Украинд (Урейнд) болон дэлхий дахинд энх тайвныг тогтоох арга, лекцийн 13-ын 13-р хэсгийг

Ийм байхад бид яагаад эх дэлхийдээ, өөрсдөдөө ийм эерэг хувь нэмэр оруулж болохгүй гэж? Ганц зүсэм амьтан-махыг та хэрэглээнээс хасаж чадахгүй, орхиж чадахгүй байж өөр нэгэн өөрийн тань төлөө юу хийнэ гэж бодоо вэ? Өөрийнхөө хүүхдээ хороож байж, өрөөл бусад тань ямар сайн ач тустай, хүндэтгэлтэй зүйл хийнэ гэж бодоо вэ? Там таныг өршөөнө гэж бодоо юу? Яаж? Хэрэв та гарч, бусад хүмүүсийн улс оронд, бусдын хот сууринд буу зэвсэг аваачин тэднийг устгасаар, амь насыг нь хөнөөсөөр байвал өөрт тань сайн зүйл болно гэж яаж бодоо вэ?

Магадгүй хор өөр өөр төрөл байдаг болохоор аминд тань аажмаар хүрдэгтэй адил үйлийн үр аажуухан ирэхийг та шууд хардаггүй. Дайнтай хамааралгүй мэт байдлаар ирж магадгүй юм. Та хорт хавдраар ч юм уу өөр юунаас ч юм болж үхэж мэднэ, эсвэл хамааралгүй зүйлээр, төсөөлөмгүй өвчнөөр, үл мэдэх өвчнөөр, шинэ цар тахал, шинэ вирусээр үхэж мэднэ. Дайн дажин хийж байгаа нь эсвэл хүмүүсийг алж, амьтан-хүмүүсийг хороож байгаа нь та өөрийгөө гэж бодохгүй. Тэгж бодохгүй ч тийм байдаг.

Үйлийн үр та нарын хүссэнээр гарч ирэхгүй, эсвэл хамааралгүй мэт харагдана. Заримдаа үнэхээр илт байдаг ч байнга тийм биш. Дээрээс нь та нар жаахан буянтай учраас тэрхүү буяны агуулах тань заримдаа та нарын туулах ёстой, эдлэн зовох ёстой муу үйлийн үрийг тэнцвэржүүлж өгдөг. Гэвч энэ бүхэнтэй дүйцэхүйц хангалттай буянтай эсэхээ, эсвэл өөрийгөө өвчнөөс хамгаалах, цар тахал, аваар осол гээд юунаас ч юм хамгаалах, бүр тамаас хамгаалах хангалттай буянтай эсэхээ хүн мэдэхгүй.

За би хангалттай ярьсан байх, тэгж найдаж байна, учир нь манай багийнхан үүн дээр ажиллах ёстой болно. Тэдэнд өдөр тутмынх нь ажил бий. Суприм Мастер Телевизээр гарч буй нэвтрүүлэг болгон дээр цацагдах хүртэл нь багадаа дөрвөн өдөр зарцуулдаг. Дээрээс нь чанар шалгалт, дүрэм шалгалт, хасах, нэмэх гээд өөр өөр хэлтсүүдээр орох ёстой байдаг. Тэгээд хамгийн сүүлд над дээр ирж, бага зэргийг устгаж, засварлаж, эсвэл нэмнэ, эсвэл бүр магадгүй зарим хэсгийг нь бүр болиулна. Та нарын үзэж байгаа нэвтрүүлэг болгон дээр бид маш их ажиллах ёстой болдог. Харж байгаа нэвтрүүлэг болгоныг тань би эхлээд сонгож, уншиж, юу нь юу болохыг мэдэх ёстой.

