүдээ тэжээх боломжгүй бол магадгүй тийм шалтаг байж болох юм. Гэтэл энх тайван улс орнуудад, Америк гэх мэт хүчирхэг улс оронд хүртэл хүсээгүй нялхсыг асардаг төрөл бүрийн агентууд бий. Мөн олон улс орон танай хүүхдүүдийг үзэсгэлэнтэй болохоор үрчилж авахыг хүсдэг. Гэтэл үгүй, та нар нялхсаа, үр хүүхдүүд, мах цусны тасархайгаа заавал алж байх гэж! Юу хийнэ вэ? Өөрсдөөсөө асуу! Дайныг бүү буруутга!

Та нар өөрсдийнхөө мах цусны тасархай болсон хүүхдүүдтэйгээ дайтдаг. Яаж ийм төрлийн энерги тэсэрч, дайн болохгүй байх вэ? Америк улс тийм аюулгүй гэж бүү бодоорой. Хэрэв та нар энэ хэвээрээ үргэлжилбэл дайн дэгдэх болно. Магадгүй том дайн биш ч, жижиг дайн гарна.

Террористуудыг ч бүү буруутга. Тэднийг та нар дотооддоо шахаж түлхэн хийлгэдэг. Хэн ч үүнийг баталж чадахгүй ч би мэднэ. Бидний хийсэн бүхний үр дагавар бидэнд эргээд ирнэ. Тиймээс өдөр бүр болж буй энэ нялхсын дайнаа зогсоо.

Жил бүр дал гаруй сая хүүхэд үхдэг. Би уншиж байсан санагдаж байна. Магадгүй зөвхөн Америкт тийм байх. Төсөөл дөө. Ээж тань тэгсэн бол өөрт тань сайхан байх байсан уу? Эхийн тань хэвлийд өөрийг тань хэдэн хэсэг болгон хуваагаад, нойл руу урсгах мэт урсган гаргадаг. Намайг уучлаарай, чамин дэгжин бус хэлийг минь уучлаарай. Гэвч та нарт ойлгуулахын тулд би өөр юу гэж хэлэхээ мэдэхгүй байна. Оюун тархи тань ойлгож, сүнс тань зогсооно гэж найдъя. Бие доторх гэмгүй нялх хүүхдэд ийм аллагын үйлдэл хийвэл тархи тань, зүрх тань ичих болно.

Та нар бүгд нялхсыг алахаа зогсоо, гэмгүй нялхсыг дайнд хороохоо боль, хүмүүстэй, амьтан-хүмүүстэй, мөн мододтой, ойтой, газартай дайтахаа зогсоо. Амьдралыг тань тэтгэдэг газар шороог бүү устга. Юунд ч хор хөнөөл бүү учруул. Үгүй бол бид ахиад л дайтах болно, илүү том дайн гарна. Орчин үед, өндөр технологийн дайн хүртэл гардаг болсон. Эдгээр нь та нарыг хормын дотор л хороох боломжтой. Хэрэв дараагийн дайн дээрээ тулбал Япон улсын Хирошимад болсон зүйл бол ердөө л тоглоом төдий байх болно. Хэрэв бид үргэлжлүүлэн амь хороосоор, гараг дэлхий даяар аллагын энерги бий болгож, бороо бурханд ажлыг нь хийлгэж газрыг тань тэтгүүлэхийн оронд энд тэндгүй цус урсгаад байвал дайн дажин гарах л болно.

Би уурлаагүй. Бухимдсан юм. Өдөр бүр бие минь тэвчихийн аргагүй өвддөг. Мартах гэж дүр эсгэсэн ч, өөр тийш харлаа ч, зурагт үзэж, мэдээ харж байсан ч, толгойн минь цаана дандаа байж байдаг. Энэ бол мөнхийн өвдөлт. Мэдээ харахгүй байсан ч дайны талаар мэдэхгүй байлаа ч өвдөлт байж байдаг, учир нь сүнс бүхнийг мэдэж байдаг. Та нарын сүнс бас бүхнийг мэднэ. Зүгээр л унтраахыг хичээгээрэй. Битгий тэгээрэй, учир нь та нар Бурханы Хаант Улсаас, Диваажингийн адис, нигүүлслээс өөрийгөө хаачихна, та нарыг сайн амьдруулах, эрүүл саруул, урт удаан, элбэг хангалуун, амар амгалан амьдруулах Бурханы хамгаалалтыг хаачихна. Өөрт тань сайн бүхнийг бүү хаагаарай, хүнлэг зан чанарын эсрэг, Бурханы хүүхэд байна гэдэг ямар учиртайг ойлгосон ойлголтынхоо эсрэг бүхнийг үйлдэж, Бурханы Ивээл, Бурханы Адис, Бурханы Хайрыг бүү хаагаарай. Амьдралдаа, өдөр тутмын завгүй амьдралаасаа цаг гарган, хэдхэн минут ч байсан хамаагүй өөрт тань ойлгуулж, Бурханы Хайранд үнэнч байхыг, Түүнийг хэзээ ч мартахгүй байхыг гуйн залбираарай. Үгүй бол Ертөнцийн Хуулиар, муу бүхнийг устаж, сайн бүхнийг тэтгэж адисалж байдаг Ертөнцийн системд амьдрал тань юу ч биш болно. Энэ нь Ертөнцийн Хууль, Ертөнцийн автомат систем юм.

Эсвэл бодлого гэсэн ч болно, илүү ойлгож л байвал хамаагүй. Яг л улс оронд засгийн газар хууль тогтоодогтой адил. Ямар ч улс оронд ард иргэдээ хамгаалах гэж, сайхан амьдруулах гэж хууль гаргадаг. Зарим нэг авлигад идэгдсэн удирдагчид, авлигад идэгдсэн засгийн газрын ажилчдыг эс тооцвол шүү дээ. Гэвч улс орны хууль иргэддээ туслах, тэднийг хамгаалах зорилготой.

Ертөнцөд бас ийм бодлого бий, гэвч улс орны хуультай харьцуулахад хавьгүй илүү дээр, хавьгүй илүү оновчтой, хавьгүй илүү нарийн байдаг. Учир нь олон хүмүүсийн хувьд Үнэн бүдэг. Тэгэхээр тэд юмсыг Ертөнцийн жинхэнэ Хуулийн дагуу үйлддэггүй. Тэд муу юмс хийж, бусдыг ч өөрсдийгөө ч хохироодог. Үүний баталгаа нь амьтан-хүмүүс. Тэд өвдөлт мэдэрдэг, хөдөлдөг амьд төрөлтнүүд. Гэтэл та нар тэднийг алж, хоолойг нь хэрчиж, хөлийг нь тайрч, шууд л идчихдэг! Бурхан минь! Заваан! Мэдээж, бид бүгд тэгж байсан, бид илүү сайныг олж ухаараагүй, дотоодод төрөлхийн орших нигүүлслээ ухаараагүйгээс тэр юм, бид сохорсон, нүдээ боолгосон, нийгмээс болоод дүлийрсэн болохоор тэр. Нэг нь нөгөөдөө нөлөөлж, бүгд муу зүйлс үйлддэг. Гэвч гуйя, яг одоогоос эхлэн амьдралаа өөрчлөөрэй. Жинхэнэ сайн хүн бай, Бурханы сайн хүүхэд бай. Өөрийнхөө төлөө бас муу бүхнээс хол бай. Зөвхөн тэр ч биш, бусад амьд төрөлтнүүдийн мах цусыг бүү идэж уу. Хүчил төрөгч өгдөг үзэсгэлэнт моддыг бүү тайр. Бас хар тамхи бүү хэрэглэ, архи бүү уу, тамхи бүү тат. Үзэсгэлэнтэй, үнэ цэнтэй хүмүүний оршихуйг тань хордуулах юм бүхнийг бүү хэрэглэ.

Photo Caption: Байгалийн гоо үзэсгэлэн өөр ямар ч хотын адил гэрэлтдэг

Зураг татаж авах