Гэсэн ч сэмхэн алдаа гарчихна, жишээ нь түрүүний ярьсан базилик байна. Би нэгийг л хэлсэн, учир нь заримдаа би Интернэтээс ч юм уу зарим тайлангаас хүнсний бүтээгдэхүүн хараад шууд шалгадаг юм, яагаад гэвэл би нэг дор бүх хүнсний бүтээгдэхүүнийг санахгүй. Тиймээс хармагцаа би “Өө энэ болох юм байна, өвдөлт мэдэрдэггүй хүнс байна, эсвэл өвдөлт мэдэрдэг нь байна” гэж санадаг. Надад зураг энэ тэр нь эсвэл нэр нь байвал би хариуцсан хэлтэст нь хэлж, өвдөлт мэдэрдэг, мэдэрдэггүй хүнсний жагсаалтад нэмүүлдэг. Гэвч цагийн хязгаараас болоод би байнга ингэх боломжгүй. Дэлхийн бүх хүнсний нэрсийг би хайгаад байх боломжгүй. Тиймээс мэдсэн бүхнээ илгээдэг.

Тэгээд хамгийн сүүлд базилик илгээсэн юм. Тай базилик өвдөлт мэдэрдэггүй. Харин өөр төрлийн базилик өвдөлт мэдэрдэг ч би бусад базиликийн зургийг явуулаагүй. Олсон зүйлээ би эхлээ өгдөг, тэгээд дараа нь олсон зүйлээ дараа нь шинэ багц ч юм уу болгоод илгээдэг. Гэвч үүнийг хариуцсан хэлтсийн редактор над руу хэдэн үг бичсэн байсан. “Бусад бүх базилик өвдөлт мэдэрдэг.” гэсэн байв. Би “бусад бүх базилик” гэж хэлээгүй. Зүгээр л, одоогоор зөвхөн Тай базилик л өвдөлт мэдэрдэггүй, бусад нь мэдэрдэг гэж хэлсэн. Гэвч ямар базилик гэдгийг нь хэлээгүй байсан. Надад нэр, зураг нь байгаагүй юм. Би санамсаргүй л харсан юм, учир нь миний өмнөөс түүнийг өөрийнхөөрөө болгон нэмж бичсэн шиг биш миний бичсэн шиг байна гэж итгэж байсан юм. Би түүнд тэгж хэлээгүй. Жишээлбэл, ойлгож байна уу?

Мөн би үнэхээр байнга шалгаад байж чадахгүй. Гэвч би тэдэнд, “Бичүүлэхээр эсвэл нэвтрүүлэг болгуулахаар илгээсэн бүхнийг эхлээд над руу явж шалгуулаарай” гэж хэлсэн. Гэтэл энэ удаа тэр явуулаагүй. Зүгээр л, “Бусад бүх базилик өвдөлт мэдэрдэг” гэсэн байсан. Тэгээд надаас бататган асуух гэж илгээгээгүй. Учир нь өмнө нь, өөр нэг удаа тэд алдаанууд гаргаж байсан, мэдээж. Хүмүүс алдаа гаргадаг, магадгүй машин ч алдаа гаргадаг. Заримдаа өөр өөр товчлуур налаад дарчихвал, товчлуурт хүрвэл магадгүй өөр үг болчихдог. Гэнэт утас ч юм уу хэн нэгэн үймүүлж, улмаар та эргэж харалгүй, буруу бичигдсэн үг тэндээ хэвээр үлдэж, нийтэд цацагддаг. Хэдийгээр би бүх боломжит цаг заваа бүх нэвтрүүлгийг шалгахад зарцууллаа ч алдаа гардаг. Гэхдээ энэ бол тийм ч муу алдаа биш. Ихэвчлэн тийм ч муу байдаггүй. Үүнийг устгаад ахиад бичих боломжтой.

Гэвч тэр над руу буцаан явуулаагүй болохоор би Суприм Мастер ТВ-ын дэлгэцээр санамсаргүй харах хүртлээ анзаараагүй. Тэгээд би, “Бурхан минь! Тийм биш, бүх базилик биш. Би бүх базиликийн ч нэрсийг мэдэхгүй” гэж хэлсэн. Эхлээд тэдгээрийг харж, бусдаасаа аль нь ямар гэдгийг шалгах учиртай... Тай базилик бол өвдөлт мэдэрдэггүй би мэднэ. Бусдыг нь би нэг нэгээр нь шалгах ёстой, учир нь үлдсэн хэд дунд өвдөлт мэдэрдэг мэдэрдэггүй аль аль нь байж мэднэ. Гэхдээ одоохондоо

шалгах цаг байсангүй. Миний цаг туйлын хязгаарлагдмал. Суприм Мастер ТВ ажлыг компьютер хийж, нэвтрүүлгүүд санал болгож, нэвтрүүлгүүдэд зөвшөөрөл олгох, ажилчдад зөвшөөрөл олгох гэх мэт төрөл бүрийн зүйлс бий. Гэвч би бас дотоод ажлаа хийх ёстой. Зарим дотоод ажлыг Суприм Мастер Телевизийн ажил хийж байхдаа нэгэн зэрэг хийх боломжтой, давхар ажилладаг. Харин зарим нь боломжгүй. Заримд нь би бүх цаг зав, анхаарлаа хандуулж, зөвхөн тэр дотоод асуудал дээр л төвлөрөх ёстой болдог.

Жишээ нь энх тайвны ажил байна. Би зүгээр л тэнд суучхаад товчлуур даран юмс бичингээ дэлхий дахины тэмцлийг арилгах боломжгүй, гэх мэт. Эсвэл амар амгаланг-алдуулагч ертөнц, сувдаг чөтгөрүүд байна. Заримыг нь болдог. Яг л зарим Күн Фүгийн их багш нар нэгэн зэрэг олон хүнтэй тулалдаж чаддаг шиг юм. Гэхдээ ямар хүмүүс гэдгээс хамаарна. Өөр илүү хүчтэй дайсан байвал Күн Фүгийн их багш түүн дээр, зөвхөн тэр дайснаа үгүй хийх дээр төвлөрөх ёстой болно. Нэг гараараа өөр нэг хүнтэй тулалдаж, баруун гараараа хоёр гурав дахь хүнтэйгээ тулалдах боломгүй, гэх мэт. Энэ бол зүгээр л жишээ юм, миний амьдралын зах зухаас мэдэг гэж хэллээ. Тийм байдаг. Миний хувьд дандаа нэгэн зэрэг олон ажил хийх боломжгүй. Юм идэнгээ ямар нэг зүйл үгүй хийж, дотоод ертөнцдөө зарим нэг ажил хийж байж болох ч дандаа биш, дандаа үгүй. Дотоод ертөнц гадаад ертөнцөөс өөр, тэс өөр.

Би шархадсан байлаа ч, эсвэл өвдсөн байлаа ч та нарт харагдахгүй. Энд тэндгүй цус энэ тэр урсдаггүй. Өөр. Гэсэн ч заримдаа надад тэнхрэх шаардлага байдаг. Гэхдээ өдийг хүртэл болоод л байна. Би бол Супер эмэгтэй, санаж байна уу? Би ийм л зүйл мөрөөддөг. Бүхнийг нэгэн зэрэг хийж чадахыг. Гэвч, ямар ч тэмцэлд үргэлж гэмтэл бэртэл, алдагдал, эсвэл ямар нэг тухгүй зүйл байдаг. Сүнслэгээр ч миний хувьд адилхан, мөн миний хийж буй ажилд тийм. Би төмрөөр хийгдээгүй. Дотооддоо би шархадсан байлаа ч, хэн ч харахгүй, би мэдэрдэг ба мэддэг. Тэгээд заримдаа тэнхрэх хэрэгтэй

байдаг юм. Зарим үйлийн үрийг би хоол ашиглан тэнцвэржүүлж болдог, тэнцвэржүүлдэг. Зөвхөн миний мах цус байх биш бие махбод маань тэсэж тэвчих өөр зүйлс байна гэсэн үг. Зарим нэг хуурай хоол хүнс иддэг юм. Яг л гарт минь зэвсэг байвал, дайснууд над руу сэлэм, эсвэл хутгатай дайрах үед надад гарт минь өөр хутга байх болно, ядаж л арай бага, мод ч юм уу байна. Ийм учиртай. Ингэснээр би өөдөөс ирэх хутганаас бие хамгаалахын тулд зөвхөн нүцгэн гараа ашигласнаас дээр. Тэгэхээр зарим нөхцөл байдлыг зохицуулахад хоол хүнс шаардлагатай байдаг. Гэхдээ хамаагүй ээ. Та нарт хэлсэн, веган бас сайн л байвал би ямар ч амьдралын хэв маягт хүлэгддэггүй. Сүүлийн үед зөвхөн өвдөлт- мэдэрдэггүй хүнс хэрэглэж байгаа. Зөгийн бал гэх мэт амьтан- хүмүүсийн орцтой бол би өвлийн улиралд ч гарын крем хэрэглэдэггүй. Хэн нэгэн санамсаргүй худалдан авсан байвал би тэдэнд хэлээд шууд л хаядаг.

Гэсэн ч хоол хүнс одоогийн байдлаар миний хувьд шаардлагатай “зэвсэг” хэвээр. Тиймээс илүү хэрэгтэй бол би илүү иддэг. Бага болохоор бол юм иддэггүй. Би зүгээр л хоолгүй явдаг, ингэх боломжтой. Харин та нарын хувьд, дэлхийд ажиллаж байгаа учраас бие махбодынхоо шаардлагын дагуу юм идээрэй. “Энэ тэр зүйлийг идмээр” санагдвал ид. Хэтрүүлэх л хэрэггүй. Наян хувь цадах нь хамгийн сайн, ерөнхийдөө, веганаар. Мэдээж та нар өвдөлт мэдэрдэггүй хүнс идвэл өөрт тань сайн гэж бодвол өвдөлт-мэдэрдэггүй хүнс ид. Гэхдээ одоогийн байдлаар өгсөн жагсаалт гүйцэт биш. Бүхнийг 24 цагт хийх их цаг хугацаа надад байхгүй. Суприм Мастер Телевиз миний хувьд эн тэргүүнд тавигдана, учир нь би өдөр бүр олон нэвтрүүлэг дээр ажилладаг. Өчигдөр л гэхэд 16 байсан. Ихэнх нь урт, амаргүй нэвтрүүлгүүд. Заримыг нь зохицуулах хялбар байдаг юм биш. Тиймээс та нарын хүссэн, эсвэл залбирдаг олон зүйлсийг би хангалттай хийхгүй байвал ойлгохыг бодоорой.

Та бүхэн надад туслах хэрэгтэй. Үнэхээр хэрэгтэй байна. Та нар сайн байж, веган болцгоо. Өөр хоорондоо, хөршүүдтэйгээ, найд нөхөд, хайртай хүмүүс, найз охин, найз залуу, өөртэйгөө хамааралтай бүхэнтэй эв найртай бай. Тэгэхээр амьтан-хүмүүстэй, мододтой, гол мөрөнтэй, уулстай, ой модтой, далайтай гээд өөрсдөд тань сайн бүхэнтэй энх тайван байх ёстой. Эдгээртэй эвтэй байх ёстой, эв найрамдлаа хадгалж, хамгаалах учиртай. Яагаад гэвэл тэд та нарыг хамгаалдаг. Өөрсдийгөө хамгаалахын төлөө юм шүү. За, ойлгосон уу?

Дэргэдэх бүгддээ үйлдсэн сайн үйлс бүхэн тань өөрсдөд тань сайн. Тийм учраас Эзэн Есүс “Дайснуудаа уучил.” гэж хэлсэн. Учир нь дайснаа гэмтээвэл илүү их үзэн ядалт бий болж, илүү их үйлийн үр тарина. Тиймээс веган байж, энхийг сахиулж, сайн үйлс үйлдээрэй. Баярлалаа.

Бурхан бид бүхнийг адисалж, Гэрт маань аюулгүй хүргэх болтугай. Амен. Оройн Дээд Эзэн Бурхан Танд талархъя. Бид Танд хайртай. Магадгүй бидний олонх нь харанхуй мунхаг, би гэх үзэлт оюунаар үйлддэг байх. Гэвч сэтгэлдээ, сүнсээрээ, магадгүй нууцаар, магадгүй ил тод Таныг хайрладаг. Тиймээс биднийг уучилж, тусалж, гэгээрүүлэн, Гэрт маань хүргэж өгнө үү хэмээн гуйя. Амен. Баярлалаа, Эрхэм ээ.

Photo Caption: Дотоод Гоо Үзэсгэлэнгээрээ Цойлон Дэлхийг Үзэсгэлэнтэй Болго!

Зураг татаж авах